Good Good (已結業)

𓆸ᴳᴼᴼᴰ ᴳᴼᴼᴰ ¨̮.bookmark了幾個月嘅goodgood終於試到喇 非常鍾意採取預約制嘅方法 可以控制人數外我相信呢個係可以保證到品質嘅一種方法 而且又唔洗排隊︎︎︎✌︎.初訪goodgood當然要試佢地嘅【Good Good 飯】展現左用簡單嘅材料製造出我好愛嘅味道!!成個set主要有牛油果 玉子燒 醬油菇調味岩岩好令味道更上一層樓因爲有佢地中間嗰啲一絲絲嘅嘢我吾知係乜黎但好好食【冷素麵】味道唔係好有特別但係冷麵真係夏天嘅好朋友啊~~.甜品亦令我好有驚喜!!!初嘗【Paris-Brest榛子泡芙】我係俾佢嘅外表吸引 泡芙外殻焗得好脆 內裹係榛子卡士達醬我超級鍾意個味 好似繽紛樂個味 佢地仲加埋焦糖核桃係中間 令成個甜品更有口感同特色 雖然真係幾貴但係好推薦啊!!! 𓅸

呢間素食日式餐廳宗旨係去將更好嘅嘢食帶俾你身邊愛嘅人 😍 好sweet 呀～ 唔知係咪因為咁，門口長期都好多人，仲好多情侶 🤭 我地個日都等咗半個鐘左右Good good 飯 📍 $108好健康呀～有牛油果，玉子燒， 醬油菇，同三色飯 🥑 Lunch 都配埋水果同麵豉湯架冷素麵 📍$72輕食之選👍🏻味道比較清淡，配埋半熟蛋同青瓜，幾爽口Tiramisu Cup 📍$58呢到應該甜品/包點比較出名，所以我地食晏都叫咗個甜品 🍰 質感唔會太soft, 咖啡同甜味岩岩好，不過個底可能加少少酒會更加傳統

西營盤小店特別多，呢間日系小店一入到去感覺特別温暖。餐廳雖然有兩層，但係食嘢嘅位唔算多，到嘅時候已經滿坐，門口亦已經有幾個人等緊位，店員話可以留下聯絡資料同人數，有位就會打電話聯絡我哋。喺呢個仲係熱辣辣既十月，可以唔洗企喺街排住等，係一件好好嘅事。留低資料之後，出咗去行個圈，大慨半個鐘之後，電話響喇！好彩我哋都唔係離開好遠嗱嗱聲行返去，一行三人滿心期待終於有位有得食，因為真係好餓！店員帶位示意坐 bar 枱，基於三個人要傾計，又要影相，係有少少唔方便，所以都問吓上層會唔會有位。點知我哋都未坐低，店員已經入咗下一枱客，佢哋一家三口上咗樓上，再同我地講上面冇位，咁唯有坐bar枱啦！其實下層都幾多擺設，等緊嘢食嘅時候，我地都不停周圍望下。等咗好一陣，嘢食終於嚟喇！首先食嘅係明太子忌廉意粉，賣相同味道都一流。忌廉汁濃度適中，剛剛好可以沾着意粉，味道絕對冇令我哋失望。冷素麵可以話係輕食首選。素麵爽口，青瓜爽脆，半熟蛋蛋黃香濃，伴上少許薑蓉，非常清新醒胃。呢個甜品甜度適中，紅茶同無花果味主要藏喺蛋糕中間嘅cream裡面，味道並唔突出。個人覺得綠茶同紅豆係日式甜品最佳嘅配搭，而且呢個撻嘅撻皮又脆又薄