竹家

营业中

休息中

呢間隱世小舖通常唔book位就好難食到，因為好full而且地方細好少位。好好彩今晚冇book位，6:40pm到攞到最後一張枱，都要八點前交枱。鋪面好細好難發覺，而且仲起巷仔入邊，因為朋友介紹先至認識😆好地道嘅一間日式居酒屋，我見好多客人都係熟客甚至有啲係外國特登嚟食！老闆娘好友善，服務好！餐牌食物款式唔多但足夠，今次主要都係食串燒。因為所有野都係即叫即做，串燒都要等比較耐，所以我哋都一定要起7:25pm 嗌唒野食。1. 牛舌2. 豚肉3. 豚頸肉4. 雞腎5. 雞軟骨所有都係鹽燒除咗豬頸肉係山葵。無論係鹽燒定山葵，都好好食。好香，肉汁keep到，唔會過熟。最推介係雞腎😆芥辣八爪魚八爪魚好鮮。不過唔算話太特別。年糕估唔到燒年糕係咁嘅樣，好特別！外脆裏面好煙”un”。有少少似米嘅味道，配上醬汁，又幾好食喎。厚燒玉子大推！我覺得全店最好食係呢個！呢度用嘅蛋好特別係好香好有蛋味，而且佢裏面仲係好滑身，又唔係完全熟晒咁樣，好好食！

同媽媽去紅館concert前，當然要醫飽個肚啦！近近地就喺黃埔搵食。得兩位女士都唔會食得多；串燒容易控制份量又可以試多幾款！難得6點未夠就到黃埔，可以試試一啲容易full嘅舖仔。竹家係巷仔入面，門口燈又未開，有啲難搵。6點半開門，好彩無訂滿，仲有位！坐定定，周圍望，成間舖得20個位左右，媽媽話肥少少都唔可以係到做侍應！我把握時間，係媽媽到之前叫定野食！佢黎到就食得，時間啱啱好！＊串燒類＊我地全部都係叫鹽燒，佢地有啲有醬汁、麵豉、等等 雞腎－一粒粒，彈牙，好肥美。唔似出面好多都係用腎片。燒得好。牛舌－燒得好香，好味！豚肉－較肥，燒過嘅肥肉特別好食。大蔥－媽媽大愛！雞心－食材唔錯，good!＊其他＊厚燒玉子－全晚最愛！每層都好薄，中間仲係震騰騰，又唔太甜！超好味！蕃茄乳酪燒－芝士好滑，一定要同蕃茄一齊食，唔係就太咸啦。芋頭煮－應該係用日本芋頭，芋頭味唔濃，好黏口。牛舌刺身－唔好諗住係血淋淋嗰啲XD 夾埋啲蔥再加山葵醬油，正！側邊碟秋葵係前菜，都幾好食。＊總結＊好好味，一定會再黎，下次要飲埋酒！

是次聚會因壽星想食日本串燒..但搵左2間都話sunday唔開...終於前一日找到這小店竹家及有位子...一行五人到達, 先點些酒品...食串燒不能沒有酒精唷...點了不少食物, 除相片的, 還有燒豬大腸, 燒雞中翼,油豆腐烏冬食物真的好好...除了食物新鮮...最主要係食師傅的手藝...如何把握火候..將皮燒點脆而不焦..而口感非常實在...小店的感覺很好.....把酒談天, 一句一口, 一串又一串, 大部份是日本人