老掌櫃東北菜館 (海之戀商場)

营业中

休息中

估唔到有幾好食喎，同埋都幾抵食，叫咗四個餸(包括半隻片皮鴨)，埋單都係$412兩個人。餐牌裏面各類型嘅餸菜、冷盤小食等等都多選擇叫咗三個涼拌小食，佢嘅配菜都好多，好夠味😋 唔似得好多大型商場裏面嘅中式菜館，碟頭細，又唔捨得俾料…將來都會再返去試吓其他今次食嘅菜式🙂

今晚同左四個朋友離食晚飯。因為係紅日，我地係門口都等左半個鐘左右先入座。我地安排左坐出面， 環境幾好，係對海既，而且仲有大風扇吹住，唔會熱。我地四大一小叫口水雞、紅油抄手、上湯娃娃菜、水煮牛肉、雞絲粉皮、半隻片皮鴨、酸菜餃子同幾罐飲品。好明顯最後係變左大曬鬼紅油炒手唔算辣，面頭有好多蒜蓉，夾埋一齊食夠曬香，但係個皮就稍為有少少厚。我地叫左水煮牛肉 ，但係佢地比錯左水煮魚我地， 同佢地講番都好快換番我地。個牛夠香夠辣，仲有薯粉同芽菜、娃娃菜係底。$168 就食到片皮鴨 ，其實都算抵。 呢個價錢算係咁上下，雖然佢稱唔上係出色，但係都可以滿足下想食既慾望。鴨係厚切，比較足料飽肚，但係皮就唔係脆。至於果塊皮就正常，拎上手仲暖既，夾埋京蔥同青瓜一齊食，係幾香口雞絲粉皮我唔太推介，唔知點解個粉皮好碎，係夾唔到，要用匙羹先得，呢到有點失望。成晚我見到員工都好忙， 除左片皮鴨係要同員工落單，其他都用手機掃QR code 落單，大大減輕佢地工作量。可能係咁，呢到係免加一服務費。埋單之後，仲有$20 coupon 送。

兩點去到食午餐。其實佢哋嘅午市套餐去到下晝五點都有。40幾蚊一個餐，但係基本上，午市套餐咩都有得叫。諗住40幾蚊個套餐會好細，點知都幾大份。有得同地盤附近啲飯堂有得比。好似特登比啲消耗好多勞力嘅人而設。我地三個人叫咗三個套餐。咕嚕肉，水煮牛肉同水餃配酸辣湯麵。最後加咗半隻片皮鴨。半隻片皮鴨$168。好抵食！不過以這個價錢嘅片皮鴨唔可以要求太高。鴨肉比例多。切功唔靚。皮都算脆。我當無骨燒鴨咁食。我平時都鍾意食燒鴨但唔鍾意有骨。所以這個片皮鴨我當燒鴨咁食就啱啱好。每個套餐嘅味道都好好。唔會太辣。味道同份量完全對得起$4x 嘅價錢。如果要有Michelin 嘅服務同味道可以唔洗來。但作為普通偏上嘅話就一流啦。

呢排講到好出名既富X閣 片皮鴨，被周圍瘋傳吊起條癮想食片皮鴨呢間老掌櫃，一直以來都好出名終於有機會試，半隻片皮鴨 $168，好抵食好正宗D麵皮唔係用春卷皮抵讚鴨皮香口而脆，完全不膩口烤羊肉，又係好掂羊肉入口係鬆化，juicy最重要果陣羊羶味都幾濃孜然粉味落得恰當羊肉餃子餡好足料好多湯汁，外皮夠薄高力豆沙甜度唔夠，但豆沙餡夠濃味整體嚟講呢間性價比極高仲要唔駛加一，不過真係早嚟有着數最好book枱，如果walk in就盡量早d啦因為未夠7點已經等位