熨烤達人 (已結業)

港女女朋友最鍾意呢就係食韓燒架啦，今日呢我就聽朋友嘅建議帶佢黎食呢間好特別嘅熨烤達人！聽聞開咗幾間分店，應該都幾好嘅。我哋叫咗杯嘢飲share ,非常之大杯啊！唔算太甜，咁熱嘅天氣飲呢反而有種清新嘅感覺！我覺得呢杯野男女都啱飲呀。話明熨烤達人，緊係我個熨斗喺度先得架！原來呢佢最特別就係燒五花腩嗰陣用落熨斗壓落去！唔好話我女朋友啦，我睇到都覺得好神奇好有趣呀！之後仲要幫你剪埋，好好service !五花腩肥瘦均勻，唔會太多油，正啊！豬皮都勁好！好大塊好滿足啊總括來講，唔係淨係為咗氹女朋友開心嘅食韓燒，但係其實自己都會好開心喎因為搵到一間好好味呀嘛！

同朋友經過旺角，突然好想食韓燒，上openrice見到呢間熨烤達人，好似好特別，熨斗不是用來熨衫，竟然熨烤肉，個gimmick 實在太得意，出發！入到去鐵皮既裝修好型格，成件事好似入左個熨斗入面食野咁，環境同去韓國食好似差不多，好有格調。值得一讚係佢D 凳係可以擺袋入去，唔怕D 嬲同袋吸哂油煙味，唔洗香住入黎臭住出去，好貼心佢D 凳都好特別，好多marvel 既角色，令我同行既朋友好開心一坐底，前菜好快送上，都係泡菜啊、芝士啊、栗米個D啦。 其實我都真係幾鐘意食佢既 茄子、蓮藕呢兩款前菜waiter 好快都幫我地加蛋漿，鐘意加咩就加咩，加幾多就加幾多。今次我地點左五花肉（＄105）、大腸豬支支(＄88）、雜菌菇（＄65）同堆 辣薯湯韓式生面（＄58）首先上左碟大腸豬支支，簡稱豬大腸啦，份量十足，大腸都好足料，入面有D芽菜做配料，醬汁都好野味，成件事係好有口感同惹味（本人食野比較重口味），所以都覺得幾讚。五花肉個份量都算大份，不過好似未解哂雪咁。唔知有冇人好似我咁鐘意食肥少少既五花肉，貪佢燒完肉汁肥美，好好味，不過呢到既五花肉就瘦，我朋友就好鐘意，我就一般啦，各人口味唔同。擺落去燒要比時

已經好耐無打評論，呢間的感受真係好差! 1）呢間算係近期食過性價比都真係偏貴，食物質素一般/份量算少，如果over 4人食, 每份肉一人都未必分到一舊, 豬腸好咸, 仲唔夠熱, 有咩情況熱食上台係暖的?????2）生菜唔新鮮,好似人地食完唔要羅翻入去果咁, 諗身的, 三個人去食,一碟小菜泡菜大醬都無，出面食邊間都無可能係咁, 講到呢度已經係差差差!!! 3）叫左牛+豬的燒肉拼盤$480set，目測其份量只值約$300左右，呢個價錢向外面同類型韓燒都食到份量更多的燒肉4）但店員服務良好，不過個熨斗無咩用, 而且懷疑個熨斗都唔知有無洗過, 仲意為會加熱先上俾我地去熨個肉,無的凍冰冰咁放落去,唔覺有同一般方式的燒法可以令個肉有唔同的熟法 / 味道! 5) 出面好多間的爐邊蛋係任加的, 呢間只會加第一次, 第二次開始係要加＄先有食，但一落到位已有少量芝士，粟米，碎泡菜，落左落蛋度, 已經無小菜給我地 6) 其實我係閒日去的, d飲品有韓式七喜可配士多啤梨味/ 藍莓味, 但汽水無汽的! 我有少少覺得自己飲緊人地嘔出黎的! 食燒肉點都想飲野, 好在唔難入口, 唔係呢餐真係可以叫救命 總括: 得個樣