鋿晶館

营业中

休息中

店舖感覺寬敞乾淨，待應態度友善。點心即叫即做，師傅聽講係東京、米芝蓮餐廳、同連鎖酒店做開。屋企人之前嚟過覺得好食，食過翻尋味。嗌咗十幾個點心，呢啲幾impressed。 ✦ 京川餃子食落比望落惹味，少少麻少少辣，幾開胃。✦ 黑松露北菇燒賣王大大粒，黑松露香，每粒都夾隻蝦，好鮮味。✦ 月半彎晶瑩鮮蝦餃皮晶瑩剔透、彈牙，蝦大隻爽彈、新鮮。✦ 活拆生剝鮮蝦腸腸粉滑溜、鮮蝦大隻新鮮足料，皮薄餡靚。✦ 蟲草花螺片燉雞湯驚喜，好足料，成層蟲草花。湯唔油、飲完唔渴，香濃鮮甜。✦ 脆皮炸乳鴿火喉控制得宜，乳鴿片燒得香脆，肉質juicy嫩滑。✦ 豉汁欖角鱔片飯好驚喜，鱔片鮮美爽彈，米飯粒粒分明、帶油香及荷葉香。✦ 脆炸北海道牛奶難得感覺唔油膩，外層酥脆，內層嫩滑、奶香味濃郁。✦ 暖身千層薑汁糕上枱已經聞到薑味，食落更濃郁，而且唔太甜膩，好食。 總括嚟講係質素高又抵食，而且多選擇，會再嚟。

之前食過上環鋿晶館，原來旺角都開左分店，今晚就黎試試水準先。原來呢度主打點心。第一次黎，就多叫幾個點心分享。蒲江春鮮竹牛肉球 $30蒲江春鮮竹牛肉球一客3粒大大粒，肉質好腍，味道幾好，下底既鮮竹夠薄。半肥不瘦叉燒腸 $32半肥不瘦叉燒腸一客3條，腸粉皮算薄，入面有瘦叉燒同香茜，唔錯唔錯。京川餃子 $38京川餃子一客5粒，皮好薄，入面明顯有菜肉同蔥，個汁又酸又辣，仲有蒜同蔥，都唔錯。好姐潮州蒸粉果 $21好姐潮州蒸粉果一客3粒，都幾平。粉果皮薄，例牌入面有花生，蔥，白蘿蔔粒。百吃不厭鹹水角 $22一客3件。入面明顯食到肉餡。鳳爪排骨金鳳飯 $32鳳爪排骨金鳳飯一客有兩隻鳳爪同5粒排骨。排骨偏肥，鳳爪應該炸過所以皮唔會爛，配有豆豉同辣椒。白飯係金鳳米，好食，長身又腍。聽聞餐廳係自家製品牌，師傅來頭唔少野，曾經喺日本東京富麗華工作多年，專為高管達人同明星服務，返港後喺多間米芝蓮酒店同大型連鎖集團做主管，而所有手作點心係現場即點即做，所以要等30分鐘左右。點心質素明顯唔錯，絕對唔係一般酒樓貨色。最後多謝友人請客。