大漁屋台 (已結業)

估唔到係個屋邨商場都揾到間咁有特色既日本餐廳 🇯🇵 餐廳既裝修都幾有日式風味 食物選擇繁多 而且價錢唔貴 樣樣都心思思想食🤤我地先叫左個剌身季節沙律 感覺好freash 個醬汁好開胃 仲有勁多刺身係上面 有三文魚 甜蝦 三文魚籽 蟹籽 八爪魚 油甘魚 好豐富😍跟著就叫左個丼飯 我地揀左豐洲丼 有三文魚 帆立貝 蔥花呑拿魚蓉 海膽 同甜蝦😋 全部都好新鮮 除左帆立貝 仲食到有點雪藏味🙊卷物就揀左軟殻蟹水草卷 軟殻蟹既酥脆加上水草既清新感覺好maych好好食👍🏻串燒首選鹿兒島黑豚肉 肥瘦均勻 燒到好香又有肉汁 送酒一流🍻🍻最後就係天婦羅啦 我地試左沙錐魚 紫菜露荀卷 廣島蠔同埋吉列豆腐 全部都炸到岩岩好 魚同豆腐都外脆內軟 4款都不錯😋

黎到九龍灣陪朋友報完補習之後，就係呢到附近搵食。係得寶商場入面見到間好日式既門口，我地就決定今晚係大漁屋台享用我地既晚餐啦！坐底見到師傅忙碌咁預備食物，感覺同置身係日本小店一樣。啱啱開門做晚市，我地一坐低就即刻點野食。先黎一個刺身季節沙律，除咗有新鮮爽脆既沙律菜同埋車厘茄之外，仲有新鮮刺身如甜蝦、三文魚、八爪魚、三文魚籽同埋蟹籽，配起柚子醋混和後，整碟沙律都變得份外鮮味，作為前菜認真唔錯！食過沙律中的刺身，都感覺呢到提供既食材都十分新鮮，所以我地就叫咗少許刺身，有真鯛、赤身、三文魚。真鯛如白色外表一樣，味道比較清淡但口感鮮甜。赤身則脂肪較少，肉質結實有嚼口。三文魚同赤身一樣厚切，紋理呈現出脂肪分佈得好靚，放入口裏面，感覺份外肥美。見關東煮價錢唔貴，所以就叫咗蟹餅、板魚旦、鵪春蛋同埋大根，每樣都係$10串，好抵！大根即係白蘿蔔，十分厚切，盡吸湯汁既味道。蟹餅同埋板魚旦都口感彈牙，十分入味。鵪春蛋外表細細粒卻不失蛋香，十分過癮！鍾情軟殼蟹既朋友仔叫咗碟軟殼蟹水菜卷。軟殼蟹炸得十分酥香，與清新爽脆既水菜配搭得剛好，再用被蟹籽鋪滿既飯和紫菜卷起，賣相與味道都十分不錯～我地仲叫咗幾串串燒黎食下。

好耐都冇去過咁有特色既小店啦, 成日食黎食去都係D連鎖店, 好冇新鮮感, 今晚黎左得寶商場見到呢間野門口好日本風格, 望入去裝修都好別緻, 上網睇睇好似都唔於是就入左去晚飯。我地叫左好多野食!!! 因為未試過所以每樣都叫左小小睇下佢邊樣整得好味D!!HAHA!!!我見到好多街坊黎光顧, 好似熟客咁, 店員個個好有親切感咁!!!刺身沙律勁多刺身, 有三文魚籽, 三文魚同鯛魚, 加左醋代替沙律醬, 好清新開胃!! 刺身揀左3款每様2件, 好新鮮!!! 回味!! (迴轉SUSHI個D根本冇得比!!) 叫左個辣味鐵火卷, 有4件, 鐵火卷入面包左青瓜絲, 上面有吞拿魚, 加上特別既醬, 好特別, 唔算辣。最抵係呢個什錦天婦羅手打烏冬!!!72蚊有5件天婦羅, 2隻海老, 南瓜茄子冬茹!!! 製作認真, 上菜真係用左個架黎裝住D天婦羅, 唔會油林林, 炸得剛剛好!!! 烏冬個湯有小小咸但都可以接受!!! 叫左幾款關東煮, 蘿白真係必食, 除左大舊之外仲好入味!!!!又夠甜!!好正!! 芝士魚餅都好正!!!一咬開芝士爆出黎!!好正好正!!! 豚肉餃子就普普通通, 不過佢肉汁鎖得好好, 但我中意再香

因為經常記唔到d刺身既名同種類，所以一向好少去主動建議食日本嘢，今次有食家朋友負責拍板唔洗我諗輕鬆晒，亦知我怕腥所以好就我叫左好多熟食，其實只要刺身係新鮮，基本上係唔會腥，就好似今餐咁。餐廳位於牛頭角既得寶商場，第一次嚟原來有好多食肆，餐廳裝修係地道日式格局，感覺舒適。食物方面，刺身季節沙律同鯛魚刺身都非常不錯，尤其鯛魚刺身口感彈牙，因為新鮮一點腥味都無。碎三文魚蟹肉卷同牛肉鍋烏冬基本上係穩陣之選，而且烏冬份量頗多，兩個人share 食已經開始有點飽。關東煮既黑蒟蒻口感頗特別，味道不錯但算不上喜歡，反而蟹餅同八爪魚都幾好食。最特別係三款雞串，第一次知原來雞尾(即係雞patpat) 係可以用嚟招呼客人的，好似食燒雞皮咁充滿油香，好好食，雞腿肉及雞肝不過不失，最後既豬軟骨係最好食既一款，煮得非常淋同入味而且肉好多，我都想試下下次自己煮兩個人食咁多嘢計埋加一，5舊水有找，應該算叫做頗經濟吧，住嗰頭或附近返工既朋友可以試下

