回到味來 (已結業)

今天在旺角行街，在想食什麼晚飯，走在彌敦道新城大廈看了一下，發現這間私房菜雞煲火鍋，就想去試一下。看餐牌，選擇豐富，各式各樣的火鍋材料一應俱全。由於同行有人唔食辣嘅關係，我們點了一個黃燜雞煲（半隻），雞煲現炒，鍋氣十足，雞很滑很入味。原來九點前入座他還有一個海產贈送，今天的是花蛤。打邊爐又怎可以少了肥牛，點了一份安格斯頂級肥牛，$198分量充足。另外點了黑松露蝦丸，蝦肉鮮甜配了黑松露的香氣，令這個蝦丸味道十足，絕對值得推薦。炸午餐肉每一塊都是厚切的，炸了令原本美味的午餐肉變得更香口。還點了即炸響鈴，這個上菜的時候熱辣辣，不論你放湯打邊爐還是就就咁攞嚟食都很爽脆好味。也是推薦的必食。環境舒適，服務員的服務也很好，如果你下一次到旺角，可考慮這家私房菜火鍋。

旺角應該係全世界餐廳密度最高嘅地方之一。中餐、西餐、日本菜、快餐…應有盡有。但評價咁一面倒的就無幾多間。Let’s check it out! 魚皮餃唔會淥到甩皮甩骨，包得紮實。餃皮煙韌有彈性。雪花肥牛牛肉真係好新鮮，呈血紅色，並唔係好似其他火鍋放題店咁樣，去到客人面前仲係結冰狀態，雪藏至變成瘀血色。而且油脂同肉比例剛剛好，加上切得好薄，水滾淥十秒剛剛好食得，口感腍滑。油香、肉味，皆出色。炸午餐肉邪惡! 但極好食。即炸響鈴熱辣辣即叫即炸。竹蔗茅根水微甜，飲得出沒有另外加糖。清熱下火。其餘火鍋配料都好相當OK, 尤其係蔬菜，種類多，而且非常新鮮。現場環境全部都係卡位，冷氣夠。幾時嚟打邊爐都係好選擇。

今日約咗幾個朋友食雞煲，係openrice見到呢間用app訂位竟然有半價😯 食雞煲慣咗要食辣，不過有朋友唔食得辣就叫咗黃燜雞煲試下！ 唯有自己係個醬汁到自己加辣😅d雞好惹味好滑，份量都好多！食哂啲雞就加湯打邊爐啦！一加湯就加埋冬瓜片同白蘿蔔，因爲要d時間去煮同埋可以吸哂湯既精華，本身冬瓜片同白蘿蔔都好甜😊打邊爐一定要叫牛！叫咗手切牛頭脊，輕輕淥幾秒就夠！啲肉超嫩超滑，牛肉既香味散哂落個湯底到呢個豚肉片又好正，成日覺得豬係要淥耐d所以好少叫，不過呢到切到好薄所以又係幾秒就得，岩哂我呢d懶鬼😂因為9點前入坐仲送咗碟蜆俾我地，雖然係送但都好新鮮，見到佢地係到郁🤪打邊爐又點少得響鈴，炸到好脆好香口😍 娃娃菜好甜！裝住菜個籃超可愛，睇得出小店好有心思☺️最後當然唔少得竹蔗茅根，好足料好清熱‼️整體我覺得食材都好新鮮好足料，係有discount既情況下真係好抵食呀

