華小料理屋 (已結業)

朋友話銅鑼灣有間和牛食lunch 好抵食，於是就衝去試試。行到登龍街首先俾個門面吸引咗，日式氛圍濃烈，拉開門簾入去就見到塌塌米包廂，如果人多少少可以坐入面一定好開心， 卡位裝修全部用竹簾作間格，就算不坐房內都充滿私密感，唔會見到隔離枱。同朋友分別點了【石燒鹿兒島健康咲雞】及【A3黑毛和牛壽喜燒窩】套餐。 A3和牛夠鮮嫩，壽喜燒湯底夠晒甜，配料仲有金菇、洋䓤、豆腐、粉絲等等，全部都好入味！石燒鹿兒島健康咲雞可以自己慢慢燒，睇落白雪雪嘅健康雞估唔到燒完都好夠味，而且真係好滑好滑！仲要塊塊都厚切，真係食到停唔到。兩個套餐都配送麵豉湯、沙律、茶碗蒸、漬物、白飯，仲有我最鍾意嘅北海道牛乳布丁做甜品，真心好抵食！而且服務仲好好㖭！

午餐點了A3和牛壽喜燒鍋套餐, 牛肉鋪滿鍋面, 加上有配菜、餐飲和甜品, 白飯也是滿滿一碗, 一人的午餐飽肚非常。套餐配菜普普通通, 果然當不了主角呢哈哈。牛肉煮得剛熟帶紅便入口, 肉質軟稔, 不論單吃或是配上飯亦是一流。壽喜燒汁有些過甜, 配以牛肉吃有點搶了牛味,而蔬菜則是十分入味, 甜咸程度剛好。 不過基於主角是牛的關係, 燒汁減甜會更適合。甜品亦值得一提, 牛乳布丁的奶味超級濃郁, 即使已吃得很飽還是想再多吃一個布丁。美中不足的是布丁不夠扎實, 像是未成形似的, 但卻不減美味。

難得久未見面o既表姐得閒，週五約咗幾老表喺公司附近一家自己想試咗好耐o既「華小料理屋」食晏，XO仔聽聞當然係要一同參與啦！店子內外都貼滿推介和牛之海報及小旗仔，簡單到題。餐廳面積唔算特別大，但勝在樓底高，木造o既餐桌椅櫈及和風o既間格簡潔乾爽。店內光線充裕。散座與散座之間o既空間足。四人被安排入座左方o既卡位就最為寬闊舒適。午市餐牌共有兩頁之多，圖文並茂，甚為清晰。日本A3和牛壽喜燒鍋（$238）：午市壽喜燒套餐包有季節小鉢、漬物二點、和風沙律、蒸蛋、日本A3和牛壽喜燒鍋、日本米白飯、味噌湯、精選甜品及咖啡，合共有八道菜之多，份量認真唔野少！和風沙律尚算清爽醒胃。季節小鉢為少辣惹味o既牛脷絲。麵豉湯夠清。主角滾住上o既壽喜燒鍋熱辣辣、香噴噴，另配一隻蛋黃鮮美o既靚靚日本生蛋，未食已令四老表嘩聲四起。熱鍋中o既日本A3和牛粉嫩夠薄，半生熟就最啱小肥口味。和牛薄片軟嫩無比，甜而不膩，點上生蛋黃食即增添柔滑，半溶於口中，實在美妙！墊底o既洋蔥、芋絲、金菇、豆腐、雜菜索哂味，送飯更是一流。甜品北海道牛乳布丁微甜輕巧，清香軟滑，細細杯，易入口，掂呀！飯後一杯熱咖啡，腸胃確真舒暢。感激表姐專登走黎