泰濃麵 (樂道)

营业中

休息中

喺iSquare睇完戲 諗住食過晚飯 咁岩經過泰濃麵 所以入去試試 麵店非常乾淨企理 價錢合理 -🤓海南雞飯 $69海南雞都幾滑身 口感較扎實 最鍾意點佢啲辣椒醬-🍜卜卜蜆 冬陰公湯 薯粉 $89鍾意食麵嘅朋友可以一試 首先揀咗配料同湯底 有船湯/冬陰功湯/清湯 然後再揀麵條 有河粉金邊粉薯粉黃麵湯飯揀 我揀咗冬陰功湯底配薯粉D蜆洗得幾乾淨冇咩沙 冬陰功湯都唔錯唔算太辣 不過薯粉就有啲太琳 下次黎要試吓埋其他麵-🍤泰式小食拼盤 $69泰式小食拼盤有三種小食 有炸蝦球炸雞翼同埋炸腐皮 整體都炸得幾鬆脆 又熱辣辣 幾開胃-🥥原個泰國椰青 $48椰青真係好大個 超多椰子肉 椰汁幾好飲-🍋青檸梳打 $28青檸梳打係分開青檸汁同梳打水上 可以根據自己嘅喜好 慢慢加啲梳打水

係附近按完摩都9點 見到呢間仲開緊就入去試下頂級安格斯牛肉船麵 ($88)叫左黃麵 其實即係油麵 個湯幾香濃 佢d牛肉都正 有口感 黎到係半生熟 俾d熱湯碌一碌就岩岩熟晒 d魚蛋就係偏林個款泰色小食拼盤 ($68)有蝦餅 雞翼 芝士雲吞 3樣都好味 熱辣辣好新鮮 食得出係岩岩炸好 蝦餅彈牙 雞翼炸得好香但入面d肉仲係好滑 芝士雲吞既芝士好香 煙煙韌韌 不過每樣得2舊 略嫌小貴炸蝦片 ($18)都係一樣岩岩炸起 食落辣辣地 應該係d胡椒粉椰青 ($48)食左咁多炸野 飲椰青好似會無咁熱氣 椰青夠凍 透心涼 再食埋入面d椰肉 正

最近愛上食船麵，今日喺尖沙咀行完街之後，上網搵吓附近邊度有船麵食，就search到呢間泰濃麵。先嚟一個泰式小食拼盤，包括有泰式炸蝦餅、炸雞翼、炸芝士雲吞各兩件，呢個份量對於我哋兩個人來講真係啱啱好。炸蝦餅夠彈牙，點埋甜酸醬好好味，而芝士雲吞出面就比較少見，味道亦充滿驚喜。我就揀咗頂級美國肥牛船麵配薯粉，船湯味夠香濃，肥牛呈半熟狀態，所以入口仍然保持鮮嫩。朋友就揀黑豚肉船麵配金邊粉，原來黑豚肉浸過船湯之後味道變得非常豐富，再加埋金邊粉彈牙煙韌嘅感覺，配搭充滿驚喜。飲過濃濃嘅船湯之後，再飲啖椰青，真係以為自己去咗泰國現場咁有風味。

今天去了尖沙咀吃泰國菜，這間餐廳是吃泰國船河，好呀，因為我覺得船河湯底比較濃，好正架!我今次叫了黑豚肉船河配金邊粉，雞脾肉冬蔭功湯薯粉，泰式鳳爪，炸雞翼，一個泰國椰青，一杯班蘭香茅梳打。餐廳主要吃船河粉為主，湯底有3種味道，有船河湯底，冬陰公湯底，還有清湯底。3種湯我都好 like, 但清湯比較淡味，所以決定 order 船河湯同冬陰公湯底啦。炸雞翼有4隻，炸得很金黃色👍🏽，又香口，又夠大隻 size。泰式鳳爪，我就一般，因為是無骨鳳爪😊，而且有酸菜在，但是味道超級好味，可以品嚐的。黑豚肉船河湯配金邊粉，豚肉就一般，湯底超好味，又甜又濃味👍🏽! 又有魚蛋，豬潤，好足料，抵讚👏🏼👏🏼👏🏼👏🏼😝😝。雞腿肉冬蔭功湯配薯粉，雞腿肉很滑👍🏽，冬蔭功湯底又不太辣，很適合香港人口味。😊😊，只是薯粉煮出來時，有點漲了一起，希望可以改善啦！梳打水的是泰國入貨，但我要班蘭香茅味，職員很好笑的，拿了梳打水來，班蘭香茅味要等。。。。。我又口喝，便拿了梳打水飲，嘩。。。味道很淡😔，好彩班蘭香茅味到了，加入梳打水，令到飲品好味很多，我也放心😊。又到評分時間💯💯💯💯💯:味道💯: 8/10價錢💯: 8.5/10環境💯

泰國人親自主理的船湯, 夠曬地道, 我特登去試下, 真係好正!頂級安格斯牛肉船湯(金邊粉) - 湯底十分濃郁, 仲有炸豬皮, 厚切豬潤, 魚丸, 通菜, 秋葵, 蘿蔔, 仲有主角安格斯牛肉片!安格斯牛肉好香, 重牛味, 魚丸好彈牙, 金邊粉好滑身!連埋湯一齊飲埋好PREFECT, 十分好味!黑豚肉清湯 (飯) - 湯底好清, 帶甜味, 有黑豚肉, 魚丸, 通菜, 秋葵, 蘿蔔. 黑豚肉較為薄片的.湯底好甜, 配飯好好味!炸芝士雲吞 - 雲吞皮包住一舊芝士去炸, 好香脆, 幾惹味!生菜配秘製腐乳醬 - 腐乳醬真係超正, 好好味, 我食唔停!原個泰國椰青 - 好水, 肉清甜, 慢慢可以食曬所有椰肉!泰國香茅梳打特飲 - 好香香茅味, 飲完可以清清口腔濃郁的味道!店內有卡位, 仲有圓檯, 都幾闊落, 樓面好好禮貌, 唔錯唔錯!