進門服務人員態度也是超好的，店面掛着一幅大漁在店內雖然餐廳不是很大但麻雀雖小五藏區全，裝修得亦很有特色風味。服務員為我地推介菜式 據說來大漁屋台必點的極選壽司12點盛，有貝類、呑拿、三文魚、魚子、海胆、蝦、帆立貝、鯛魚等等，每件入口即溶鮮甜無比，有光澤感加上每件刺身都非常厚實配點芥末和醬油一起吃口感真的很不錯。刺身季節沙律用了蝦簡直是我的最愛蝦本身非常新鮮彈牙爽口加上魚子有大有小的，菜以及小蕃茄食起嚟超開胃夏天的必選食品之一。極上刺身八點盛，有帆立貝海膽三文魚牡丹蝦鯛魚等等每件入口即溶化鮮甜甘香好好味，燒日本原隻魷魚醬汁美味用了秘製的汁料來燒，非常大隻又爽口彈牙上面灑上芝麻更加香令這個魷魚升華不少。滑蛋吉列黑豚丼蛋香滑濃香四射，黑豚肉鮮嫩口感一流加上日本米煮的飯美味極了。粟米串燒非常甜又多汁不會燒到很乾還保持粟米嘅香甜味。海之幸丼所有刺身超新鮮肥美入口即溶簡直置身海裏的感覺。免治雞肉軟骨炸到不油不膩新鮮爽脆雞肉調味10分美味。和紙火鍋臀肉，先喝一口湯所有精華所在鮮味加上肉的香味以及豆腐令人回味無窮，滿滿甜蜜的感覺這家店價錢實惠材料新鮮值得推介！

牛下長大既我即使中學後搬咗，間唔中都會過黎淘大德福行食吓野行吓~自從得寶裝修後有一部份叫牛下新城，加上舊街坊喺度開左小店就更多黎呢邊。今次都係搵舊街坊，佢介紹左呢間日本餐廳，我同老公就去試吓! 門面已經完全擺脫昔日得寶既形象，入內更加有居酒屋既感覺。先黎一杯 Frozen Beer 上面嘅雪泡,keep住啤酒嘅溫度，咁熱既天氣飲到尾都係凍，特別爽!左口魚邊壽司，灸燒過既左口魚油脂更突出～　蟹肉蟹膏壽司 蟹膏既濃味，加埋一絲絲嘅蟹肉一啖入口，蟹嘅鮮味各自發揮！刺身季節沙律 好多角切咗嘅三文魚、油甘魚、甜蝦、三文魚子，食到尾都仲有~見到北海道生蠔買二送一，我哋都叫咗3隻， 肥美鮮甜，帶點海水同埋礦物味~呢度啲炸物、天婦羅、關東煮都可以逐件點嘅 。我哋就揀咗幾件天婦羅，海老天婦羅一咬落去蝦肉鮮味彈牙；沙錐魚，內質鬆軟。仲有日本南瓜、日本番薯， 味道特別鮮甜。我要一讚係個炸粉調教得好好超鬆脆!!另外點左和紙牛肉火鍋，以前食呢個紙火鍋 都會覺得好得意好興奮~人大咗先知紙火鍋既紙其實都有用途㗎! 紙可以吸收肉類嘅油份，令到個湯底更加清澈唔油膩~所以食完鮮嫩嘅牛肉片同埋滑滑豆腐，下面嘅水晶麵條、雜菜

小妹今次嚟到牛頭角嘗試一間新開張的日本料理。唔好睇小呢間餐廳，雖然餐廳並唔係位於黃金地段，但用料非常高水準，用心，選料產自於日本的，加上價錢比黃金地段平一半，跟本搵唔到理由唔嚟幫襯餐廳位於得寶商場地下，唔好俾佢地址嚇親，其實位置非常方便。就在九龍灣淘大商場附近，坐地鐵到九龍灣行15分鐘就到，容易搵到！餐廳門外有大招牌，門面裝修樸素簡樸，門口貼有「日本產米使用者」的木板，突顯餐廳對食材選料的要求及講究。令小妹有更大的信心餐廳以彩色鮮艷的裝飾打造時尚日本風，光線充足令食客感到非常舒適。餐廳面積不小，而座位沒有很逼夾，空間寬敞。設有兩個開房式廚房，分間熟食區以及刺身區，非常整潔開揚刺身季節沙律 $58沙律刺身材料豐富，除甘蝦外，還有淋海池魚，油甘魚，三文魚，魷魚等設成小塊配上三文魚籽 ，蔬菜及醬汁，非常清新美味。點作開胃菜就一流。極選八點盛 $188赤身，淋海池魚，油甘魚，三文魚，帆立貝，甘蝦，鰻魚，三文魚籽 - 共8件餐廳原用日本古法方式製造壽司，首先米飯方面選用日產珍珠米，米飯更有口感。近看一點，壽司飯呈琥珀色，原來在醋料方面餐廳亦非常用心，選用成本較高的日本赤醋，更香更濃，完完全全帶岀