韓松園 (已搬遷) 新店位置

今日仍是休閒上班日，食得一餐就一餐，再找朋友去試韓國菜，去了元朗韓松園之前來過一次，都ok,今次叫了個C餐加個泡菜餅，有人參雞，鐵板牛柳，自選石頭飯，兩杯飲品，前菜送，都是一般，沒什麼特別泡菜餅，好大過，成片都有泡菜，煎得香，唔錯，但粉太多，太厚豬肉石頭飯，入面有蛋，泡菜，豬肉，蔬菜，加埋韓式醬，攪好起，都唔錯 ，不辣，飯好軟熟，豬肉調味也很好鐵板牛肉，說真的麻麻地，牛好鞋身，也唔似韓國風味，同太熟人參雞湯，好足料，有參，紅棗，栗子等等，鮮甜好味，真係成隻雞架紅棗同薑茶都算夠味，ok總括小店午市人流多，因價錢平，學生也多，要幫襯，最好早點霸位

朋友生日，收左工近近地就簡左E到。去E到食唔好人多去食，因為等既時間會比較耐，眼見D 2人枱10分鐘就可以入去我地4個人，叫左一個部隊鍋+2人餐部隊鍋包左前菜、配料同2杯餐飲，部隊鍋入面既材料都好豐富架!有起碼4塊既午餐肉、差唔多一條既司華力腸、 豆腐、翠肉瓜、金菇、冬菇而配料就有餃子、年糕同芝士拉麵，個芝士拉麵真係好好味呀!2人餐我地就簡左鐵板牛仔骨同雞肉石頭鍋飯鐵板牛仔骨上黎既時候熱拿拿，而且有3條呀! 味道又唔會太咸雞肉石頭鍋飯，正常!

上網睇到有不唔錯既評語,所以特別來試下睇到餐廳資料話有得訂枱,點知打去時職員話"我地呢度無得book枱架!"咁唔緊要,反正平日去,都應該唔使點等7點左右去到,前面有2枱客,等左15分鐘,都正常我地2個人,叫左個二人餐($199)有牛肋骨煲,煎海鮮蔥餅,石鍋飯,2杯飲品首先上前菜,有3款:泡菜,蘿蔔絲同埋蕨菜原本對個泡菜好有期待,但一食就好失望d泡菜醃得唔入味,感覺就好似係白灼完d菜再加上泡菜汁另外蘿蔔絲同蕨菜都係淡茂茂另外一個前菜-菠菜呢個就少少偏咸,但偏咸都唔緊要最慘係咬唔開,好韌,咬極都咬唔斷跟住到既係飲品,我地叫左凍柚子茶同凍紅棗茶(跟餐唔使加錢)其實2杯野d色淡到分唔出邊杯係柚子茶,邊杯係紅棗茶一飲就真係如我所料,淡到好似飲水咁煎海鮮蔥餅-好少料,基本上有一半係得個餅底而個汁只係普通豉油...上枱時已經唔熱,係暖暖地,所以好快變凍,凍左好難食牛肋骨煲-有4-5件既牛肉,大大件,但d肉"鞋"同唔夠腍,唔好食...湯底略甜,配菜有紅蘿蔔,白蘿蔔和冬菇蘿蔔吸左湯既味道,好腍牛肉石鍋飯-3款石鍋飯得牛肉唔辣(而跟餐唔俾揀海鮮)好多生菜絲,青瓜絲等,牛肉都唔少,但有筋個飯偏乾無味,落左辣

友人曾推介此餐廳，不過餐廳位置對我來說有少少吊腳，所以遲遲未試，是晚早收工就去一試，哈。點知等位等足1個多小時，超出預期，好彩門口有椅子坐!等位期間曾想過放棄唔等，不過有對情侶被人miss o左叫入座兩次，都繼續等，我諗應該有保證，所以我就乖乖等下去。入坐已8時多，好肚餓，點了一個2人餐，加一個炒粉絲。餐廳細，小店模式，坐得逼，上菜多用鐵板同石頭鍋，空調不足，有點油煙感，大家要有心理準備。是日前菜:蕨、蘿蔔絲同泡菜， 泡菜太辣~蘿蔔絲好味~蕨健康~炆牛肋骨煲~推介蘿白煮透、無渣，牛肋骨夠淋，湯底好清甜~(必食)海鮮煎餅~有魷魚。食落香口，但我自己不太好食煎餅類食物，所以只試了一件，不太特別。泡菜石頭飯~香噴噴，泡菜都係辣了點，飯有點偏乾，所以我加了牛肋骨湯，更好味!建議大家點肉類石頭飯，再加辣醬，應該比泡菜好額外點--雜菜炒粉絲，比較清淡，但味道足~粉絲口感煙韌~2人餐的份量足，3人吃也夠