香香宮煮 (金輝大廈)

营业中

休息中

餐廳前身都係食肆，裝潢就改為故宮背景，堂內分區及菜名都經心思，侍應招呼周到殷勤，正值會員制招聘，主動提醒客人下載程再送即炸嚮鈴（鹹蛋味款的黃金嚮鈴必叫），而且係遂一以新加入會員數量計，而非每枱計，原價要48元一碟，抵晒！成餐有3款係送的。（2客嚮鈴，海膽，甜品）湯底款式多，湯底價錢小貴但可接受，另有花膠雞，芫荽山湯底等。。食具巧心思且清潔乾淨，份量算合格，自製餃子及九類，魚滑類都好食，他們更有象拔蚌及魚刺身。飯後送小杯楊枝金露甜品，openrice訂枱送每人海膽一客。

話說賀宮煮與小芳工房玩慶生，尋尋覓覓搵到香香宮煮，見有68折卜左周日午餐。話就話座落TST，但位置有少少QK，地下冇易拉架，要係對面馬路 +頭愕愕至望到招牌門口較窄，不過一入宮門眼前一亮，金黃大龍椅，裝修呀 擺設呀都幾特別，我們入坐永和宮餐牌都卷成詔書，價格呢...都令人為之一振！2個壽星先點個卜卜蜆芹菜湯底，滾起食都食唔切，成斤重，好鮮味牛拼盤有7款不同部位，滿意 可惜牛舌冇...跟住點了 餃子拼盤、蟹子蝦滑拼墨魚滑、響鈴雙拼豆腐、水蓮，蔬菜拼盤，重有一壺薏米水食到脆鯇呢...真材實料，又新鮮,可能得一枱客廚房師父一開始切到擦膠咁厚，經要求，一舊變三片。服務算係咁吖水蓮第一次食，試過就算了呢盤蔬菜拼盤冇動過，要打包呢薏米水可以有4-5杯。本來只有凍飲，店員好好順應要求,溫了才奉上。總的來說，食物新鮮，服務超好！周日午市食足3小时(12點-3點)，感覺似包場，期間好似有一枱客入過 找數每人$550(68折後)，計番時間、食物質量，OK啦。。。如果沒折呢，就！

天氣開始凍，好想打邊爐暖笠笠，我係勁中意打邊爐，烚下烚下，禁啱見到Openrice book位6點半前離座有58折，禁抵就去試下啦。一入門口就覺得裝修花過心思，呢座大廈本身已經好舊架啦，但入面就裝修到好有中國古代Feel ，近年古裝宮廷片大熱，黎呢到就好似返左古代打邊爐禁。湯底同嘢食選擇都唔少，我歸納呢到係港式邊爐。調味九宮格，最特別係個黑蒜油。首先叫左個卜卜峴煲，一上枱勁香芫荽味，滾左試左一啖湯，超清勁濃味。啲峴新鮮好甜，不過美中不足係啲峴好多沙，一口都係沙。食左幾隻真係攪唔掂，同經理講佢都好主動話換另一個湯底比我地。換左呢個芫荽皮蛋湯，一上枱又好香芫荽味，呢到嘅湯底都係好濃味，可以直接飲一碗先。打邊爐講新鮮，呢到用料都新鮮，珊瑚蚌桂花蚌爽脆新鮮，黑毛豬唔肥。鵝腸正嘅，食唔出雪味。最特別係公主油炸鬼，上面有蟹子同墨魚滑再加個油炸鬼，唔好煮禁耐，唔係油炸鬼會太淋。最後加埋個薯粉，吸左湯嘅味道，好飽。58折係抵食，雖然峴有沙有啲失望，但湯底好飲好濃，嘢食都幾新鮮，唔錯。