炑八韓烤 (瓊華中心)

营业中

休息中

已經食過好多次，原因味道真不錯，但今次經OpenRice 訂位，寫住話「全單8折」，但到現場經理話得一個「烤鰻魚套餐」先有，其他都原價，所以大家幫襯就要留意。另外因為同屋企人食生日飯，有攞蛋糕上去，有個阿姨服務員話要$50切餅費，我話cup cake唔洗切喎，佢話公司規矩，我話ok照比，個阿姨就收咗我$50現金就袋落佢自己個袋，之後幫我攞個蛋糕出嚟，連碟仔同叉都無比過我，就咁樣乜都無做過就收咗切餅費

好耐無食過韓燒,另一半就帶我嚟瓊華呢間炑八🔥~以前最怕啲韓燒店勁大油煙味,但呢度幾乾淨,又唔會成場都係煙👍~先嚟叫咗個醬油蝦🦐~啲生蝦用醬油醃咗好鮮甜,配埋紫菜白飯就最啱🍚~嚟燒肉當然唔少得叫返啲肉類,呢個特級牛肋骨勁大份🐮!佢將成大塊肉切薄咗,鋪出嚟長到可以圍爐一圈😍~牛肉味好香,點點醬汁已經好好味~另一樣我鍾意食嘅係厚切五花腩🐷~啲肥肉燒到出晒油,所以食落口就唔會覺得太油膩~我鍾意點少少鹽🧂,再包生菜食🥬~另外仲有個韓式豬皮🐖~又係燒到佢啲油出晒嚟,脆脆地,點埋好香嘅炒芝麻一齊食~佢嘅半隻炸雞真係好夠份量🐔,兩個人食晒真係飽咗7成😂~佢嘅醬汁酸酸地好惹味,而啲炸雞又無俾醬汁整到淋晒~我最期待係呢個夾心棉花糖配朱古力餅🤩!喺個爐上面燒到棉花糖變軟同略帶金黃🍢~然後夾埋朱古力餅一齊食,勁邪惡又好味😋~食韓燒,當然要好似韓劇咁點返個馬格利生米酒🍶~第一次用碗咁樣飲,感覺真係好豪氣😂~除咗點嘅呢啲嘢食,佢仲會送好幾款前菜,例如泡菜,芽菜等等,全部任添🍽~而爐邊有芝士可以點,又有爐邊蛋可以食🍳,全部都可以任食,正👍!

‼️❤️ 記得CLICK我PROFILE關注我呀 ❤️‼️.🔥 N̾o̾m̾ ̾N̾o̾m̾ ̾K̾o̾r̾e̾a̾n̾ ̾B̾B̾Q̾ ̾D̾i̾n̾n̾e̾r̾ @ 🌟 炑八韓烤《👽食神大媽食烤肉》.💁‍♀️ 圖片展示美食為：特級牛肋骨 HKD 288厚切五花腩 HKD 138牛舌 HKD 138韓式紅蝦 HKD 138辣炒芝士年糕拉麵 HKD 118夾心棉花糖配朱店力威化餅 HKD 68馬格利生米酒 HKD 98.👀 最鍾意同朋友仔嚟呢度叫到成台美食超豐富，成個韓燒盛宴咁，淨係睇未食都開心！.😋 前菜款款經典、美味！成圈泡菜蛋同芝士仲可以無限添加，真係惹味非常！不過大媽覺得淨係一份已經好飽，因為份量十足！.🐂 主菜先黎個優質「特級牛肋骨」，油花均勻，無筋嫩滑，大大嚿，絕對滿足想食肉肉嘅慾望！.🐖 再點選「厚切五花腩」，優質豬肉好鮮味，韓式燒腩仔一樣，真係非常滿足呢！.👅 食燒烤就當然一定要點「牛舌」，有咬口，又快捷，大滿足呢！.🦐 肉類以外，就當然唔少得海鮮啦！「韓式紅蝦」好大隻，好彈牙，同肉類穿插咁食特別開胃！.🧀 仲要有韓食必點嘅「辣炒芝士年糕拉麵」，真係非常惹味香口，好邪惡但超滿足，食完呢個大大兜絕對飽飽！.🍡 見到隔籬枱叫咗一款「