今晚約左班好耐冇見既朋友打下邊爐食下雞煲訴說下近況，旺角邊爐雞煲勁多選擇，但係發現openrice有間係app預約有半價優惠，真心覺得超抵所以一定要post上黎話比大家知！食咁鬼多野又雞煲又邊爐仲有靚牛，埋單之後都係每人百五蚊有找邊度搵！地點方便易搵就係正信和同總統中間果度野既3樓，環境都算唔錯，乾淨企理，冷氣夠大，食完成餐都唔會話吸哂啲味Service幾好幾貼心，打開煲蓋果啲都會提下我地好大煙同埋會用個蓋盡量遮返住，等啲煙唔會攻上黎醬料可以自己調配，欣賞佢有齊生蒜炸蒜一扎大概每人大概分到一至兩杯，感覺足料有媽媽既味道，又真係幾清熱，食完成餐都唔覺口乾同熱氣因為我地幾個當中有人唔食得辣，所以叫左黃燜雞煲。原本睇圖都以為會冇乜味（相比起惡魔雞煲）點知又幾惹味，食到停唔到入面撈左好多菇，吸哂啲汁超岩送飯！半隻雞又岩岩好夠食，都唔少肉睇openrice相發現其實細既牛頸脊都應該夠，結論係4-5條友係真係夠食架喇！好耐冇食過肥瘦咁均勻既牛肉！好嫰滑夠哂juicy一界啲都唔柴點埋醬料好滿意炸魚皮都好多塊，又大塊，夠脆夠乾身唔會油膩即炸響鈴應該係新鮮炸起，建議佢可以乾身返同埋厚少少墨魚滑真係會咬到

今日同班中學同學去咗回到味來食雞煲，黎到一心係想試下佢個惡魔雞煲🤤 點知唔記得咗有兩個食唔到辣，唯有試黃燜雞煲啦！ 不過黃燜雞煲都好正好入味，我地淨係叫咗半隻雞因爲想試多d其他野食😁半隻雞4個女仔已經好夠食👍🏻食完d雞就開始加湯打邊爐啦！打邊爐最鍾意叫d可以吸哂d湯既精華既餸😁咁又點少得響鈴呀仲要係即炸既添😍仲叫埋冬瓜片同白蘿蔔，除咗吸哂湯既精髓仲食到材料本身好鮮甜！打邊爐又點少得牛呀！本身想叫肥牛，見到佢有款叫手切牛頸脊，又想試下所以叫咗碟細既試😊 牛頭脊既肉超嫩超滑，真係食到停唔到手！仲送左碟硯好生猛新鮮係度開開合合！😆之後我食到有史以尼最大既竹笙真係大過你個褲浪😂最有驚喜嘅係芝士魚豆腐，上碟果陣賣相已經令人流哂口水，外皮炸到金黃色！本來仲擔心浸湯會破壞口感，但索左湯汁味道一流，鍾意佢軟滑嘅口感加埋湧出黎既芝士，比起芝士丸更好味😋除左料靚湯底正，值得一提係佢嘅竹庶芽根，係店家每日新鮮煲，足料又健康，岩哂打邊爐解熱氣！下次要試下佢個勁香既惡魔雞煲！

終於去左我期待已久既一餐，去食麻辣雞煲因為女友怕辣所以一直都無黎試，但係今次女友批准當然即去啦雖然中辣之後都好吸引但係為左另一半都食得開心，最後嗌左小辣，齊齊開心雖然只係點左半隻雞，但係仍然份量十足花椒既香麻味直衝腦門當堂為之一震辣味已經滲入雞肉之中，每舊雞件都散發住誘惑簡直又愛又恨將雞件食完之後加入上湯仍然散發著鮮艷既橙紅色又辣又麻既香味，簡直口水直流肥滿肉厚既桶蠔，大隻到手掌咁大隻爽口彈牙既蠔肉，鮮甜既蠔味充滿口腔響鈴即叫即炸，上枱時仍散發出一陣陣熱力鬆脆既響鈴，咔嚓咔嚓咁咬落去，會令人一試上癮亦可以浸落煲中，浸一浸，吸收雞煲入面既辣味，更令人滿足牛頸脊帶有少少嚼勁，亦不失牛肉既嫩滑輕輕一灼，牛肉既肉香，慢慢散發最後埋單時，店員同我地講，fb讚好有自家製辣椒油送，二話不說即刻讚好

