炑八韓烤親子餐廳

营业中

休息中

預祝媽媽🎂同 阿女6歲生日🎂去左炑八親子餐廳門口已經見到個遊戲室有廚房有滑梯🛝有兒童飛標空間感好夠佢地放電。。6點多去到，遊戲室晚上7點開始阿女快快手食個✅聖誕老人「聖誕便當」壽司飯好吸睛🍙色彩鮮艷，食一陣去玩飲品到了🍹出黎換埋件韓服然後再玩， 再食再玩。。。😍大人就慢慢燒。食下。傾下計。陪玩下。。好放心✅爐邊芝士粟米🧀✅牛小排，牛舌：三款味道，食材質量高💯色澤同油脂分佈好平均燒起上黎「滋滋」聲夠熱亦唔痴底。。👍✅厚切五花腩轉個底盤再烤專人負責 專心等吃🤤肉質鮮， 皮香肉脆煎到金黃色 再沾點醬汁味道更濃🥳除了芝士粟米同泡菜蛋再加連4款前菜同生菜🥬都可以再加 用菜包住烤肉一齊食罪惡感都少啲，又健康。✅牛油大蜆由合口煮到開口，鮮味無限濃濃海水味道用埋個湯汁🥣煮埋其他蔬菜正。。✅荔枝梳打：🍹原粒荔枝肉加香橙丁 配色同味道都好清新。✅士多啤梨乳酸梳打：🍓甜甜酸酸，夠曬冰凍食一口果肉再飲，正。✅香橙乳酪：🍊好少配香橙，都幾特別似沙冰，香橙多汁夠甜。眨下眼就3小時啦大人小朋友都非常滿足

經朋友介紹之下，今晚一嘗呢間親子韓燒。一入場已見到個兒童遊樂場，仔仔已急不及待地想入去玩。韓燒前菜，職員話可再添食。先叫個三味牛小排，很好食，油脂分布平均，喜歡食牛的朋友必叫喔！原味牛舌，二面燒一燒已食得，不韌，重牛味，非常好👍🏽厚切五花腩，叫完發現非常厚身，好彩職員話可以代燒，燒得二面都脆口。仔仔入場價有送兒童餐，點了節日限定的聖誕老人便當，非常吸晴及有誠意，個韓式壽司是甜甜的，仔仔已即刻食哂👍🏽👍🏽非常值得推薦的一間親子餐廳，食物又新鮮好食，小朋友又玩得開心，地方夠大。

之前試過第二度既炑八韓烤，覺得都唔錯呀！今日帶住細路要食晚餐，就黎左呢間位於觀塘鴻圖道既炑八韓烤親子餐廳。先講大人野食先！呢度主打韓牛，餐牌當然有牛，仲有豬，雞，海鮮，醬油蟹，炸雞，傳統韓食，湯類。開爐之前，服務員先加少少泡菜落烤爐嘅一邊，之後加蛋汁。另一爐邊就加碎芝士同粟米。等個爐燒到咁上下就食得。泡菜蛋外皮有少少脆，味道就帶微微泡菜味，嚴重建議唔好等到蛋熟哂先食，蛋滑滑哋好食啲，仲有碎泡菜可以咬下。粟米芝士非常邪惡，芝士超級拉絲，鹹香十足，好好味！服務員見你食完會主動問你洗唔洗添加。之後服務員就上可以無限加添嘅辣泡菜，芽菜，甜甜地既紅蘿蔔同白蘿蔔片，同甜甜嘅昆布，有d上面灑上少少辣椒。全部可任添，質素唔錯。同時，服務員仲上左胡麻醬新鮮沙律菜同生菜包。沙律有多種沙律菜同車厘茄再加上胡麻醬，大大碗又新鮮爽脆。生菜包都好新鮮，有好幾大塊。伴有辣椒同生蒜。亦同時上埋醬汁三寶，分別係麵豉醬，鹽同甜燒肉汁。不過我覺得已經唔需要。第一次黎，今晚揀左個三色五花肉韓牛味蕾補完套餐，$895另加一，包以下食物：牛小排4塊，油花平均，好靚，食落牛味唔錯，唔算韌。韓牛前胸肉3塊，都幾厚身，食落啖啖肉，剪細

親子餐廳，有play area，小朋友每位$130，玩3小時，包一個兒童餐，大人每位$120 minimum charge，可以叫食物抵銷，其實一啲都唔唔貴。仲可以免費借韓服，然後影相。免費嘅兒童餐包括：腸仔，車厘茄，紅蘿蔔，紫菜蛋卷，炸紫薯餅，都算豐富，可惜非常難食，小朋友掂都冇掂，我哋一齊食燒烤。前菜嘅kimchi, 蜜糖蒜片，海帶都非常非常出色。燒烤我哋叫咗韓牛胸肉，厚切豬腩肉，蒜油蜜汁雞腿肉，韓牛反而一般，雞腿肉同埋豬腩肉非常非常好味，佢跟埋生菜同麵豉醬，撈埋一齊食好香口。我覺得佢哋嘅燒烤食物做得非常好，值得一試。可惜呢間親子餐廳，洗手間唔太清潔，四歲小女孩唔肯去，搞到我哋離開嘅時候要急住咁周圍搵廁所，呢度扣分👎🏻

小王子來了炑八韓燒 ，非常適合打卡。今曰孖老公黎炑八，觀塘鴻圖道分店。量完體溫消毒雙手後，就已經見到有小王子口罩夾（偷笑）。怕食到衣服污糟, 女店員即送上即棄圍裙， 非常細心有禮，讚！小王子餐牌有2個套餐，我們食了《燒肉套餐》。職員先下邊邊的芝士粟米粒和泡菜蛋（可不加泡菜）是拉絲芝士，讚！食完仲可以加。韓餐就是有很多精緻前菜： 青瓜昆布，大豆芽菜，醃蘿蔔，泡菜，沙律。😋燒肉套餐：韓牛西冷， 蔥蒜牛五花， 大蔥牛舌， 韓牛前胸肉， 醬油霜降牛小排，厚切黑毛和牛。哇！哇！哇！擺盤隻牛牛好吸睛，牛牛的各種部位都可品嚐，肉脂分佈非常均勻，尤其霜降牛小排， 油脂分佈真的霜降似的，肉質鮮甜，牛肉很新鮮，厚切和牛仍然軟滑，我最喜愛牛小排，牛舌。辣炒年糕：唔太辣，口感軟彈，有幾塊魚片爽口。荔枝梳打：賣相精緻，好大杯，又有果肉。食飽飽。超滿足。場內環境優美。仲好適合打卡tim。so happy惠顧小王子任何一款套餐，即可加$98加配限量版 - 「小王子座枱無線充電器一個」，數量有限，先到先得！