北海丼 (已結業)

話說有一日同同事喺太古城中心做完嘢，一路諗食咩嘅時候，我就一路講好想去日本旅行！行行吓見到呢間日本餐廳，望入去好寬敞，感覺幾舒服就入咗去食！打開佢地menu好多選擇，而佢哋都有一個lunch set Menu，全部都好吸引！最後我同同事都揀咗一個有齊我喜愛嘅飛魚籽同海膽同松葉蟹嘅北海三色丼！一上餐望到都覺得正啦！佢有個小前菜-腌青瓜，味道幾好，好開胃！之後就開始食過北海三色丼啦！入邊有松葉蟹，飛魚子，蝦同海膽！食落新鮮，又足料，唯獨是海膽比較小，但係以呢個價錢其實都性價比高！總括一下，呢度嘅服務態度，食物同環境都好好！如果再喺太古坊做嘢都會Encore好彩都叫滿足到我想去但未去日本旅行嘅心呀

今日今日老闆請食生日飯，同一班同事來到北海丼。太古這一頭食日本野嘅選擇並不多，北海丼環境好，刺身都算新鮮，係同事聚餐嘅不錯選擇。平日中午walk-in基本要等半個鐘，今日我們提早一星期book枱。我們一行7人，選了四個唔同嘅lunch set。招牌吞拿魚三色丼，吞拿魚望落好肥美，同事話入口有油甘香，不錯不錯。我選了北海三色丼，有甜蝦/蟹腳/海膽，甜蝦同蟹腳份量都好足，好鮮甜。唯獨海膽份量太少，只有兩條，不過尚算鮮甜。特上魚生丼，呢個係set lunch冇的，要特登叫。有位同事上次食完好想再食，於是今次有4個人都叫左呢個。佢地話d魚生沾了特制醬油，入口即溶，好正。火炙醬油漬魚生丼，賣相一般，同事話ok。

海鮮丼的重點就是要新鮮， 基本上 食材新鮮 就唔會難食得去邊。北海三色丼， 三款主食材甜蝦，松葉蟹和海膽 都是飢詩超喜歡的。 這個三色丼感覺除了新鮮之外， 其他配料也很仔細。 如果只有主食材的海鮮就是太單調了，它的小魚乾為丼增添 甜味， 蟹籽添加了口感。 甜蛋的樣子醜醜的， 但口感很鬆軟 😃。北海的丼， 飯份量是滿滿的， 差點吃不完 😄😄中午的時候，北海丼沒有滿座， 價錢不是很便宜的那種， 但一分錢一分貨，它就是優質吖~ 😃😃飢point : 8/10#hungermarch #非飢詩 #飢詩