Green Orange

餐廳：Green Orange地點：上環永樂街菜式：西餐餐牌：午餐包Starter，主菜7選1，飲品，可加錢升級飲品。Starter包括是日餐湯、餐包同厨師沙律。厨師沙律有雜菜沙律加紫洋蔥片、紫心蘿蔔、車厘茄，簡單加上千島汁調味。材料新鮮。是日餐湯係南瓜湯，夠滑夠杰，簡單加上香草調味，味道甜甜地，好飲，份量多。餐包係蒜蓉包，每人一片，脆口夠味，蒜蓉味香，送湯一流。芝士蟹肉番茄忌廉汁粗管麵 $208 另加一芝士蟹肉番茄忌廉汁粗管麵面頭係好多蟹肉芝士碎，好香！粗管麵口感Al dente，加有大量番茄忌廉汁同香草，味道甜甜哋好香甜，面頭加上少少菜苗解膩。煙燻鳳尾蝦配梛香南瓜黃薑意大利飯 $228 另加一煙燻鳳尾蝦配梛香南瓜黃薑意大利飯有去殼煙燻鳳尾蝦四隻，鹹香十足，外皮少脆，好味道。意大利飯色水呈黃色，濕潤多汁，味道微甜。配料超級多，包括雜菇片、南瓜塊、洋蔥粒、同少少菜苗，啖啖滿足。凍檸水餐飲叫左凍檸水，每杯都有三片檸檬，夠凍解渴。今餐食物質素唔錯，餐廳座位舒適，最緊要上菜夠快，大半個鐘就食完，中上環返工可以考慮。

見完客見時間尚早，搵左間靜靜地又坐得舒服的餐廳食個fine dining relax 下。6點左右到，餐廳比人感覺好新淨好有情調。叫左個二人set dinner. 通常食fine dining 姐都會另叫生蠔，成件事先完美😌😌呢個係法國Saint Martin 蠔- 好creamy 好重蠔味-一啲都唔細隻，絕對係啖啖肉-仲叫左杯Prosecco，好撘！沙律-份量好夠，完全唔似坊間得一少碟Parma Ham & home made pickles -hams有3種，配埋芝士食一流！-Ham 的質素值得一讚南瓜湯-好濃好滑，好似食緊一大個南瓜咁！意大利風香茅羅勒炒魷魚-個樣睇落有啲中式但一食落口就好意式-羅勒加香茅將整個調味提升左，甘香得來驚帶點複雜，係有驚喜的味道黑松露意大利飯-非常滿意的一碟，黑松露味非常濃厚，食得出唔係劣質黑松露。餐廳一啲都唔吝嗇，每一啖都食到黑松露-飯係正宗意大利飯的煮法，偏硬身，姐大愛！好多餐廳為左迎合港人口味將飯煮到好淋....美國頂級牛腹扒配阿根廷青草醬-完全食得出係頂級，牛味好濃！-叫左4成熟，師傳將火喉控制得好好，並冇overcook. -配埋青菜醬同埋大

朋友今個月生日，約咗佢係附近做岩盤浴，就諗住做完再食lunch 慶祝。預早問定朋友話想食西餐，見openrice 依間餐廳評價唔錯，所以就早1星期book 定。通常openrice book嘅餐廳都會早1，2日打黎confirm，但依間係唔會嘅…就連我地遲咗少少都無打黎催…咁係好定唔好呢！？🤔2點上到去，連埋我地得2枱人唔算多，店員安排咗窗口位比我地，都座得幾舒服。食物都ok，但唔算得別出色。如果入座前提1提我地3點鐘係落場時間會比較好，食到尾有D比人趕埋單嘅感覺。

 喺上環食5 course嘅西餐，竟然人均消費唔洗$300？真係嚇到連眼眉都跌埋😦，仲要食物有返咁上下質素，性價比超高，真係極力推薦！👍🏻我今次係跟上環返工嘅地膽黎，如果唔係我朋友，我本身應該唔會自己邁出第一步去呢間西餐廳食飯😂，因為畢竟餐廳名唔係特別吸引我，不過竟然有個喜出望外嘅體驗！😆位於上環嘅「Green Orange」，店鋪就喺地鐵站隔離，步行一分鐘便可到達，雖然係樓上鋪，但都好容易搵到！我哋入座時間大概晚上7點，當時都唔算好多人，但後來未到8點就滿座了，估唔到小店都咁爆場！仲要好多食客係訂枱嚟食或者係常客，睇嚟真係好受歡迎喎👏🏻！先說說超抵食二人套餐，只是$498，加埋一都唔洗$275/人，真係超值！如果會飲酒嘅朋友，加$58就可以要杯cocktail，唔飲真係對唔住自己，中環區飲一杯cocktail都要過百，而家無疑係買一送一，抵！👍🏻身為酒鬼嘅我哋，梗係唔可以錯過啦！店家仲可以custom made，自己揀想要嘅口味，fruity、refreshing或strong都得，身為gentleman嘅我，梗係要揀返杯old fashion啦，雖然賣相唔係特別吸引，但味道卻是相當

好友提早請客小弟生日lunch😜 兩個中環人行咗大段路黎到Green Orange午餐🍊位於上環美食街附近既昌盛大廈好有典型舊小型商廈味道，要行高幾級樓梯先有電梯搭🤭上到2樓，一出已經係green orange, 長型舖頭有30個位左右，落地玻璃個景採光一流，位既編排都唔太密，中上環黎講算係佛心👼午餐都係套餐形式，沙律/湯，搭個主菜，意大利飯，牛🐂，魚🐟，意粉，沙律。南瓜湯黎講還Ok, creamy 不油👌餐包就少燶囉主菜牛扒要咗七成，熟成度準確7️⃣0️⃣，但係調味重手咗啲，鹽太多，略鹹🤔，配菜都唔錯👌杯咖就不過不失啦👌其實成餐飯都還可以，價錢唔太差，坐得舒服，作為一個聚腳午餐點都幾正，但就可能樓底問題，個場較嘈難傾計

今日約咗老公去永樂街50号的Green Orange Restaurant & Bar 食晚飯。我們叫了蟹肉南瓜忌廉湯、燒帶子柚子沙律、香煎虎虾帶子墨魚汁意大利飯和燒烤美國猪仔豬排骨。我們用橄欖油和意大利醋嚟點麵包, 麵包鬆軟新鮮。 南瓜湯入面有很多蟹肉同埋南瓜味很濃; 沙律入面啲柚子很鮮甜, 帶子煎得外脆內軟。墨魚汁意大利飯很creamy, 好像用芝士和墨魚汁同煮一樣, 入口不稠, 同埋嗰隻蝦煎得香脆可口。 值得一讚的是 bb豬排骨一大塊, 醬汁和配菜小酸小辣, 好像我們食惯的乳猪醬但味道和口感就不一樣, 所以食起肉來並不覺得會"漏" , 同埋猪肉燒到骨肉分離、齒頰留香, 回味無窮。因為豬排骨份量好大塊, 胃口小的食客會很難食得晒。這個意大利餐很值得回味, 一試再試。