送走左台風「山竹」之後, 終於可以出街食飯喇! 今次同朋友去左旺角既「回到味來」, 7 點去到就即刻可以入座喇我地兩個人, 坐既卡位都好闊落, 仲可以睇電視d 架生擺得好企理, 唔會整到周圍都係, 好方便!我地坐低左之後, 侍應就拎左一碗蓮藕莖俾我地開下胃,酸酸地辣辣地, 不過覺得辣左D諗左一陣都未揀到食咩湯底好~呢個時候侍應就推介招牌當歸鴨湯底, 感覺好養生, 又岩哂唔食得太辣既我.一上個湯之後, 就聞到好香既花雕酒味喇, 野食都未黎都忍唔住飲左幾啖.等左一陣, 侍應就幫我地將已切好件既鴨倒入鍋, 侍應同我地講30分鐘之後就係最佳既嘗味時間 因為鴨既精華就會滲透出黎! 果然~我朋友之後仲飲左3碗添侍應會親自拎醬料黎, 又推介我地可以用3分醋、7分豉油去調味.即炸響鈴響鈴真係好好食, 一放落個鍋入面更加會"炸炸聲"! 雪花肥牛牛肉肥瘦分佈平均, 唔算好大塊, 不過都好夠兩個人食魚皮餃味道正正常常丸拼盤(豬肉丸、墨魚丸、蝦丸、牛丸)手打既丸, 味道真係唔同D, 讚!打邊爐點都要食D菜既~韓國辛辣麵個麵再配呢個湯好夾蜆原來9點前入座會送蜆, D 蜆都幾新鮮, 而且冇沙!總結一下, 招牌當歸

朝早久違地走去做完運動，就決定夜晚食餐邪惡嘅雞煲獎勵下自己！(雖然好似一餐雞煲就前功盡廢左...) 同朋友來到呢間旺角嘅樓上鋪，估唔到打邊爐之地竟會有清靜嘅卡位坐，店內抽風又做得好，一點都無油煙味，淨係見到咁企理嘅環境就已經加分。我地叫了個惡魔雞煲(半隻)小辣，店員細心地幫我地計好時同攪拌好啲材料，我地完全唔駛動手就食得。雞煲落了大量辣椒仔、胡椒粒、紫洋葱、薑蒜等嘅香料，辣得來又十分惹味，食到停不了口，而且半隻雞嘅份量已經好多，我地兩個人先勉強食得晒。娃娃菜裝係呢個趣緻嘅鴨仔籃鮮冬菇粒粒都厚身鮮甜響鈴亦都炸得脆口，無油益味食食下餐廳仲每枱送上一碟蜆仔，鮮甜無沙粒

火鍋已經成為朋友相聚的必選之一。今次朋友A選了旺角。位於彌敦道，樓上舖，通過玻璃窗可以一邊吃一邊感受繁華都市夜景。南瓜湯底包括海鮮拼盤一碟，$198。一個價錢兩個享受，其實也挺划算的。餐前小吃，酸酸甜甜，非常開胃。醬料每位$10。有六種選擇，材料新鮮，而且衛生，醬油有鼓油和甜醋，比例七三，混合之後，帶你進入未來。響鈴是我最喜愛的一種，新鮮即炸，非常香脆，在口中碎開發出沙沙的爽脆聲，然後慢慢熔化，非常消魂。火鍋配料的肥牛是常識吧，雪花般的分佈，均勻俱特色，中間卷成一朵花兒，微微浸熟便發現牛肉味十足，滑嫩順口。雙拼魚滑和蝦滑，份量不多，可以按個人口感放入湯中，當浮面後撈起沾點醬油便可。爽滑得很。青菜帶來健康元素，要吃得健康，當然不能少。青菜洗得乾淨，拼列整齊。寬薯粉本身味淡，於是放入熱湯滾得久一點更入味。沾上醬汁就帶來滑溜及更易入口。

今日系元宵佳節，當然要慶祝下系openrice 搵到間回到味來的餐廳好特別，又系旺角真是挺方便。餐廳座位全部都是卡位，座位又舒適。藥膳紅燒牛肉，有紅棗，杞子，大蒜，洋蔥仲有其他藥材等。。。湯底又唔會好重藥材味，湯底有好多塊牛肉又大大塊，牛肉味香濃，牛肉又煮到好淋肉質又不會鞋口，湯底越滾味道越濃味正宗潮汕牛丸（100%純牛肉）牛肉丸爽口彈牙，一口咬落去仲有肉汁，又有濃厚牛味即炸響鈴炸到金黃色，好鬆脆浸一浸湯底更加野味。手工餃拼盤：菜肉餃，韭菜餃，鮮蝦雲吞，全部好新鮮皮又不會太厚，餡料飽滿。滑雞片滾完肉質嫩滑美味可口。甜品：薑茶水中花清淡的薑茶，又不會太甜😋