篤篤船麵 (荃灣千色匯) (已結業)

難得去到荃灣，當然想食O下O的特色食物，行到千色匯見到有不同的餐廳，朋友想試O下篤篤船麵，就一於一齊去啦! 整間餐廳的裝修都好有特色，模仿泰國船麵的特色，彩色木椅。雖然而家去唔到泰國，唯有叫O下細碗船麵回味一O下，由配料、麵及湯底都係由自己選擇、自己配搭，一次過試不同的口味。職員同我哋講，最少都要叫四碗，如果唔係唔夠飽。所以最後決定要叫五碗，其中叫了一款砲料-豬潤，可惜當日無貨了.....香茅豬扒飯- 份量十足，朋友話豬扒比較乾身，同埋O的飯唔係好熱五碗細船船麵 - 真係要叫四碗或以上先夠飽，職員一次過放低五碗，唔知係唔係因為這個原因，碗碗都不是太熱，每碗大約有2件配料，同1/3碗麵，麵的軟硬度適中，最開心係一次過放到成枱都係!

放工喺荃灣行咗陣千色店，買晒過年嘅用品啦，但係千色店嗰頭冇咩食，拎住咁重野，於是我地去左千色匯，睇吓有咩好味啦，快食完就走。喺2樓天仁茗茶嗰層，有幾間新食店，我見都幾多人食。本身我地都想食牛摩，但因為太多人，所以唔想排隊既我地，去左食隔間船面。依間餐廳一入黎，店員就會講「沙娃d cup」，裝修又好泰式，好colorful。睇下Menu，佢有大碗船面餐，又有細碗船面餐，可以食下唔同配搭，每樣都淺嚐一番，一於每個都叫黎試下。另外，都叫左啲小食同野飲。大碗船面：豬魔王（腩肉、豬肉片、扎肉）配豬湯金邊粉材料豐富，豬湯好濃，飲落鮮甜，但唔會好甜，配金邊粉好吸味。腩肉同豬肉片幾爽口，食落有少少菇味，幾特別。五碗細船面：一碗大約兩三啖左右，但可以試唔同味道既面。佢既全蛋面配辣湯都幾好食。另外，彩虹湯係南乳湯，酸酸甜甜幾惹味。小食：蓆蝦爽口彈牙，不過個蓆無咩味。泰式雜菜係滷水通菜，正正常常，如果配馬拉盞會好啲。香茅豬扒，比較乾身。飲品係青檸梳打：自動配上冰底，青檸似係醃過，整體飲品上不過甜。新鋪岩岩開，佢服務態度好，安排都得當，新鋪黎講算唔錯。麵食質素不錯，如果小食係新張過後，更上一層樓會更好！