拉麵Jo (已結業)

今日，同朋友一齊去西九龍海濱長廊果邊影相，去到夜晚海濱嘅餐廳已經滿哂座，行下行下行到 ELEMENTS 圓方，去到水區九龍站港鐵 C 出口附近，俾我地發現一間拉麵店 — 拉麵Jo，之前係銅鑼灣已經食過一次佢地嘅沾麵，今次要試下佢地嘅拉麵！博多拉麵 (博多ラーメン) ＄88博多拉麵最多人知道嘅當然係最出名嘅豚骨湯底，長時間熬製而成，呈奶白色。拉麵Jo出品嘅博多拉麵湯底係比較鹹，唔太能夠掛麵，食完飲左三杯茶先解到鹹膩感。拉麵正宗直身麵條，粗幼適中，口感帶有一點咬口。博多拉麵唔少得嘅就當然係芝麻、紅薑再加入口軟而不散嘅叉燒、蔥花，略嫌上枱後見到碗中食材排得唔夠整齊。整體麵條尚可，但係湯底就真係需要改善一下。

拉麵Jo登上米芝蓮推介食府已經7年, 一直都放喺wish list, 終於有機會一試! Elements分店嘅座位較開揚, 當日約晚上七時客人在店外排隊買外賣/等外賣/等位, 好多人企喺你隔離睇住你食飯😅欣賞餐廳提供多款口味嘅拉麵同沾麵選擇, 小食種類繁多。博多拉麵湯底不膩但唔醇厚, 淨係食到芝麻香😅叉燒非常薄切但入口即溶，麵條幼身較結實, 不是我個人prefer的口感濃厚麵豉拉麵麵條較博多嗰款粗身, 湯底濃但唔會太鹹

第一次食呢間拉麵，都係因為貪方便又肚餓，價錢系圓方來講都算相宜，就坐低左食我叫左個豚骨拉麵，男朋友叫左個博多拉麵，另外叫左個自製餃子，埋單三百蚊有找一入口就食到好濃既湯底，麵的嚼勁不錯，但不太喜好濃味，所以唔係幾中意越食越咸既感覺。但其他配料及餸菜都幾好，博多拉麵有溏心蛋，唔錯唔錯，係唔中意啲薑～餃子味道好新鮮，幾好味的，麻油味重，所以都幾香！因為去到都好少人，我地揀左卡位坐，都幾舒服，服務態度都唔錯，值得一試～