韓魂

呢間餐廳主打韓燒放題，超過50款韓式料理無限時慢慢食到飽，更引入濕式熟成牛肉同韓國直送豬肉🔥🇰🇷All You Can Eat Korean BBQ ($378/ 位)💗先送上韓式生菜沙律同韓式津白苗沙律作開胃小菜💗再送上肉類拼盤，份量十足，包括以下六種肉類：美國黑毛安格斯牛肩扒、韓式黑毛安格斯牛仔骨、黑毛安格斯牛仔骨、美國特級牛五花、美國黑毛安格斯牛頸脊、韓國直送五花肉，試完覺得邊款口味啱可以Encore💗每枱贈送一碟醬油蝦同醬油蟹。醬油蟹新鮮無腥味，醬油帶辣味，不過就唔算好多膏🦀；而醬油蝦爽口彈牙，醃得好入味🦐💗無限任食嘅種類包括燒肉、湯品、鍋物、蒸煮料理、炒物、煎餅、炸物、飯麵、伴菜沙律等，以下5款係最值得Encore👇🏼1️⃣韓式黑毛安格斯牛仔骨：厚切牛仔骨用韓式醬汁醃過，肉質更加軟腍，食落醬汁🐂2️⃣美國黑毛安格斯牛頸脊：牛頸脊肉味濃郁而且有油香🥩3️⃣韓國直送生醃魷魚：生醃魷魚Q韌，辣得開胃🦑4️⃣冷麵：水冷麵煙韌彈牙，配料有酸蘿蔔同熟蛋，味道酸甜冰涼，非常解膩🧊5️⃣芝士味炸雞：炸雞即叫即炸熱辣辣，外皮香脆入面juicy，沾滿香濃嘅芝士粉🍗

呢排俾我發現咗呢間喺堅尼地城新開嘅韓式燒肉放題🇰🇷平日去每人只係$398，除咗韓燒之外仲有超過60款傳統韓國菜式，連醬油蟹/蝦都有🦐🦀 喺韓劇出現過想食嘅菜式都可以一次過喺度食曬😆 店員好貼心一得閒就會過嚟幫手燒肉🧑🏻‍🍳 呢度嘅豬五花係韓國直送過嚟夠曬新鮮，用生菜加上蒜頭同辣醬包住食仲可以減低油膩感🥬牛肉用上濕式熟成方式處理，我最鍾意韓式牛仔骨，韓式醬汁甜甜地肉質又juicy🐮 我哋仲點咗韓式豬腳、炸雞、炸紫菜卷、嫩豆腐鍋同冷麵，每樣嘅份量都剛好，細細地過下口癮，又可以留肚再去食埋任食韓國雪條同飲品～整體嚟講性價比真係好高，豬肉同牛肉嘅質素都真係幾不錯，餐廳空間感十足，店員都好友善，好啱一班朋友一齊去😍