A La Umai (已結業)

今年係第一次同女朋友過情人節，梗係要帶佢食d好嘢啦，留低個好印象呀嘛。係云云餐廳之中，見到呢間餐廳既評價唔錯，睇相又好似幾有情調，仲有全單8折優惠，所以一心就想過嚟試吓。地點唔算難揾，只係有d僻。上到去餐廳，計埋我哋只係三台客人。雖然地方係細，但勝在有維港夜景，而且靜靜地，氣氛都唔錯。食物方面，前菜係18個月黑毛豬風乾火腿伴哈密瓜。作為前菜黎講份量算好夠，而且黑毛豬既鹹香同哈密瓜既果甜好夾，即刻開左個胃！而頭盤就有刺身拼盤，賣相確實係幾吸引，不過刺身味道就同出面鋪頭賣既差唔多，無咩特別。反而係d蔬菜食得出佢用料新鮮！湯呢我地就點左蟹肉龍蝦濃湯同鮮蠔忌廉湯，個人覺得鮮蠔忌廉湯味道有d奇怪，可能係口味唔岩，而蟹肉龍蝦濃湯就真係好好飲，極重龍蝦味！黎到主菜啦，我地就叫左烤西班牙雪花黑毛豬配蘋果黑醋汁同1/2波士頓龍蝦黑鱈魚配蟹肉忌廉汁龍蝦本身食材新鮮，爽口彈牙，龍蝦頭既膏仲煎到好香，而鱈魚就味道一般，可能煎耐左有d乾，加翻d忌廉汁係補救翻唔少既。黑毛豬係必食，真係好好食，做到外脆內軟，仲有好豐富既肉汁，一個字，無得頂！甜品係朱古力慕絲，唔記得影相，整體味道ok，不過不失。好滿足既一餐，下次一

最近睇到一位偶像食評家推介私房西餐廳「A La Umai」，所以就襯情人週三有空，兩口子就走咗去撐枱腳 。餐店隱藏喺天后一幢商廈內，幸好大廈正門旁放置咗個易拉架，地點一啲都唔難搵。身處於二十五樓，店子亦懂得好好裝上落地玻璃窗，好等食客觀賞靚景 。廣告牌所示，有煙花睇o既節慶日子晚市套餐每位$728 + 10%。散座擺位全為二人枱，似乎黎幫襯o既都係情侶居多。柔和o既燈光照出半透明o既花邊餐碟及整潔閃亮o既餐具 ，高雅大方。中央一束小鮮花簡單添上情調。就連餐桌上o既黑白椒鹽都要黎個深情擁抱 ，羅曼蒂克o既氣氛彷彿已籠罩住整間餐室。既然環境咁正，honey決定棄選晚市套餐，要一試魚生拼盤及龍蝦主菜。 落好單，友善有禮o既姐姐即換上合適o既餐具，筷子仲用襯托返刀叉o既銀色，店主明顯對餐飲禮儀十分講究 。廚房準備食物需時，服務生先呈上麵包籃及牛油。熱烘烘o既麵包非常暖手，而且皮脆包鬆軟。刺身拼盤（$298）：拼盤包有四件三文魚、兩隻珍寶牡丹蝦連炸好o既蝦頭、及兩隻一開為二o既帶子，屬二人份量。三文魚鮮甜肥美，帶子幼嫩滑溜，牡丹蝦亦爽厚甜滑。金黃色o既牡丹蝦頭勁多膏，香脆豐厚惹味，