鍋心八鮮蒸鍋 (已結業)

之前幫襯過鍋心粥底火鍋同海鮮燒，海鮮質素高而且價錢合理，每次都好滿意，所以今次試下呢間蒸海鮮。點餐形式同海鮮燒相似，都係揀龍蝦或蟹，然後再揀六款海鮮，每款海鮮都可以揀清蒸、金銀蒜或者其他醬料。一坐低未落單店員就送上燉湯，係冬瓜螺頭瘦肉燉湯，味道清甜第一款蒸海鮮係蒜蓉龍蝦，龍蝦爽口彈牙有鮮味，而且比想像中大隻鮑魚揀咗泰醬，泰醬係餐廳自製，好香辣椒味帶少辣。鮑魚都好大隻厚肉，而且蒸得啱啱好唔會韌，味道鮮甜蒜蓉蒸元貝超級鮮甜，如果有粉絲就更好喇蟶子洗得乾淨完全無沙，揀咗豉汁蒸味道好夾，而且都幾大隻金銀蒜開邊海蝦雖然比較細隻，但肉質彈牙好新鮮，配埋金銀蒜好正金銀蒜花蚌比較細隻，但都好鮮甜。韓醬豬肋條好有驚喜，估唔到咁好味！韓醬有少少辣，豬肋條邊位帶點油脂，醃得好入味海鮮以清蒸蟹作結尾，每人有半隻。肉蟹新鮮，蟹蓋有好多蟹膏食完海鮮就到八寶蒸飯喇，配料選擇好多，好多款都好吸引。我哋揀咗蝦醬豬腩肉、柱侯牛粒、沙嗲豬頸肉、香滑雞柳、臘腸、䈑筍、芋頭同爽口鹹酸菜。蝦醬豬腩肉、沙嗲豬頸肉同滑雞柳都好好味由於食完海鮮已經好飽，所以自備咗飯盒帶走半鍋飯。最後仲有糖水送，係凍嘅木瓜雪耳糖水。整體嚟講食物質素幾好

友人生日話食海鮮。。。睇吓睇吓呢到望落真係抵喎，初時打去訂枱預訂加錢要半隻龍蝦，距離食飯差5日，餐廳打嚟話餐牌改咗，價錢都唔同咗。。。無計都預哂人無謂改照去啦！而且聽落價錢都依然係抵！咁多海鮮仲要食埋個飯，真係好滿足，咁嘅價錢真係好難搵，而且唔洗郁手，所以都係店員負責，我地只需要坐響到等食！上次食粥底，今次蒸海鮮，下次鍋心又有咩好嘢呢？

一早想試呢間嘅海鮮蒸鍋，所以就早兩日訂咗張枱，同屋企人提早食團年飯海鮮整體嚟講喺好食同新鮮嘅，而金銀蒜味喺最好食；湯同糖水都好足料，感覺好滋補，可惜嘅喺唔包飲品，要另外加錢嗌唔滿意嘅喺蜆同花甲有沙，口感有少少韌，同埋侍應竟然無睇清楚海鮮熟未就擺上枱同我哋講食得，好明顯員工培訓唔夠成晚有4個侍應輪流睇住我哋張枱，但只有其中一個有笑容，服務態度有待改善，再加上時段好無彈性，一喺就要6點食，一喺就要等到8點半先有得食總結一句：只此一次，下不為例