龍門冰室 (已結業)

平時去開銅鑼灣就知登龍街出左名多野食~今次行完街就諗起可以去嘆翻個下午茶🤤入去就見到成間冰室既裝修都好懷舊一坐低即刻睇下佢本menu先!成本menu好厚😂連下午茶都有好多選擇搞到我既選擇困難症發作 揀左好耐🤧最後終於揀左要公司三文治🥰👆🏻公司三文治成份三文治落到枱個陣真係嚇親，勁! 大! 份!每件都有成隻手指咁厚🤭勁足料又蔬菜，芝士，蜜糖芥末醬，蛋，午餐肉，火腿，真係多到數唔曬😂而且實在太厚喇，一啖真係冇乜可能咬得曬一個人食曬真係會好飽，所以建議2個人share會好啲😌👆🏻瑞士雞翼(跟餐+$14)淨係食三文治好似好寡咁之後聽聞依到瑞士汁好似幾出名，就心思思想試個雞翼原本以為一定要叫餐，就驚會多左杯野飲點知店員勁好人，主動話我知可以就咁跟餐加2隻!雞翼好入味，煮到好淋個瑞士汁又唔會太甜，唔錯👍🏼

同媽媽在銅鑼灣行街，行完見這間冰室滿滿客人，就黎食個下午茶餐。下午茶時段好抵食，多款選擇有午餐、流心奄列餐、全日餐及下午茶餐，晚餐更有鐵板餐、日式玉子蛋餐、韓式泡菜餐等等。下午茶餐有多士西多士、意粉、焗薯蓉、雞翼雞肶、撈丁、烏冬、三文治等等，價錢抵食更有2種合併添我們點了公司三文治餐、滷水雞脾配Q版焗肉醬意粉配飲品。公司三文治好多層，有芝士、番茄、火腿、午餐肉、炒蛋、三層烤多士麵包，一邊凍感（芝士、番茄）一邊熱感（炒滑蛋、午餐肉、火腿），兩種合拼的感覺，要大大張開口喔另外我們也點了滷水雞脾配Q版焗肉醬意粉，滷水雞脾好入味，好滑溜的雞肉，大大隻又香嫩的；Q版焗肉醬意粉熱辣辣香噴噴，肉醬濃郁番茄醬汁好香好野味，番茄開胃好正，好味道！飲品好多選擇，我們選擇了熱西洋菜蜜（微甜又潤喉）熱杏仁霜（好香好滑唔會好甜）環境好大，多枱又乾淨；懷舊感重，光猛服務都唔錯！