星座冰室 (已搬遷) 新店位置

記得n年前, 友人帶我嚟呢間冰室, 好彩佢係女仔, 因為嚟間冰室, 係要行唔記得係夜總會定酒店的後樓梯, 雖然條後樓梯唔算太恐怖, 但你係唔會估到地庫下面有間冰室lor~~難得今日出開嚟尖咀, 就返嚟回味一下佢呢度的茄牛通~平時我係一定唔會出街食湯通粉, 因為好難食, 通常都煮到又爛又林, 又要配火腿, 但嚟呢度, 我反而會叫通粉, 佢係用有坑絛果種通粉, 雖然唔係煮得好好, 但起碼唔會一pet嘢, 而且配佢個茄牛湯, 真係超正~ 佢d牛肉似係鮮牛肉, 幾有牛味, 不過得果幾塊仔, 唔夠喉, 個湯係好有茄味, 又唔會太杰, 我平時真係唔會連湯都飲埋, 但呢度真係飲到清碗~不過佢個份量唔係太大, 就算飲埋d湯, 其實都唔係好夠飽, 所以又叫多一碟炸雙丸, 真係即叫即炸, 因為都等咗幾耐, 又係衰在份量唔多, 其實我n年前都有食過, 記得都係得幾柆, 但太多年冇食, 唔知佢份量有冇少到? 炸牛丸同炸魚蛋每樣都係7粒, 係切開咗一半的7粒, 唔知係咪方便佢炸, 咁樣會易熟d, 所以全部切開半粒, 真正成碟炸丸, 其實只係得7粒完整的丸, 只能吊你胃口, 係唔飽的, 而且佢炸到唔似丸, 似炸豆

同yan去喱到食,聽講又係有茄蛋麵呀,同勝香園有點似,最近成日食冰室,定係好多間又係叫冰室喱,去到即要睇有咩食,有蕃蛋煎蛋,蕃茄炒蛋and蕃茄撈蛋,再配餸,又諗陣之下要撈蛋呀~!茄撈蛋牛肉麵~茄撈蛋幾好味呀,蛋多過蕃茄,個蛋味重點冇咁酸,加上出前一丁麵好味,而個牛肉鞋左少少少~!蠔油中雞翼~!好大件,而份量又幾多下,好似豉油雞呀,唔多覺似有蠔油,定蠔油味太淡了,又唔太入味呀~!凍奶茶~唔錯呀~!綜合來講個人覺得好食過勝香園呀~主要個撈蛋好味~同少地方有呀~!

當天早上去0左尖沙咀拍0野, 之後祖安過0左0黎搵我, 咁我就提議不如去<星座冰室>, 祖安當然贊成啦, 因為祖安鐘意食蕃茄牛麵, 而且聽聞呢間可以同<勝香園>齊名, 所以當然要一試啦. 去到香檳大廈, 之後真係要經過一條"好鬼異"0既樓梯, 跟住就到啦. 環境方面就真係幾一般, 不過既然都0黎到, 就入去啦!!! 1. 蕃茄牛肉雞翼麵 ($26) ~ 真"麵"不及上鏡靚喎, 呵呵!!! 牛肉比較韌, 雞翼冇驚喜. 至於個麵(出前一丁)同個湯底就不錯, 配合得幾好!!! 2. 奶油多 ($6) ~ 賣相就已經麻麻地, 太多練奶啦, 仲有個包面又唔夠脆, 水準之下!!! 3. 凍奶茶 ($12) ~ 個杯就比較得意喎, 不過d 奶茶真係比較奶, 暫時都係<太興>好飲好多!!!整體評價：普普通通!!!

九月五日(星期五)上次還記得同老公到星座是一個星期日,當然,失望而回....今次當然是平日去!!!它的位置十分的隱蔽,就算入了一個商場也要轉落地庫!雖然位置偏僻,但是仍然有雜誌介紹...應該是好吃的呢!與勝香園賣相似的"蕃茄牛肉通粉"究竟誰會比較優勝呢!?...一進入店子,給我一個既有家而且又似回到八十年代的感覺,很難想像尖沙咀仍然會保留到這些小店呢...一部應該放了一段日子的美的冷氣.......大大的電視,正好見證到店子由一間小店子搖身一變變成為食的朋友會專情一到的人氣食肆呢!.....有麝自然香,無論多少的廣告宣傳也是假的,最重要是食物的質素...所以,我對星座是有期望的...我們叫了一個蕃茄牛肉通粉和蕃茄炒蛋通粉,當然我是吃牛肉的那個啦!再加了一個蠔油雞奕和凍奶茶!先來的凍奶茶已經有水準的,奶和茶的分量得宜,而且很香滑的,再來的一客雞奕有六隻,單憑賣相已經有分了,外表光滑的,散發著蠔油的香味,令我們食指大動!....一口咬下去,很有家的感覺....蕃茄牛肉通粉與勝香園不同之地方是,面層鋪著一細粒的蕃茄醬,而底部不是蕃茄濃湯,而是一個中式的湯底,但是與蕃茄卻很配合呢!......