利寶閣 (已結業)

相信有好多人平日食晚飯好少會去酒樓 （雖然我都係 不過今日心血來潮想試下 所以就落左樓下商場既利寶閣）入到去經理就介紹下有乜抵食既餐咁傾完一輪之後 見佛跳牆做緊優惠 梗係試下啦！佢個佛跳牆係跟個豚肉叉燒飯 都係$188 個叉燒蛋飯黎到枱面 我係呆左下既因為太有驚喜啦 以為係普通一碗咁點知道成碗黯然銷魂飯咁 成舊叉燒係免切 淡淡肉 仲有d蜜味 蛋又黃又靚 同坤賣相係有心思既！佛跳牆鮑參翅肚齊哂之餘 有花菇 瑤柱 瘦肉等等 塞滿哂整個盅 仲要有2隻鮑魚！個湯底好甜 應該幾補下 無得輸呀呢個套餐！原隻上湯龍蝦伊麵今次揀選了上湯焗龍蝦伊麵，龍蝦大大隻而龍蝦肉質係實既而且新鮮，十分juicy多汁，伊麵麵質剛剛好，吸收哂上湯精華同龍蝦鮮味碧綠炒斑球 （$108）斑球都幾難整得好食 而呢到做出個水準來 肉質唔散 鮮味 岩岩好！用黎送飯一流！好快就清哂服務仲要好好 食一餐飯主動換左幾次碗同茶 呢一個絕對要讚總結，絕對係驚喜之作呀 呢一下心血來潮來得好呀！想唔到閒日晚餐去酒樓食 別有一番風味

老媽子話好耐冇食中菜，就帶佢黎利寶閣試下～今日我地都叫左幾多野食。前菜有小炒豆角，好惹味😋佛跳牆由細到大聽就多，之前係另一間利寶閣食過，今日就推介媽咪試下。我媽話好足料，大讚個湯入口夠膠。一個Set 連埋叉燒飯，真係一絕。我媽欣賞呢個豚肉叉燒飯，睇落平平無其，但外面有小小脆口，初初有d擔心會靱，但食落鬆化、靱度岩岩好，好易可以切開，大大咁啖食😏跟住上左蝦籽柚皮，細細個好中意食，婆婆成日整，好有家鄉feel😍媽子叫的宮保炒帶子，炒得好入品，送飯食一流。跟住上左今日我覺得最好食的一味菜，薑蔥花膠滑雞煲，好食到停唔到口，薑蔥味夠，雞入味不再講，花膠大大舊，外軟內爽口彈牙，必食推介👍🏻👍🏻真心大大件，正到呢！最後賣單仲送蛋散同糖水，糖水唔甜度剛剛好，好好味～真係飽到冇朋友，其實今餐的份量我諗3-4人加多2個飯都夠食，但我地2個飽住食都可以食清光，可想而之幾好味🤣

今晚很高興，因為媽媽跟我和爸爸在一間奧海城二期的中菜廳補慶祝生日晚飯,我們到了奧海城的【利寶閣】來一個堂煌的中式大餐。我記得【利寶閣】是媽媽比較欣賞既餐廳所以由於她生日就特別想跟她來這裡吃個中菜，知道有幾間分店，但當日路程的話，奧海城分店就比較方便！免費泊車服務亦是一個意外嘅好收穫！當你在到二層然後一直走一直走走到最後便見到門面非常闊落的【利寶閣】！門口有一些特別餐牌，見到個好像谷飼叉燒蛋飯的宣傳海報好像挺吸引的！畢竟我都是位叉燒狂人，去到中菜的餐廳就會有一個想點叉燒吃的心。經店員安排座位後，看看周圍環境，感覺同其他酒樓會有一些分別，裝潢上較富麗輝煌，高檔次點點，完全估唔到餐廳內部是這麼大的！我們三人坐得非常舒適,而且同隔黎枱都有些距離，空間感充足！爸爸媽媽感到滿意！是日由他們發板點菜⋯⋯但我想點一個谷飼叉燒蛋飯先...店員隨即推介現正有個孖寶套餐是(佛跳牆+谷飼太陽蛋叉燒飯)在做特價$188。爸爸聽到佛跳牆就即點了。然後再點了幾款菜色！其實餐牌上都有很多其他不同特色的小菜呢。【利寶閣】的餐具上也花了點小心思，有花紋的杯碟，份外精緻！而且菜式未到前可以先吃點花生開開胃！孖寶套餐$188

