119 Italio Restaurant & Bar (已搬遷) 新店位置

我同同事成日由深水埗行去太子嘅路途中，都會見到「119 Italio」呢間餐廳。依日見☀️風和日麗，心情好，就入去試下，而唔再係掂行掂過😂。餐廳連門口都有氣派過人，有少量室外座位，並用上一扇大木門。至於餐廳入面，環境更有一份高貴華麗感😍，想像唔到呢！因為餐廳牆身掛咗藝術畫作加用上水晶吊燈。餐廳有做午市，不過選擇比較少，得幾款焗飯、意粉／意大利飯同輕食，另外亦設有自選意粉Create Your Own Pasta🍝。但留意番主食其實唔包餐湯、沙律或者飲品，樣樣都要額外再加錢🙈。是日餐湯Daily Soup(+$15)，餐湯係忌廉蘑菇湯，味道非常濃郁，每啖都飲得到蘑菇蓉🍄。我就好鍾意喇，但怕菇味嘅就應該...，哈哈。凱撒沙律Caesar Salad(+$15)，我自己唔好食草，但如果要喺芸芸沙律款式中入面揀，我就最鍾意食凱撒沙律🥗。因為主要食材係生菜、煙肉同埋唔酸唔醋嘅醬汁，好食！卡邦尼意粉Spaghetti Carbonara($68)，我平日最驚卡邦尼會太漏太Creamy，而呢度嘅出品剛好相反，醬汁比較少，但絕對唔會太乾！我最欣賞嘅係意粉煮得好彈牙，幾有嚼口😋。另外，意粉仲有好多煙肉同菇

單身的大胃，之前個情人節都唔好意思約其他朋友出街食飯，自己食又太過招搖，而家好啦，唔使諗咁多，盡情約人食自己食又得，最唔方便嘅節日過咗喇如果要收花，大胃寧願飲落肚，玫瑰梳打不常見，肚裡的花，我可以帶你回家雜菜湯好夠番茄味，酸度剛剛好沙律口感好豐富，麵包糠令佢生色不少，而且上面嘅芝士令人一啖而盡雜菌非常充足，意粉又夠彈牙，好味豬肋骨肉質好嫩滑，唔會食到黐晒牙，腸仔又爽口，焗薯條感覺唔會好油膩雖然情人節過咗，但唔少情侶同三五知己約埋喺度聚頭㗎

8.31大家歷歷在目，已經過咗足足四個月，仍然係無人知道到底發生咩事😅。。。去太子，除咗党鐵之外，其實仲可以搭巴士、小巴，又或者由深水埗／旺角行過嚟。呢晚我哋就嚟咗呢間位於太子基隆街嘅《119 Italio Restaurant & Bar》，喺煩囂都市裡尋找一個安樂嘅環境用餐☺️佢哋自稱係「Shisha Heaven」，又真係有幾枱都食緊，聞落都幾好聞。我哋就無試到，淨係試咗食物😛- Set Dinner #1 湯/沙律- Set Dinner前菜可以配湯／沙律，份量比想像中大：野菌忌廉湯一食落口，好重野菌味🤩，而且有粒粒蘑菇嘅口感，味道對我嚟講就鹹咗啲啲。凱撒沙律凱撒沙律醬好夠，沙律菜夠新鮮爽口🥬- Set Dinner #2 主菜 -Menu上面無寫，但兩款都係配咗海量嘅薯條🍟😂，反而主菜嘅份量就相對上唔多，CP值一般👌德國腸仔拼盤配啤酒汁BBQ豬肋骨 ($218)抵讚嘅係個豬肋骨，啲肉超易甩，夠入味又唔乾唔柴，veli good 👍 如果份量再多啲就一流喇！另外德國腸仔拼盤就係兩條腸仔切開一粒粒，唔知點解比較硬，但味道都okay，可以再比多啲誠意嘅！🤪鹽燒秋刀魚配牛肋粒、豚肉串燒