FREE D COFFEE (葵涌廣場)

营业中

休息中

係葵廣入面小食店同手搖飲品就大把，咖啡店都真係好少見。經過見到佢哋啲咖啡好香，而且配搭好新穎，所以今日捨棄肥仔水。決定試下佢哋既咖啡☕️✰⋆🥥你好椰 coconut milk coffee $31 (Tall size)呢杯椰子咖啡係佢哋既Top 1🥇第一啖有好濃厚既咖啡味，之後飲落就有好香椰子味，個底仲有好多椰果，口感豐富，成杯椰子咖啡都好夾好香滑！呢個價錢竟然飲到一杯好飲既咖啡♥️性價比真係好高🥥我比5粒⭐️下次黎可以試埋佢哋其他既特色咖啡！(*´∀｀)

依間由一開業冇耐就收藏左，但一直冇乜機會試 ， 因為次次去開都勁多人排隊，超受歡迎🤣咁岩難得今次經過應該因為剛開門所以未見人龍， 緊係第一時間去買杯試下Menu上除左一般咖啡口味之外， 仲有唔少特別口味。 最後簡左店內”Top 1” 「你好椰」（$31） 。 顧名思義， 就係椰子口味。 等左大約5分鐘 ， 飲品就到手。 第一啖飲落去好重椰子香味， mix埋咖啡既口感意外地夾。 最緊要係 ， 原來入面仲有椰果🥥。 滿滿既椰果飲落去加哂分。 感覺好似係飲左杯咖啡版既珍珠奶茶咁🤣🤣🤣

出街拍拖嘅情侶們，總會去過葵廣，旺中，太安樓等等嘅地方去掃街。早兩日拖住女朋友到葵芳睇戲，但係睇戲前又唔想飲咁大杯嘢。你知啦，人有三急！戲院好鬼恐怖㗎嘛👻行下行下就經過一間賣咖啡既新店 - FREE D COFFEE平時我有飲開Latte，但係香港好少飲到呢一類特色咖啡，見佢number one first choice正正就係一杯椰奶咖啡，其實離遠聞就已經聞到咖啡味，見到張相嘅圖片後，我就已經開口order咗杯嘢 ”你好椰“。飲落去嘅第一啖真係好衝擊好rich，椰奶香味就好似平時食開椰汁糕，伴隨而黎就係咖啡嘅香味，每一啖都係味蕾同鼻腔之間充斥住兩種味道，但係兩者之間又真係好夾！而且口感飲落去好滑。☕☕☕☕☕/☕x5然而女朋友叫咗一杯“老闆正西.柚”，其實係一杯西柚汽泡咖啡，我當然唔會放過試味嘅機會😛佢比較似Americano 配上西柚果汁，如果喜歡飲咖啡豆烘焙得冇咁燶，比較生少少帶酸味，呢一杯好成功將酸味放大，當然唔係酸到好似飲橙汁檸檬汁咁，但係慢慢dap真杯野既味道，絕對飲得出佢嘅層次。☕☕☕☕/☕x5

葵芳可以飲咖啡既選擇真係吾多 而葵廣大部分舖都係手搖飲品為主 呢間咖啡店就變得好突出 試過一次之後就成為愛店 有時lunch time都會出嚟買杯咖啡提提神🥱而家仲做埋會員，每次買嘢飲都有九五折🫡▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃排名如下：1. 你好椰🥥🌟🌟🌟($35)舖頭嘅人氣之選no.1，亦都係我嘅首選 椰奶同咖啡勁夾 加入椰果增加口感👍🏻2. 捱到面青·瓜 🌟🌟🌟（$33)有時食飽唔想甘滯就會揀呢款 加入咗青瓜🥒同薄荷好適合夏天飲 超fresh💦💦亦唔會太苦太酸 易入口3. Ot 好狠·橙🌟🌟🌟 （$33）橙汁加齋啡都好夾 估唔到真係有橙肉🍊有驚喜 😋4. Espresso tonic 🌟🌟🌟 ($31) 想㗳真啲咖啡嘅味道同唔鍾意果汁既可以揀呢款🤣🤣5. 老闆正西•柚 🌟🌟($33) 有汽咖啡加上西柚汁 都係清新之選 略嫌西柚味吾夠出得半塊西柚6. 花花公子🌟 （$38）加入左黑糖同豆腐花 會比以上嘅稍甜少少🤏*價錢以grande計算❀舖頭開朝早10:30 如果可以開早啲就好 甘返工之前都可以去買杯咖啡飲☕️🥺🥺

🍽 Free D Coffee (葵芳)👍🏻你好椰 $50深水炸彈價 -$15咖啡+椰奶+椰果既配搭又幾特別椰果有啲咬口，仲令到杯咖啡冇咁苦😆📸06.07.2023.💁🏻‍♀️以$35杯既咖啡黎講質素唔差，算係幾抵幾吸引😋仲有其他款都好特別，下次再去試埋先😆👍鐘意既請Follow/Share/Like🙏ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʔ.🧸#Pucky 💁🏻‍♀️ @puckytoys 🤞🏻#no852新界區🤞🏻#no852葵青區🤞🏻#no852葵芳🤞🏻#no852葵廣🤞🏻#no852cafe 外賣🤞🏻#no852x2023

在食肆林立的葵廣中，咖啡店的確很罕見，反而周圍都係台式似品。相信老闆都係想以低價吸引一眾係度掃街的咖啡迷🤣除咗平時常見的latte/flat white/americano等等，仲有啲水果soda口味，或者係配豆漿花、紅豆呢種比較得意的配搭～你好椰（tall size）$31試咗呢杯人氣top 1的椰奶咖啡🥥🌴☕️味道唔錯，口感順滑，非常適合咖啡新手，冇苦澀味同易入口，而且價錢親民，下次嚟會試埋其他味😄

平時比較中意飲齋啡n拿鐵又（總而言之就系冇gum甜果d啡）見到新店開業又心郁郁想try第一次幫襯選中你好椰✌落單前問埋店員有冇得選甜度，答案係only可以選走椰果/少椰果~最尾ordered大杯·少冰·你好椰🥥 $35排隊時候幾長龍，不過等咗5分鐘左右就拎到手😽😽第一啖試咗未撈勻geh椰果n奶，濃郁香甜（少少偏甜），第二啖係同咖啡撈勻之後，甜度適中，咖啡味極濃，好香好好味🥹🥹🥹，第三個口感系霖尾果幾啖細啖d慢慢品，好濃椰香+咖啡香，好夾geh mix大推大推😆😆下次一於試埋花花公子sin🤣🤣🤣

睇完佢個餐牌，第一個主打就係呢杯你好椰，買咗黎試下，真係好香嘅咖啡味，椰子味就唔係好重，裏面有椰果，可以再試，我見到佢仲有一杯寫住裏面有豆腐花，下次可以試吓豆腐花咖啡嘅