利苑酒家 (圓方)

营业中

休息中

覺得呢°d嘢都幾貴，平時都好少來食，不過難得親愛嘅媽咪生日當然要揀間好個喇，利苑作為家老字號雖然貴d不過d嘢都幾好！飯前嗰碗靚湯真係架勢，湯係響螺湯，裡邊材料非常多，雞腳紅肉響螺……煲出來嘅湯都膠曬，滿滿嘅膠原蛋白吖，我媽都大贊吖！臘味飯上面一層臘腸臘肉潤腸，顏色好豐富，香味好濃，d飯好入味！特別係煲底嘅飯焦，勁吖。燒肉好有特色，切成細細嘅一塊塊，其實分量真係幾少下，人多d都唔夠分吖，不過燒肉肥瘦適中，皮非常之脆，食起身好香，我妹唔食肥肉嘅都揀咗兩塊皮來食。東星斑夠惹味，鮮嫩十足，正！另外嘅芥蘭同椰菜粉絲煲麻麻地喇，過得去。總體來講食得好開心吖！

新春團拜，長輩於圓方「利苑酒家」設宴兩席慶賀新禧；嘻嘻，菜式豐盛之餘，仍然單身o既小肥同哥哥仲有利是逗添 ！「利苑」分店遍佈港九新界，XO仔其實都只係去過灣仔一間，今次一訪圓方分店，入門一刻已有驚喜 。西式o既正門金碧輝煌，室內美輪美奐o既裝潢卻又不失傳統中國色彩，行經走廊可見瓦磚屋簷、石磚圍牆、古屋木窗等。就連洗手間門都用上獅子門扣，感覺真係有啲似個御苑咁。牆壁上浮凸o既花品清秀嬌美，格調高雅 。晚宴於廂房內進行，大圓枱配上紅色o既絨櫈，舒適大方。每個座位前都有齊備o既餐具及酒杯。房邊一角仲擺出一個消毒機，長期為碗碟消毒，餐店明顯地極之講求衛生 ！人齊食物即起，餐桌中央一盆艷麗靚花亦正式離場。 江南小品之金蒜拍青瓜：青瓜清爽醒胃，不過如果可以加重少少金蒜應該會更惹味。 江南小品之冰燒三層肉：如相所示，豬腩肉肥瘦均勻，層次分明。皮層不但香脆，而且仲鬆化無比，腩肉香軟中富彈性，超級美味 ！ 江南小品之蜜汁叉燒：叉燒有瘦有半肥瘦，為咗要以形補形，XO仔當然係揀半肥瘦嗰啲啦 ！叉燒軟腍甜美且肉汁夠，無得彈呀！ 江南小品之蓬萊素鵝：素鵝層腐皮外層雖然好夠乾脆，但卻因過份厚身