sensory ZERO (One Island South ) (已結業)

朋友住南區個邊，但又想坐底間cafe舒舒服服咁食個lunch，所以就決定試下Sensory Zero！首先交通真係超方便，一出地鐵站過條馬路已經到了！當日我地1點到，但因為場地較大，所以都唔洗等位。落單係自助形式，搵到位後就可以去counter 點野食，跟住再等叫號碼去攞野食。因為都睇到食物份量較大，所以我地叫左個 慢煮雞胸肉藜麥沙律 （$130），再加個 全日早餐（$128），但都食唔晒！先講慢煮雞胸肉藜麥沙律，塊雞胸肉真係好好味，都算juicy，但因為我地係share，再加上個人喜好，我地最後將雞胸肉切成小片，再加埋沙律黎食。雖然睇落好似得好少肉，但其實幾飽肚！然後朋友點嘅全日早餐（$128）真係好足料！個人黎講我幾鍾意佢地嘅牛角包，因為牛油味都幾香，而炒蛋算滑！但真係好多茄汁豆，我朋友食完個茄汁豆已經飽飽地，所以好彩我係嗌沙律！總括黎講，食物質素都幾好，環境舒適寬敞，都幾適合同朋友週末過黎簡單食個lunch，或者帶埋電腦 / 書，做下自己野，都幾寫意。

經過黃竹坑站，見到馬路對面有一幅有趣的壁畫。壁畫旁邊有一間鋪面頗大，而且很裝修特別的餐廳Sensory Zero， 誤打誤撞便到這裏吃個晚餐。餐廳樓底很高， 座位寬敞。門口是一個cafe， 裡面有一個像中華拉麵店的開放式廚房。 餐廳放滿了很多關於咖啡的材料和用品， 有一部很特別的咖啡豆售賣機， 又有炒咖啡豆機。 原來這間餐廳除了售賣食物， 他們還有舉辦咖啡班。文靜的餐廳另一邊居然有一個boxing擂台！ 吓！難道是用餐後要打boxing 消脂，哈哈！原來餐廳除了舉辦咖啡班，還有舉辦 boxing 班！Cafe x Boxing，很有趣的crossover！餐廳是以自助形式， 先在門口cafe 點餐， 然後留意螢幕的號碼取餐。 飲品是在cafe 那邊取，食物便要到廚房那邊取。見到餐牌的全日早餐很豐富， 所以點了這個。全日早餐($128)全日早餐跟牛角包 。牛角包外脆內軟， 層次分明。 牛油香味中帶點甜味，不錯。沙律菜新鮮，加入了酸甜的沙律汁， 味道很好很清新。炒蛋份量很大， 應該有兩至三隻蛋， 蛋味重，正！腸是芝士腸， 芝士是流心的。但芝士味不算濃。咖哩吉列豬扒飯 ($98)這個是是日晚