Chang Thai Restaurant & Bar (裝修中)

疫情嚴峻，但晚飯還是要食的，突然心血來潮想食泰國菜，一入餐廳門口就見到有張好靚擺設既懸掛櫈，用黎打卡都唔錯。冬蔭功海鮮炒飯($128)，飯炒得唔錯，粒粒都好入味，辣椒粒係分開盛載，辣度都幾強，但有辣味令個飯更好食，海鮮有魷魚、青口、大蝦，肉質都幾彈牙，幾新鮮。泰北椰汁雞湯($128)，這個湯偏向較為酸味，我覺得幾醒胃，而且撈飯食都係一流，用左好多泰國既香料去煲，一打開蓋已經有濃烈既香味直接傳入我既嗅覺，湯裏有大量既菇和雞肉好足料，吸晒湯汁既味道。

聖誕節將至，跟朋友在銅鑼灣聚餐，選了這間很地道的泰國餐廳，泰籍姐姐用流利的廣東話為我們推薦了冬蔭功海鮮炒飯、馬拉盞炒椰菜苗和泰式燒牛扒。首先來的是泰式燒牛扒，西冷牛扒調味燒烤，六成熟，外面焦香，斜切薄片，伴沙律菜和泰式辣椒醬食，非常開胃。馬拉盞炒椰菜苗，馬拉盞是星馬泰常用的醬料，很像蝦醬的味道，用馬拉盞炒菜特別惹味。椰菜苗比起其他蔬菜口感比較脆硬，配馬拉盞炒，充滿泰國風味。最後的是冬蔭功海鮮炒飯，這個炒飯飯底充滿蛋香，而且有超多中蝦、魷魚、草菇等海鮮。冬蔭功炒飯比起冬蔭功湯的強烈酸辣味來得溫柔，怕辣的也可以接受。飲品方面叫咗一個椰青和一杯珍多冰，椰青冰凍清甜，最驚喜的是珍多冰，珍多冰除了有綠色的珍多外，還有大樹菠蘿和亞撻子，跟在泰國飲的一樣，正呀！餐廳還有一個打卡位，啱晒啲美少女打卡。