燒肉の殿堂

营业中

休息中

見到銅鑼灣又有新嘅燒肉，擺盤幾靚仔。最鍾意食燒肉嘅我收工當然去試吓。刺生生牛肉他他：食法創新又特別，可以自己選擇落咩配料朋友唔食蔥就啱晒。生牛肉他他上邊有日本蛋、三文魚籽、京蔥，青松青檸、岩鹽同埋Wasabi😍我嘅食法係全部溝埋一齊。店員教我地首先要將紫菜喺火上面燒一燒，咁樣會更加脆口好味。我最期待嘅大阪城五點，入邊有幾款唔同嘅和牛超抵食三百幾蚊兩個人分享，另外仲有超大件牛舌，厚厚切yummy 和牛肋條勁有驚喜，再加埋超爆油脂既A4鹿兒島牛肉。蔥月見燒和牛薄切，用上日本和牛三筋位置。燒完之後點埋蔥好好味。另外點左薄切蔥山牛舌，發覺我哋真係超級鍾意食牛舌鹽蒜小牛排、牛味勁濃而且醬汁配搭得唔錯，蒜頭同埋鹽既配搭令到牛嘅味道更加昇華。

同區搵餐廳見到新開嘅燒肉店，殿堂の燒肉。見到係單點燒肉，燒肉の鬼馬上去試吓。刺身和牛他他 擺盤好用心，將生蛋穿開，然後配搭自己喜歡嘅材料：蔥花，京蔥，Wasabi，鹽，青檸。溝埋真係好好食最後食塊薑片，清清個味蕾。法式鵝肝多士鵝肝配上蘋果好清新，而且減少油膩感。大阪城和牛4點盛合一上枱已經好誇張，有三款日本和牛，三角腩，和牛肋條等。店員話呢個係殿堂級推介，用日本直送嘅和牛做嘅精選😍另外有我最喜歡嘅厚牛舌，設計好得意可以用個夾夾檸檬汁唔使整污糟隻手。大蜆冷麵呢個又係值得一題嘅佳作，超大隻蜆，已經好打卡，配上掛湯既調味，非常開胃。牛油果軟殼蟹沙律勁大隻軟殼蟹，牛油果裝着醬汁，感覺幾新穎，食完咁多和牛，舒服晒。仲有叫咗小食味淋網燒魚乾，芥末秋葵車厘茄漬，都唔錯呀。