大漁屋台 (已結業)

牛下長大既我即使中學後搬咗，間唔中都會過黎淘大德福行食吓野行吓~自從得寶裝修後有一部份叫牛下新城，加上舊街坊喺度開左小店就更多黎呢邊。今次都係搵舊街坊，佢介紹左呢間日本餐廳，我同老公就去試吓! 門面已經完全擺脫昔日得寶既形象，入內更加有居酒屋既感覺。先黎一杯 Frozen Beer 上面嘅雪泡,keep住啤酒嘅溫度，咁熱既天氣飲到尾都係凍，特別爽!左口魚邊壽司，灸燒過既左口魚油脂更突出～　蟹肉蟹膏壽司 蟹膏既濃味，加埋一絲絲嘅蟹肉一啖入口，蟹嘅鮮味各自發揮！刺身季節沙律 好多角切咗嘅三文魚、油甘魚、甜蝦、三文魚子，食到尾都仲有~見到北海道生蠔買二送一，我哋都叫咗3隻， 肥美鮮甜，帶點海水同埋礦物味~呢度啲炸物、天婦羅、關東煮都可以逐件點嘅 。我哋就揀咗幾件天婦羅，海老天婦羅一咬落去蝦肉鮮味彈牙；沙錐魚，內質鬆軟。仲有日本南瓜、日本番薯， 味道特別鮮甜。我要一讚係個炸粉調教得好好超鬆脆!!另外點左和紙牛肉火鍋，以前食呢個紙火鍋 都會覺得好得意好興奮~人大咗先知紙火鍋既紙其實都有用途㗎! 紙可以吸收肉類嘅油份，令到個湯底更加清澈唔油膩~所以食完鮮嫩嘅牛肉片同埋滑滑豆腐，下面嘅水晶麵條、雜菜

相約朋友到九龍灣做yoga，做yoga前朋友帶左我去得寶食日本野，唉？！乜原來得寶開左間日本餐廳？！真係好喇，其實九龍灣真係冇乜呢啲居酒屋，今晚一於去試下先！餐廳裝潢富日本色彩，色彩鮮豔，未食野已經覺得心情舒暢起黎！先黎餐前小食 - 螢光魷魚沖漬魷魚🦑非常爽口，味道調得不錯，用黎送酒一流麻醬番茄豆腐沙律沙律一直都係我既至愛，每次食日本野都必叫之一！呢個沙律有豆腐、厚切番茄、沙律菜同埋三文魚子，加上麻醬甜甜酸酸的，好味又開胃！北海道生蠔雖然唔係好大隻，不過蠔味十足，加少少檸檬汁可以提鮮辣味鐵火卷辣味鐵火卷賣相唔錯，卷上有幾粒吞拿魚，卷中包著青瓜絲，再配以沙律醬一齊食，味道都唔錯，幾清新。雖然個名叫辣味，以為好辣，但其實只有少少少辣，怕食辣既朋友都岩食。燒物 - 鹿兒島黑豚肉串燒及雞頸肉串燒 用料為鹿兒島赤雞，選料上盛，燒過的豚肉及雞肉仍保存肉汁，外脆內軟，肉質鮮嫩，加少少檸檬汁，味道更為提升。關東煮我平常都好鐘意食炸蟹餅，見到呢度有蟹餅關東煮見幾得意，又叫左黎試下。估唔到蟹餅配芥末醬又唔錯喎，味道清甜又清新！滑蛋吉列黑豚丼豚肉炸至香脆，上面加上紫菜，內裡有豆腐、冬菇及有量洋蔥，仲掛左少少

得寶這個舊屋苑竟然開了間高質居酒屋，真是好驚喜！開張不夠幾日已經四個人去試，大家都覺得有水準，食得開心。當然價錢就一定比附近的茶仔譚仔要貴，可能也因此所以剛開張時客人不多，星期二晚9點得我們一枱客人⋯⋯真係為佢擔心平心而論，以居酒屋嚟講佢哋是合理收費，唔平唔貴。不過難得屋企樓下有高質餐廳真是好驚佢執，嗱嗱聲打篇食評支持下小店今日第二次去，和男朋友叫了7樣嘢食, 埋單兩人$660， 下次會再嚟！