影片
更多
2015-01-05
2304 浏览
一家人開年飯，唔一定咁悶食中菜，可以攪攪新意思食下其他菜式，遷就大家在荃灣區搵食店，荃灣區都幾特別，小店好多，可以一家人食飯嘅餐廳，除了大商場連鎖式餐廳之外都無乜選擇！呢間之前在開飯網見到新開張，口碑同相片睇落都唔錯，係一間酒吧餐廳，訂位時講定有小朋友，餐廳都無問題，去到時見門面係玻璃摺門，店員帶我們到餐廳近吧枱一張高長枱，靠牆係梳化，另一邊係高腳櫈，餐廳大部分都高櫈，有幾張梳您卡位係正常高度，牆上電視播放英超球賽，播住英文歌，氣氛好熱鬧，酒吧對出仲放了一張英式桌球枱，比客人玩，燈光比較昏暗！每枱枱面都有點爉燭！傾偈飲嘢都啱！坐低店員即刻比水，水有檸檬味，而且仲係暖嘅！難得餐廳竟然有兒童餐具（如果係以家庭客為主嘅餐廳我唔驚訝，但酒吧餐廳都咁細心就值得加分）餐牌都特別用文件夾夾住中英對照嘅菜牌，雖然無圖片，但好簡潔，如果我們對菜式有疑問，店員都可以即刻解說，所以都無乜問題！ 凱撒沙律配巴馬火腿：有咬口巴馬火腿上面灑滿芝士，羅馬生菜好新鮮爽口，醬汁酸味清爽，薄薄掛滿生菜面！好正！ 炸魷魚圈：好大一盤，每件都好大件兼炸到金黃色，以為會好厚粉好膩就錯晒，食落炸漿脆而輕身，唔油膩，魷魚圈淋身
坐低店員即刻比水，水有檸檬味，而且仲係暖嘅！難得餐廳竟然有兒童餐具（如果係以家庭客為主嘅餐廳我唔驚訝，但酒吧餐廳都咁細心就值得加分）餐牌都特別用文件夾夾住中英對照嘅菜牌，雖然無圖片，但好簡潔，如果我們對菜式有疑問，店員都可以即刻解說，所以都無乜問題！
凱撒沙律配巴馬火腿：有咬口巴馬火腿上面灑滿芝士，羅馬生菜好新鮮爽口，醬汁酸味清爽，薄薄掛滿生菜面！好正！
炸魷魚圈：好大一盤，每件都好大件兼炸到金黃色，以為會好厚粉好膩就錯晒，食落炸漿脆而輕身，唔油膩，魷魚圈淋身唔韌，配兩款醬汁！茄汁及松露沙律醬，尤其鍾意松露沙律醬，好香松露香，沙律醬本身又唔會好酸，點脆魷魚圈又香又滑！正！
肉醬德國香腸意大利麵：份量唔大，賣相靚，意粉有咬口！德國香腸腸衣脆，肉彈牙，配料有蘆筍，好鮮嫩爽口，香菇片軟身！茄汁肉醬唔多，剛好掛到上意粉面！好味！
雜菜法國沙律：加單再叫，特登叫另一款試下，都係配巴馬火腿，唔同嘅係用嘅蔬菜主要有甘味！好似火箭菜、紅生菜咁！無羅馬菜咁juicy，酸醋汁食落依然清爽！啱大人口味！
頂級美國西冷牛扒（10安士）配薯菜紅酒汁：本來叫肉眼，可惜賣晒！用一塊木板盛住，幾特別，牛扒份量大，配薯仔（原來薯仔即係薯蓉）薯蓉幾滑，經過調味，味道夠濃唔錯！牛扒大塊，做到我叫嘅5成熟！有肉汁，點埋紅酒牛肉汁，可以加強牛扒嘅肉味兼滑啲！拌碟嘅酸醋沙律菜都好好味！
桑尼汁烤黑毛豬肋骨：都係木板上，好多件豬肋骨，肉味重，酸甜醬汁好濃，好味到攞住豬骨一齊食，好味道！呢個主菜配粗薯條，唔係香脆，反面外脆內軟，薯仔味重，比薯蓉受歡迎，連墊底蔬菜青瓜都好爽脆多汁！
主菜食飽，當然有甜品，甜品選擇多！
朱古力布甸（心太軟）：一切開熱朱古力漿都流晒出來，外層鬆軟，配朱古力石板街雪榚，一冷一熱，正！
合桃雪榚芭菲：真係估唔到外形係蛋糕而唔係杯裝（一直接觸芭菲都係一個高腳杯裝）蛋糕夾雜好多合桃碎，雪榚唔係滑身，反而似壓實了嘅雪，好輕好鬆，唔會好甜，甜味係碟邊嘅嘅朱古力漿！
芒果梳乎厘：第一合感覺係比平常見嘅尺寸大，好鬆好滑，好香蛋味，芒果味反而唔重，好味！
雲石芝士餅：芝士餅有三款，我覺得呢款特別啲，佢係實嘅芝士餅同鬆軟蛋糕相間，所以口感好豐富！芝士餅夾雜朱古力味，同朱古力蛋糕相配！好味道！
甜品味道一流，賣梳贏她靚，食物味道一流，簡直喜出望外！係每一樣都好味，大人細路都好盡興（原本仲擔心酒吧餐廳唔適合家庭聚會）
服務又窩心，無唸過酒吧餐廳會有兒童餐具！店員好nice,好似主菜可配薯條同薯仔，我叫兩款主菜，要求一款跟薯條，一款跟薯仔都無問題！加水換碟好勤，亦都好交帶，如果我們點嘅菜色無嘅，都會即刻通知，再推介其他菜式！而且對3隻馬騮好nice,佢哋好喜歡個場，又去桌球枱度玩！
最後要讚嘅係廁所設計新穎之外，設備好完善，仲非常乾淨！
食咗好心滿意足嘅一餐！
张贴
