秋田浜燒食堂

营业中

休息中

又是每月一餐的時候，5月之星Paul少生日，因知主角想食日本菜，田會長推介了數間日本餐廳，最後揀了浜燒料理，book了5位，8:00（勞煩左要主角book位～ごめんね>＿<”)。 一路往天文臺圍，有數間秋田系列，我們去的是秋田浜燒。 店內裝潢簡約，木系設計，天花板及牆上有日式掛布，木架上擺放了不少日本酒品，甚有和風之感。 嘆杯茶先。 餐牌，我地5人，要了4個Set及刺身盛。 套餐： 京都(KYOTO set)，＄498一位 前付： 特上刺身拼盤五點 河豚魚干 漁獲浜燒： 青森殘酷網鮑 2個 北寄貝 1個 北海道帆立貝 2個 人氣蟹味噌甲羅燒 山之惠黑松露茸野菌箔燒 自選食事： 築地海鮮雜炊 甘味北海漁港(Hokkaido set)，＄468一位 前付： 河豚魚干 漁獲浜燒： 清酒昆布大蜆煮 兵庫縣活播磨牡蠣 2個 九洲松葉蟹半尾 青森殘酷網鮑 2個 澳洲頂級牛胸肋骨肉 人氣蟹味噌甲羅燒 山之惠黑松露茸野菌箔燒 自選食事： 京都茶漬飯明太子 甘味串燒餐牌，不過冇點。 Drink menu。 Okinaw

和女朋友一排沒吃海鮮大餐，專挑充滿日本風格的秋田浜燒食堂吃一頓好的燒烤海鮮。近來有宣傳活動，還額外送了鮮蝦，可選刺身或燒烤，正呀！這個蜆煮本身夠清，蜆肉新鮮又清甜。網鮑新鮮放上去燒，一下子就漲起來，差不多時候，店員洗走外皮再燒過，新鮮爽口，想encore。松葉蟹蟹腳都幾多肉，一條一條蟹肉絲鮮味十足，燒過又有微微炭爐香味。蠔絕對是重點主菜，加了調味仍有強烈的鮮蠔味，入口滑溜清新，好好吃！網鮑一放上烤爐就充了氣般膨脹，果真新鮮，洗淨後再灑鹽調味燒一燒，效果很好，有鮑魚鮮味又有嚼勁！牛胸肋骨肉一片片簿切，牛味濃郁，最正是肋骨最入味。築地海鮮雜炊很香，有不同海鮮料，吃完幾飽肚，大滿足。甜品是綠茶雪糕作總結。整體來說很滿意，環境服務和食物質素都拍住日本，絕對會再來。

由於敏感已經很久沒有食海鮮，今晚終於忍不住要破戒！前一天訂了二人套餐，晚上七時半準時到達，環境很像到了日本的餐廳，感覺溫馨又貼滿日本的poster和播放著日本歌謠。一坐下，店員著我們like和share餐廳facebook專業就可以玩一隻手拎到幾多蝦！最後男朋友一手拿了5隻蝦，店員還多送了一隻給我們！選了燒烤的，又新鮮又嫩口。河豚魚干不太乾爭爭，保留了魚的肉汁，開胃前菜！清酒昆布大蜆煮清酒湯底本身清甜，昆布又帶出蜆的鮮味。蜆肉大片，啖啖肉。主菜青森殘酷網鮑每人一大隻，很多鮑魚汁，一路燒一路飛濺出來，燒好彈牙又香。兵庫縣活播磨牡蠣肥美香香甜，加了少少鹽和調味更吃到蠔味濃郁！人氣蟹味噌甲羅燒一啖啖濃郁蟹膏鋪上米通，好像蛋黃般濃烈。九洲松葉蟹半尾雖然蟹肉很難拆出來，但真的很新鮮，原汁原味的松葉蟹很好吃！試盡日本的海鮮真是好像去了轉日本旅行，燒海鮮真是味覺的大享受！

