華姐清湯腩

营业中

休息中

今日我要去拎渣打馬拉松嘅跑手包，見經過天后，就唸住同朋友光顧華姐。店舖唔大、好多客、好迫。一坐低我地就叫左三個餐，分別係牛腩擔擔麵、菜肉雲吞擔擔麵、同排骨上海麵。就湯底而言，擔擔麵有濃濃嘅花生味，但我認為湯嘅濃度唔夠高。而牛腩，我認為佢嘅口感好獨特，食到一絲絲嘅質感，而且大大舊，食得好爽菜肉雲吞好有鮮菜味，而且皮都做得好滑排骨個人就覺得麻麻地，佢用左炸嘅方法去整排骨，但係就岀唔到脆嘅感覺。而且排骨當中，肉嘅比例亦唔高，我會覺得唔太抵食至於清湯，友人就認為好鮮甜，可以一試。就服務而言，我認為佢地嘅員工係相當有禮貌，而且好有人情味有機會我都想再光顧但整體而言，價錢會令我期待提升。但是，佢地嘅食物質素同份量就去唔到我所期待嘅水平。如果佢地可以增加食物嘅份量，或者降低食物嘅價錢，應該會更好

天后的華姐清湯腩是我於港島鬧市止咳的牛腩，深信殿堂食家 Lawrence Lau 的提點 "澳門九記的牛腩，其實我覺得不及新仙的好，新仙的又不及大埔群記的好"，亦明白一山還有一山高的道理，食家的推薦有待機緣續一味嚐。華姐清湯腩舖位不大，只容納數張桌子，每逢工展會、花展、年宵旺場境況更甚，定是水洩不通。唯一室光明整潔，擠迫的情況下也會令人感到精神舒暢。除主打牛腩外，華姐清湯腩還有小量的北方菜式，如醉雞、紅油抄手等，較為特別。老公要了牛腩湯麵，湯頭清甜，牛腩軟腍中帶質感，腩肉連著小許脂肪，增加牛香及滑溜的口感。我要了牛根腩湯米，湯頭同樣的清甜，牛根腍滑，而我的牛腩則連上了少許牛根，使牛腩增添多一份咬口。華姐清湯腩只有汔水和豆漿供應，我們要了豆漿，豆味不夠濃、甜味較重，一般貨式而已。辣椒油的味道不算得有獨特之處，不是太辣，帶有辣椒香味。我最喜歡便是將辣椒油加入紅醋，牛腩味立時給被提昇，滋味無窮。最怕太濃味的牛腩，吃後通常異常口渴，而華姐清湯腩則不會有如斯的反效果，證明以清純鮮味的牛腩作招來，貨真價實，童叟無欺。雖不是完美無暇的極尚牛腩，但在港島銅鑼灣、天后鬧市一帶，華姐清湯腩算是享有地利兼可