收工約人出黎食飯，想食下韓燒，咁喺旺角瓊華睇睇，見到呢間睇餐牌都 幾吸引，又唔洗等位，就入去食超大條既牛肋骨，仲加多隻大蝦，仲有冬菇、南瓜片同生菜。蝦又大又新鮮，牛肋骨醃得幾入味，有肉香。😋😋韓牛前胸肉肉質幾好，煎到半熟剪細塊，再點啲海鹽，口感一流👍👍韓式豬皮配炒芝麻 ，燒一燒就食得，皮本身帶甜味小心好易燒燶，燒完口感彈牙軟綿，好有骨膠原feel🤣🤣，唔似平時食嗰啲燒肉脆皮面。厚切五花腩，大大條超正 😍😍燒到外面金黃色 好似燒肉皮咁卜卜脆，之後店員特登走埋黎幫手剪開一片片，五花腩肉質肉味濃郁，建議可以包生菜加泡菜、加埋粟米芝士一齊食仲正👍👍海鮮煎蔥餅，好x大塊薄身煎到卜卜脆，有好多蔥，紅椒同海鮮粒，點埋秘製醬汁，好惹味👍👍蒜蓉金針菇好大舊牛油，成盤放上爐燒，牛油溶左，啲味真係香噴噴😍😍推薦👍👍又叫左杯藍天使梳打同薄荷梳打，杯野顏色好靚，藍天使甜甜地好開胃。薄荷梳打有浸淡薄荷味，好岩我餵口。仲有，佢地粟米芝士，爐邊蛋，同埋啲前菜，都係無限任食，食得7788，好快就有人埋黎fill返，唔錯👍👍👍

天寒地凍最啱就係食燒烤，見好耐冇黎炑八，又同朋友黎食。旺角分店係第一次黎，座位一貫闊落舒服。落完單，侍應就先上前菜， 沙律、 生菜同爐邊蛋，除左沙律之外，全部都係可以免費追。爐邊蛋雖然加左泡菜，但只係吊下味唔會辣，另一邊係芝士粟米，兩款都好食，我地encore左兩次。前菜方面，我就最鍾意海帶，清清涼涼食得太多肉食啲海帶冇咁滯。荔枝梳打 & 菠蘿梳打($38) – 梳打夠大杯，荔枝同菠蘿味都好出，入面仲有大大粒荔枝同菠蘿。芝士炸雞($158/半份)  - 炸雞有得揀有骨同無骨，我地揀左無骨方便食。芝士炸雞用鐵鑊上，上枱時仲係熱辣辣，芝士有拉絲，炸雞亦唔會太乾，不過就要盡快食，否則凍左芝士會變硬。原味牛舌($138) – 牛舌雖然唔係厚切，不過食落都幾彈口，燒到七成熟仲keep倒嫩口啱啱好。韓式豬皮配炒芝麻($78) – 燒豬皮係全晚其中一樣最愛，佢本身已經醃得入味，燒完嘅豬皮軟腍得黎帶少少咬口，好好食。特級牛肋骨($288) – 牛肋骨好大份，仲長過我隻前臂，肥瘦適中又冇筋，燒到七成熟，口感嫩腍幾好食。牛肋骨下面仲有大蝦、冬菇、南瓜。厚切五花腩($138) – 五花腩脂肪同肉梅花間竹，目

耐唔耐就想食韓燒即使係宜家咁熱既日子都好想擺生菜包肉落口😋😋所以即興去佐炑八❤️午市去得多，晚市今次都係第2次黎平時最中意食佢地既蔥蒜牛五花👍🏻不過覺得價錢，特別係套餐都略貴同份量少😿 韓燒最開心就係一坐低Staff就準備爐邊泡菜蛋同粟米芝士🧀同埋見到一碟碟既伴菜😋佢地既海帶我食佐好幾碟😂食咁多次先知原來炑八既韓牛前胸肉咁好食！勁有牛味~ 原塊燒到半熟就剪黎食🥰蔥蒜牛五花乜都唔洗點，就咁食已經👍🏻唔知點解感覺呢間分店既肉特別好食雞肉都醃得好好味，都係唔洗點醬汁，而且好滑豬五花腩就反而冇乜驚喜，好乾身，油脂唔夠所以好硬同冇乜味！所以下次未必會嗌最後，佢地既爐邊芝士粟米我真係會食到停唔到🤤 明知好肥但太好味👍🏻

