影片
更多
2016-07-30
969 浏览
之前去過新蒲崗幾次， 但每次都係為工事路經同短暫停留，亦同呢間金寶擦身而過多次， 到琴日先有少少時間終於可以坐低品嚐下香港其中一種文化歷史 "冰廳" 嘅食物。雖然真正嘅"冰廳"依家已經剩餘唔多， 特別係現今香港處於超貴租時代， 仲有機會品嚐， 除咗係多得有懷舊同傳統風味嘅吸引力外， 佢地嘅實力就一定係包括在內喇， 唔係邊有可能可以繼續維持生計頂貴租， 除非係自己物業就另計喇， 哈~入去坐低睇一睇個餐牌就叫咗我去開傳統"冰廳",或者 "冰室" 最常叫嘅食品： 就係常餐嘅"沙爹牛肉公仔麵" 或者係 "叉燒意大利麵粉， 配奄列等等~~ 因為天氣太熱， 唔想食刺激性嘅野同唔太鍾意食火腿， 所以無揀沙爹個常餐， 叫咗佢地嘅午餐: "叉燒湯意粉"， 火腿奄列就改做"腸仔奄列"。 除此之外， 我當然會叫埋香港茶餐廳應有嘅傳統美食： 西多士食奶 (i.e. 配煉奶唔用糖漿， 我個人覺得西多士咁配係最好食), 而飲品就緊係。。。"冰檸茶"喇~~~係我等緊食物到嘅時候， 我就好鍾意欣賞冰廳擁有嘅懷舊裝修， 因為可以反映到以前當時嘅潮流係點， 其中一樣我一定會留意嘅就係有"花紋圖案嘅階磚地板"！！ 同依
雖然真正嘅"冰廳"依家已經剩餘唔多， 特別係現今香港處於超貴租時代， 仲有機會品嚐， 除咗係多得有懷舊同傳統風味嘅吸引力外， 佢地嘅實力就一定係包括在內喇， 唔係邊有可能可以繼續維持生計頂貴租， 除非係自己物業就另計喇， 哈~
入去坐低睇一睇個餐牌就叫咗我去開傳統"冰廳",或者 "冰室" 最常叫嘅食品： 就係常餐嘅"沙爹牛肉公仔麵" 或者係 "叉燒意大利麵粉， 配奄列等等~~ 因為天氣太熱， 唔想食刺激性嘅野同唔太鍾意食火腿， 所以無揀沙爹個常餐， 叫咗佢地嘅午餐: "叉燒湯意粉"， 火腿奄列就改做"腸仔奄列"。 除此之外， 我當然會叫埋香港茶餐廳應有嘅傳統美食： 西多士食奶 (i.e. 配煉奶唔用糖漿， 我個人覺得西多士咁配係最好食), 而飲品就緊係。。。"冰檸茶"喇~~~
係我等緊食物到嘅時候， 我就好鍾意欣賞冰廳擁有嘅懷舊裝修， 因為可以反映到以前當時嘅潮流係點， 其中一樣我一定會留意嘅就係有"花紋圖案嘅階磚地板"！！ 同依家常睇到悶嘅木色或係炭黑色地板嘅歐韓式餐廳好唔同， 雖然舊舊， 但配合啡色嘅坐椅同木邊檯反而顯得更有特式！
唔洗5分鐘， 食物到喇， 先來午餐嘅：
"叉燒湯意粉"; "腸仔奄列";
"冰檸茶"
賣相都嘅ok, 不過我只係改咗唔要火腿， 要香腸， 唔知點解連奄列都變埋炒蛋。。。 不過算喇， 如果係好食嘅， 奄列又好炒蛋又好， 都無所謂喇！
開動喇。。。
叉燒湯意粉：叉燒肉好柴， 意粉好"淋";
香腸： ok嘅， 唔鹹 (因為有D會用好似廚師牌嘅香腸就會好好好。。。鹹)
炒蛋： 炒得太薄， 好似紙咁薄， 無口感；
牛油麵包： 都係"淋", 好重濕氣咁；
食咗2分鐘， "西多士食奶"上檯喇~~~~
件西多士好厚身， 睇落好似好吸引， 心諗今次應該無叫錯！ 落刀一切。。。件西多士就好似漏氣咁， 慢慢咁扁咗， 好似表演magic 咁， 一睇切面就知道係什麼一回事！
依家市面上我哋食嘅西多士都係用兩片麵包加花生醬係中間粘實之後沾上蛋漿就去炸， 所以睇落夠厚同食落有口感之餘， 仲有花生醬味。 而金寶做嘅係得一片比普通方包厚少少咁去整嘅西多士， 所以一上檯時睇落好似好厚， 但一切， 熱脹冷縮原理 (我估咖咋， 如有錯， 唔好話我喎， 哈) ， 係西多士入面D熱氣就立即走晒， 得一片方包做嘅厚厚西多士無咗D熱氣頂住馬上變成平平西多士， 加上佢地嘅麵包真係好似頭先食嘅牛油麵包濕濕咁， 口感就真係唔合格~
儘管食物我個人就覺得好一般， 但我都想推介同有機會去開新蒲崗都會再去金寶試食其他野， 因為呢間冰廳老闆態度好親切, 會主動同你有講有笑，唔似出晒名服務態度差嘅澳牛咁， 如果要同佢服務態度比較，呢間就好似5 星級酒店咁親切， 食得舒服！什麼"冰廳"， "冰室" 就係依家我哋常見同叫嘅"茶餐廳"前身, 唔止俾現今嘅茶餐廳多咗懷舊， 而係代表香港成長轉變嘅歷史見證， 我當然好想上代嘅好野繼續留下， 但如果連一間餐廳嘅最主要精神食糧--"食物嘅QC"都做唔好， 我驚我哋下一代可能會睇唔到什麼真正嘅傳統"冰廳"， "冰室"喇， 得番D 大型連鎖餐店~~
本土特色， 加油呀！
张贴
