阿來泰式地道風味

营业中

休息中

同朋友旺角行街傾偈，諗住約埋一齊去泰國旅行，即刻就諗起不如而家就即刻食返餐泰國菜先啦😆 周圍行吓睇吓邊度有泰國嘢食😚每道菜都好大碟，成枱都係，好彩有大胃王喺度😆阿來海南雞飯 ：海南雞飯係佢哋嘅招牌菜，雞好肥美，配黃油飯，泰式辣醬好惹味👍🏻泰式鐵板蠔仔蛋：鐵板上，滿到成座山，多蛋又多蠔仔🍳🦪 馬拉盞炒通菜：must eat啦，味道適中，唔會好咸🥬冬蔭功湯（小）：小碗都真係唔小碗，材料充足，唔會好辣🥹龍眼冰：甜甜地唔會好甜，啱晒而家天氣，行完街飲透心涼Menu好多菜式，每道菜份量十足大大碟👍🏻

因為加班在旺角放工已經9點後，慢慢由朗豪坊行去火車站，途中看見一家平時都不少人等位但我又未吃過的泰國菜，今天就吃泰菜吧🌋火山排骨 火山排骨顏值非常高，帶有泰式酸香酸香，加上蔥花更加香口，店員會附上朋碟和手套，拿著吃更是豪邁🍲冬蔭功湯（小）一碗小小的湯裏頭有足足3隻蝦，菇類亦不少，夠酸辣亦順口，香料味充滿在一碗小小的湯，是滿滿的泰國風味🐟鹽燒側魚 整條側魚表面鹽燒得非常香，帶一點焦，撕開魚皮後肉多夠厚，但相比平常的泰式明爐烏頭，我更愛烏頭口感呢枱面和坐位比夠擠逼，如果點的菜太多是不夠放的，幸好側魚要等待25分鐘啊。

༺ 阿來泰式地道風味 ༻☽‎⋆.•*¨¨¨¨¨¨¨¨¨基本資料¨¨¨¨¨¨¨¨¨*•.⋆☽‎➳ 阿來泰式地道風味 𖠚ᐝ 泰式SUKI炒粉絲($63)𖠚ᐝ汁燒魷魚筒($97)𖠚ᐝ冬蔭功湯($78)𖠚ᐝ青檸梳打($25)☽‎⋆.•*¨¨¨¨¨¨¨¨¨食後感¨¨¨¨¨¨¨¨¨*•.⋆☽店舖位置唔係好大，一直都keep住有人等位～裝飾係普通茶餐廳咁，冇咩特別，但勝在性價比高🔥 泰式SUKI炒粉絲($63)本身想食炒金邊粉，但見呢個幾特別咁😆 有得揀牛豬雞或者海鮮，我就要咗牛！除咗有牛，仲有好多蛋同通茶🥳望落去賣相一般，但係食落好好味，酸酸地🔥啲蛋既調味仲好正，香料幾特別！粉絲數量都唔少，不過牛就有啲韌🥺汁燒魷魚筒($98)呢一個即叫即整，所以都等左陣～黎到都幾香魷魚味，軟硬度啱啱好🦑單吃反而冇咁香魷魚味，所以比較中意食燒到焦焦地嘅位置，多啲味道😙再點埋酸辣醬，好有泰式風味🇹🇭 冬蔭功湯($78)湯份量正常，味道都好濃，酸酸辣辣咁😆仲好多配料，居然有三隻蝦🦐同好多菇！啲菇吸滿咗啲湯汁，好正又開胃🤩青檸梳打($25)好開胃既飲品，酸酸地，好fresh🫧

去完先達廣場，順道喺附近搵一間餐廳食午餐。朋友想食泰國菜，經過見到「阿來泰式地道風味」店內幾乎坐滿，一於試吓。午市有粉麵飯套餐，有泰式炒粉麵、冬蔭功炒飯、海南雞飯等等，價錢約四五十蚊價錢親民。主menu有咖喱、海鮮、小食，選擇幾多，我哋三心兩意，揀咗十分鐘先決定到。同行有位「生蝦達人」去到泰國菜館必食生蝦刺身，點知餐廳生蝦刺身冇貨，佢有少少失望🤧=========================串燒沙嗲（半打）$78餐廳預設三串雞三串牛，每串份量唔少，肉質有咬口，醬汁帶甜唔辣好多花生，怕辣嘅朋友唔怕！冬蔭功湯 $78裏面都幾多材料，有蝦、菇、蕃茄仔；仲有香茅、南薑等香料，湯濃郁少少酸少少辣，好開胃咖哩炒軟殼蟹 $108軟殼蟹分為4份，炸漿薄脆卜卜，入口唔會太油；咖哩汁偏濃稠，裏面有洋蔥青椒蛋花，啱拌白飯，如果咖喱辣啲會更惹味海南雞（例牌）$78除咗雞翼位之外，其他部位去骨啖啖肉！雞肉嫩滑皮爽口，配埋惹味酸辣汁，不錯👍🏼飛天炒通菜 $68呢碟通菜相對較淡口，有豆瓣醬辣椒調味，唔配飯直接食都唔會太鹹口，上枱時仍然翠綠。汁燒魷魚筒 $88可能要燒嘅原因，其他餸菜到咗一陣，魷魚先到。魷魚蘸酸辣