心思思好耐冇食韓燒.....每次去炑八...我最愛都係爐邊燒芝士粟米🥰今次叫左「傳說中的燒烤套餐」有牛前胸，梨汁豬梅肉，厚切五花肉，春川雞髀，特大魷魚，大蝦，雞髀菇，秋葵，粟米....隻大魷魚🦑好好味🤤厚切五花腩由店員幫我地燒....燒到每邊都脆卜卜🤤跟餐追加左兩款牛..王者牛肋骨韓牛胸腹呢晚食左好多sweet sweet 草莓🍓 🍹草莓梳打 🥰🍧甜品草莓冰沫.....賣相好靚....將草莓醬淋在雪糕&冰碎....食到中間位置會有d年糕之類的東西....口感好有趣🥰

最近好姊妹失戀，我即刻義不容辭陪佢兼鼓勵佢啟動喪食mode解悶，琴日食完日本野，今日就輪到韓國野，之前佢成日就住唔敢食，怕男朋友話佢肥，而家可以身心大解放啦！前菜d泡菜好正，甜酸鹹辣樣樣齊，開胃爆燈！唔洗講野，之前怕肥而從未點過既厚切五花腩，今日唔食真係對唔住自己，勁有口感，無豬肉既臊味，肉質爽脆，脂肪四溢成日油香，不得了！仲有霜降牛小排，油花好靚呀babe，燒幾燒就食得，肉質鮮嫩多汁，勁想大叫一聲”好好味呀”！見好姊妹拋開一切咁盡情食，應該好快無事！

老死生日，一向都知佢無肉不歡，適逢大家好耐冇食過韓燒，於是就上網搵到呢間炑八。一去到已經好多人喺嗰度等位，好彩一早訂左位，如果唔係真係唔知要等幾多個先有得食。一坐底班友仔已經打開menu點牛，見到佢有幾個都特別推介，就諗都唔洗諗揀左牛肋骨、牛舌同特級牛肉眼。同埋有印象有好多人喺openrice激讚佢個厚切五花腩，梗係要叫埋啦正所謂「酒池肉林」吖嘛，有肉梗係要叫啤酒啦，之後就叫多三枝HITE大啤飲，正！推介嘅牛肋骨同五花腩真係名不虛傳，牛肋骨肉好軟身，「骨肉分離」，又唔怕痴牙。而五花腩肥瘦分明，而且唔會太肥又唔會太瘦，既有咬口之餘又有嗰種入口即溶嘅脂肪香，真係諗返起都流口水。牛舌同牛肉眼都係水準之上，肉嘅質素明顯地比街外燒肉店高，加上冰凍嘅啤酒，簡直係一大享受。店員亦都好細心同我地講，等我地飲完一枝先，其餘幫我地雪住，keep住夠凍。不得不提就係佢個前菜，雖然係簡簡單單兩塊洋蔥，但係佢醃得相當惹味，令人食慾大振

再次同chicken食炑八韓烤~yeah~自從上次食過尖沙咀果間之後，今次一見旺角新開張當然要黎捧場！我地又要變成食肉獸去不停食烤肉～環境唔錯都幾大，但比尖沙咀既細小小，坐位都幾多，因為早左黎所以我地可以坐卡位～同樣嗌左一個烤肉頂級二人套餐，肉既種類同尖沙咀既有啲分別，所以當然要試下睇下有咩唔同喇我地既烤板已經準備好了～等待期間就先食下前菜開開胃，有沙律同埋一啲泡菜小食蔬菜新鮮，配上胡麻醬，酸酸的好開胃，另外既小配菜唔單只就咁食，配合埋烤肉一齊食會更加美味我嗌左杯士多啤梨梳打，感覺有啲伏，好似藥水味唔太建議點既飲品炑八牛肋骨，牛味好重，而且燒得好香，兩人可以食到好多塊，加上其他配菜一齊食更加好食～厚切牛舌，厚得黎有點難咬開，因為CHICKEN中意食，所以好快比佢食晒XD牛小排，非常好食！經過一段時間既腌製，燒起左佢係非常香口～而且醬汁同牛既味道濃郁，配搭得極之好食～讚！大八爪魚，需要剪開腳黎燒，都幾殘忍XD八爪魚好煙韌，而且會食到微微既泡菜辣味厚切五花腩，用白蘿蔔片包住五花腩食會更加香口！依個食法係店員教的，蘿蔔片既爽脆又食到五花腩果種香口感，令原本既油膩感減至最少，味道更加昇華，實在