天文臺圍雖然毗連諾士佛臺，但人氣卻差天共地，世界盃期間的諾士佛臺特別熱鬧，但一轉入天文臺圍，卻有如進入另一個世界一樣。但最意想不到的是，人煙稍少的天文台圍，卻有一間如此旺場的濱燒店，說的就是秋田浜燒食堂。＊＊＊＊＊＊＊＊＊＊秋田店面不大，但四周都放滿日本風情的裝飾，緊密的空間更像日本食店，麻雀雖小，五臟俱全。梨子乳酸梳打($45)天氣熒熱，甫坐下先點一杯凍飲。梨子乳酸梳打酸酸甜甜，很開胃，甜味亦適中。秋田有單點也有套餐，而套餐以二人餐為主，但見套餐都已經有幾多野食，而且價錢亦較划算，我們就點了北海漯港二人餐($468/位)。食物未上，侍者先捧來一大籃蝦，原來秋田最近有推廣活動，每張枱只要惠顧滿$300就可以參加「一手赤蝦」活動，就是用單手在竹籃上掏蝦，拿到多少就可以免費享用多少。我們總共拿了八隻蝦！！赤蝦可以選刺身或燒，我們就一半用來刺身，一半用燒的。赤蝦刺身體形雖大，但甜度始終不及甜蝦，味道一般。反而燒蝦蝦味更突出，蝦不會燒得過乾，蝦殼亦不會黏著蝦肉。之前提到我們點了北海漁港二人套餐，套餐包括前菜、濱燒、熱盤、飯和甜品，都幾豐富。河豚魚干魚干份量足有一隻手掌般大，甜甜地，不會燒得太乾

老公知我鐘意食海鮮尤其係蟹，今晚就約我到尖沙咀食濱燒，位於天文臺圍的秋田浜燒食堂係區內都好有名氣，我地當然要去試一試啦。我地7點左右到達天文臺圍，餐廳門口掛滿日式燈籠以及一大幅的日式畫，和風味濃。店內裝飾除了燈籠外還有麻繩，配上深木色的桌椅猶如置身於漁船上。餐牌有好多選擇，每樣都好想試，最後決定選擇北漁港二人前浜燒套餐(每位 $468)，有我愛的蟹。點餐後店員拿來了一盤赤蝦，話只要係fb like and share就可以免費拿一手蝦，有優惠當然唔會放過啦!由於赤蝦比較大隻，一手抓當然要派老公出手! 佢抓左5隻全部做刺身。我要留肚食蟹所以讓晒比老公食，老公話赤蝦好新鮮好甜，見佢食得咁滋味我都好開心。清酒昆布大蜆一上枱已經聞到好香清酒味，呷一啖湯除左酒味還有一陣牛油香，好舒服好特別。蜆肉大隻又嫩滑，而且份量相當多，一口蜆肉一口湯，吃得滿足。河豚魚干由於本身有相應厚度而且烤得剛好，入口是軟韌適中，口感好好。魚干的咸香味濃，沾上蛋黃醬更能提升味道，下酒一流。漁獲濱燒師傅捧上一大盤濱燒的海鮮: 蠔、松葉蟹、網鮑、甲羅燒、燒野菌，並即場為我倆燒海鮮。青森殘酷網鮑活蹦蹦的網鮑在盤上還不停郁動，體積

老婆最近愛上左食鐵板燒同浜燒，經常係openrice搵呢類餐廳send俾我睇，不過鐵板燒動輒都過千蚊一位，當然唔可以經常去食，今日趁慶祝我地一個小小的記念日，我揀左呢間網上好評如潮嘅秋田浜燒食堂同老婆嘆返餐。😙秋田浜燒食堂位於天文臺圍，好近諾士佛臺，餐廳門面同室內裝修都以木色為主，裝飾擺設都非常富有日式風格。餐牌有多款二人前嘅套餐選擇，老婆揀左北海漁港呢款二人前浜燒套餐。點餐之後，店員拿出一大盤赤蝦，原來只要係網上like & share，就可以免費抓一手赤蝦，抓到的赤蝦可選用燒或做刺身。一手赤蝦 $0因為老婆唔食蝦，所以我抓蝦時都冇太盡力，只抓了5隻，以我地所見，附近食客都抓到7至8隻。我揀左將全部赤蝦做刺身，蝦肉鮮甜彈牙，我一人獨享非常滿足。😋北海漁港(二人前) $468位清酒昆布大蜆煮清酒煮蜆份量好多，蜆肉帶有酒香份外鮮甜。河豚魚干呢款河豚魚干比較軟身，兩面都烤得好香，味道唔錯。👍漁獲濱燒浜燒有蠔、松葉蟹、網鮑、甲羅燒、燒野菌，師傅會即場逐一為我地燒。兵庫縣活播磨牡蠣師傅手勢好好，我地都係第一次食到外脆內軟嘅燒蠔，而且蠔肉鮮嫩多汁，食幾多隻都唔會夠喉。😋青森殘酷網鮑網鮑超大隻而且