京都勝牛x TOKYO DOLCI

营业中

休息中

媽咪啱啱配完假牙，終於有牙可以開懷咁食飯，當然要帶媽咪去食好西喇！荃灣廣場既京都勝牛係日本黎既過江龍，之前都有向日本食過。但媽咪就從未食過，咁就決定帶媽咪去試一試喇！中午時段，店裡唔算有太多食客。我地一行4人，點左午市套餐 ～ 流心忌廉牛肉餅+翼板牛；豚牛二味套餐以及元祖炸牛排套餐。所有套餐均配有麥飯，椰菜沙律以及味噌湯，而且呢3樣野都係可免費添加既👍🏻。椰菜配上芝麻醬真係太好食，每次都要添加3轉以上🤣。餐廳選用原塊美國及紐澳牛肉，所以油花均匀，食落口感充滿彈性。如果嫌牛排太生既，仲可以叫店員點著枱面既小火爐稍微再煎一煎。

呢日臨時俾同事約收工一齊去荃灣食飯，佢就揀左呢間。一入座，店員俾左近門口嘅位我地，但好快過左兩三分鐘，佢就話可以俾窗口卡位俾我地，所以我地就坐左過去。我就點左元祖炸牛排套餐，同事就點左泡菜辣雞鍋物。一上菜嘅時候，店員有同我講返裡面唔同汁係咩黎亦都有同我講返沙律菜係有無限添加~~我個元祖炸牛排其實D牛都算好熟下，唔駛再燒，但佢咬落都好juicy，又唔韌，牛味都有少少嘅，但可惜係佢出面個炸個粉漿唔夠脆，林左，感覺上唔係即炸咁。Overall連埋其他野食黎講都算幾飽，野食就不過不失啦，野食就有D偏貴，加埋一都要至少 $180 一個人。

丫妹相隔年半終於成功搵到工, 特意今晚外出食飯慶祝。前排shopping見到荃灣店京都勝牛相連甜品部, 正好食完dinner順便嘆埋甜品先完美。平日下班時間大約7點左右, 全場坐滿。食物款式選擇多, 套餐配有免費無限增添加沙律椰菜絲、白飯、味噌湯。我地各人order咗兩款小食、main courses、飲品、甜品。兩款飲品均order咗少冰, 不過味道均為淡, 似乎刻意突出清新茶味, 不是只落糖水的死甜。紅豆宇治冰抹茶 HK$32紅豆份量極少, 攪拌完飲, 抹茶味都是偏淡。白桃蒟蒻冰茶 HK$32清新茶味, 附有輕淡白桃香。元祖牛排炸串(3串) HK$52炸串吉列表層酥脆不油膩, 厚薄剛好, 包住約8成熟牛排, 唔會好韌, 連炸皮一啖啖咬落去, 口感札實, 點少少日式醬食, 鹹鹹地提升味道。自家製豚肉餃子5件 HK$52煎餃子同樣不油, 有薄脆片將餃子相連, 餃皮好薄, 豬肉餡料夾集椰菜絲, 淡淡肉香又有層次。 元祖炸牛排套餐 HK$168選用翼板牛部位, 牛排外層為吉列皮, 牛排為本身嘅嫩紅色肉質上檯, 配上多款調味料, 包括咖哩醬、7味唐辛子、牛排醬、鰹魚和風露、玫瑰鹽、wasab