利寶閣位於奧海城二期，我和朋友周不時也會在午市時約埋飲茶, 貪佢地點方便易搵, 而且我們對酒樓的印象也不錯。環境闊落之餘，不會背隻貼背隻。呢兩日朋友升左職, 話要請我做家燕媽媽, 食番餐食神套餐佛跳牆食神套餐最重要果盅梗係佛跳牆, 佛跳牆要原盎燉，而湯入面也十分夠份量: 鮑魚、花膠、海蔘、響螺、冬菇、魚翅、瑤柱同瘦肉等。非常足料, 飲落非常鮮甜, 原汁原味。谷飼豚肉叉燒飯豚肉叉燒肉嫩軟林, 掃上蜜汁的叉燒燒得香口又腍身, 半肥半瘦, 非常肉質鬆化。有少少脆邊的太陽蛋半生熟, 蛋黃流心誘人。半生熟的蛋汁, 配上有豬油香的甜豉油, 將三者撈晒落白飯度, 最簡單的食物已叫人非常滿足。秘制銅盆雞銅盆雞細件放在銅盆, 用銅盆則可讓雞件均勻受熱，香味更為持久。味道帶點沙薑的味道, 卻又比純沙薑雞更惹味, 切得大小適中的雞肉，香氣誘人, 色澤金黃, 而且肉質爽彈，雞味回味香醇。蠔皇扣遼參接下來登場的還有另一埸重頭戲蠔皇扣遼參, 遼參肥大肉厚, 雖然外形有點像像毛蟲, 但煮得非常入味, 軟硬適中, 是滋補養血之選。豉味虎皮椒脆斑頭腩斑頭腩與虎椒和大蔥段同爆, 香口惹味, 腩位多肉有口感, 入口滑而不膩

奧海城二期的利寶閣裝修都富麗堂煌，坐得舒適, 空間感充足, 枱與枱之間保持一定距離，適合跟家中長輩用餐食飯。既然與長輩用餐, 當然要對他們好一點, 我們叫了一個佛跳牆套餐, 與及其他幾款菜色。佛跳牆唔好以為佛跳牆會好貴, 其實套餐都只係188,湯底有遼參、鮑魚花膠魚翅、花菇、瑤柱、花菇等等, 材料豐富之餘，湯底鮮甜無比，鮑参翅肚樣樣齊, 長輩食到最開心。谷飼叉燒蛋飯谷飼半肥瘦叉燒豬味香濃, 叉燒燒得腍身, 而且肥瘦相間, 太陽蛋流心又煎得火農邊, 非常誘人, 配上豬油及甜豉油，好下飯之餘更加讓人忘了甚麼叫膽固醇。紅燒BB乳鴿BB乳鴿有柯打才即叫即炸, 只有開半而沒有斬件，BB乳鴿雖然係BB size, 但肉質非常鮮嫩, 外皮脹卜卜, 肉汁得以保持非常惹人一口以食之, 原隻波士頓龍蝦上湯伊麵伊麵用上原隻波士頓龍蝦, 蝦肉新鮮彈牙, 極有鮮味, 龍蝦味非常濃郁, 而且底層伊麵吸收晒所有龍蝦湯汁精華, 每一啖都好滿足, 每一啖都讓人回味無窮, 吃得津津有味。脆麻花最後餐廳還送了脆麻花給我們做甜品, 長輩一看到就非常開心, 因為這道小食花功夫, 已經不是太多酒樓會做了, 而且脆麻花即叫即炸,