好耐冇見班朋友 終於約到食飯😭朋友提議食泰國野 梗係即刻say yes 好耐冇食泰國野🤤🤤食泰國菜必食既其中之一 一定係生蝦 生蝦又新鮮又大隻 真係啖啖肉啊唔係講笑 而且又爽口彈牙喎重點 一定要加埋個汁一齊食又係必食系列 豬肉碎份量非常多 而且啲肉碎唔會太肥或者太瘦 岩岩好 不過生菜份量就略嫌較少 可能因為我地太多人食😂冬蔭功都係必食的嗌咗細碗既都夠我地飲仲要好足料 大滿足最最最令我驚喜既就係呢道菜 軟殼蟹炸得岩岩好非常香口 最中意既係啲咖喱 連埋個法包一齊食 又或者用黎撈飯食都勁正啊非常推薦越係簡單嘅菜 越難整得好食但呢碟炒通菜真係炒得岩岩好 好爽脆燒豬頸肉飯記得要加埋個汁 夠晒惹味青咖喱既香味比想像中濃 唔錯唔錯🤤最後梗係唔少得芒果糯米飯！好滿意個糯米飯 甜甜地咁但食得多都唔會覺得漏 之後再食返舊芒果 酸酸甜甜咁 勁正係一餐勁滿足既泰國菜啊

同朋友簡簡單單的一餐.. 又想食辣野.. 咁當然就要首選泰國菜..  去左新開阿來泰國菜館食..當然我地星期六竟然無book位又勁多人.. 足足等左成大半粒鐘先有位.. 建議大家去之前一定要訂座呢.. 個人等左咁耐都熱辣辣叫左材野飲飲下.. 不過飲品味道就一般般.. 我會寧願飲返港式野飲算.. 青檸梳打:  青檸味不夠.. 如果一粒會更好..椰青: 夠清甜同新鮮.. 飲完晒仲有得食.. 椰汁3色冰: 沒有3隻色.. 味道一般.. 冬蔭功湯: 辣度剛剛好而且好香噴噴.. 只係叫左細碗.. 都勉強夠3個人分3碗..  不過勝在夠足料.. 好多茹類同車哩茄都係我最愛.. 但朋友就話D蝦唔係幾新鮮.. 蝦肉煲左湯都已經無咩味咯.. 不過湯的味道確實係一流.. 泰式小食拼盤: 蝦餅及魚餅都好香口.. 蝦餅咬落口就好彈牙.. 外皮脆卜卜.. 魚餅煎得剛剛好.. 而雞翼就相比之下就平平無奇.. 春卷外脆內軟.. 似係即叫即做咁.. 整體來說不用點醬汁都夠味了..馬拉盞炒通菜: 通菜食落一D都唔老.. 但食落不夠香口只有一點點辣椒絲.. 略嫌辣味不夠.. 而且感覺有點似大排檔少通菜.. 港式味道..

今日同朋友行完旺角, 天氣凍凍地, 所以突然想食番次泰國野~行下行下就去左阿來泰式地道風味度食LU~朋友叫左個海南雞飯~個海南雞飯好有雞味, D雞塊塊都好多用~加埋D泰汁拌飯真係幾好食~ 而湯方面~因為天氣凍凍地, 又難得食緊泰國野,所以我地就叫左衣個冬蔭功湯~ 大家都可以睇到個冬蔭功湯賣相真係非常好~亦都好夠料, 而個湯就辣辣地, 好醒胃, 隻大蝦都好有肉~成個湯都好好飲我地仲叫左個最多人食既泰式肉碎生菜包~ 食泰國野緊係要食埋個生菜包啦~ D肉碎好入味, 夾埋D菜食味道就岩岩好~唔會太鹹~總括而言, 衣間泰國野D野食都相當唔錯, 而小編覺得個冬蔭功湯最好味~大家唔知又點睇呢?