Orange Elephant Thai Restaurant (啟德道)

营业中

休息中

糧尾外出食飯, 總要四出搵平野食, 今晚幸運地行經Orange Elephant, 無意中見到門外MENU指定菜式仲做緊一蚊優惠!! 咁岩今日$1菜式係我至愛嘅蝦餅, 即時入去食個dinner~餐廳內環境整潔, 一般泰菜餐廳有既款式呢度都有, 揀左幾款share食。【芒果冰特飲】HK$36沙冰打得綿密幼細, 有淡淡芒果味, 甜度低, 整體味道偏淡椰香味濃郁嘅【椰汁冰】HK$28【蝦餅】HK$1蝦餅表面香脆不油膩, 質地彈牙, 味道鮮甜【泰皇咖喱炒大蝦】HK$182大量咖喱汁奄沒了兩隻開邊大蝦, 蝦肉偏林身, 食到蝦嘅原味, 沾上了甜甜咖喱汁, 如果加碗白飯撈汁就正! 【原個菠蘿海鮮焗飯】HK$104炒飯做底, 炒飯粒粒分明, 食材豐富, 包括有青口、蝦球、炸魚柳、魷魚、清甜多汁菠蘿肉, 配上腰果、肉鬆食, 食落更有層次。

呢間由泰國廚師主理嘅泰國菜館，味道非常正宗。🇹🇭 而且每日都有一款一蚊菜色優惠，按星期日數唔同，真係好抵食。⁣👆🏻⁣黃咖哩雞（$1）［好味度：7.5/10］⁣⁣⁣因為我哋去嗰日就係星期日。⛱️ 而星期日喺嗰間分店嘅一蚊菜式就係黃咖哩嘞。💛 雖然只係一蚊，但係都一啲都唔求其㗎喎。🤫 黃咖哩嘅味道正宗，同其他泰菜館嘅比較，更加地道。😆 味道偏甜，而且咖喱香料更有層次。🤏🏻 而且入面亦有好多好嫩滑雞肉，配上黃咖哩，真係好正。🐔 ⁣⁣原個菠蘿海鮮焗飯（$104）［好味度：7.5/10］⁣⁣⁣去食泰國菜嚟講，又點少得菠蘿焗飯呢。🍍 呢個菠蘿焗飯一樣夠曬足料，夠曬正宗。😋 有齊唔同嘅海鮮之外，亦都落咗肉鬆，腰果，提子乾等等，口感更加豐富。😉 而且炒得非常之香，粒粒分明，充滿菠蘿同埋海鮮嘅味道。🌊 再配上鮮甜多汁嘅菠蘿粒，食飯嘅時候就唔會咁乾，亦都係好match。⁣😆⁣炭燒牛肋骨（$96）［好味度：7.5/10］⁣⁣⁣牛肋骨係碳燒嘅，所以都幾有炭燒嘅香味。🔥 而且牛肋骨有豐富嘅肉味。🐮 再點上佢嘅泰式醬汁，酸酸辣辣咁，都好特別。⁣😚

今個紀念日同老公想食泰國菜，於是佢就帶咗我去九龍城食一間之前同朋友食過幾好食嘅泰國菜橙象。未去到之前，佢已經話一定要叫飛天通菜，因為佢上次食過之後覺得好好食。餐牌都幾多野食選擇，於是我地就點左三個菜式餐廳係每日都有一款一蚊嘅嘢食，今日就係咁啱係飛天通菜，真係好好彩！用一蚊就可以食到咁大碟飛天通菜，差唔多每一枱都有叫，好抵！另外就叫咗個小食拼盤，一次過可以食晒好多唔同款嘅小食，而我最鍾意食就係當中嘅魚餅之後想飽肚啲叫咗個原個菠蘿焗海鮮飯，海鮮焗飯配上成個菠蘿，每一粒飯粒都真係充滿菠蘿汁，食落好jucy好好味！兩個人叫咗三個餸，份量剛剛好，再飲埋一杯龍眼茶，甜甜地，一個完美的晚餐依間餐廳喺九龍城來講，算係一間裝修唔錯，地方舒適，嘢又好食，而且價錢都好抵既泰國菜，值得來一試

九龍城多野食就係人都知，不過對有選擇困難既人黎講太多選擇都未必係件好事。今日同朋友想食下泰國菜，行過呢間orange elephant 就比佢個$1明爐烏頭吸引左。呢間餐廳每一日都有唔同既$1優惠，可以話係日日精彩，詳情如下;星期一 $1明爐烏頭星期二 $1香茅豬扒星期三 $1鳳爪沙律星期四 $1飛天通菜星期五 $1炸蝦餅星期六 $1啤酒星期日 $1黃咖喱雞同朋友二個人食，叫咗兩個餸一個飯，分別係一蚊明爐烏頭，炭燒牛肋骨同埋原個菠蘿海鮮焗飯。先上炭燒牛肋骨，呢間餐廳燒個時間岩岩好，既能鎖住肉汁，又唔會話煮到過熟，再點埋個泰式辣醬，唔會食到好滯。之後上既原個菠蘿海鮮焗飯，賣相好靚令人食慾大增，食材都好豐富，海鮮配料有蝦有魷魚仲有青口添，仲有粒粒菠蘿都好鮮甜。佢腰果同肉鬆會分開上，岩晒我呢啲揀飲擇食既人。最後講下條烏頭，本身以為賣$1咁平會偷工減料，點知原來都用料充足。有好多配料，味道酸酸地咁令人愈食愈想食，再附上一碗湯，根據個人口味可以自行加湯，非常細心。條魚份量都唔小，無腥味之餘仲幾有魚甘香。我覺得食得泰國野，椰汁冰係必點之選，呢度既椰汁冰夠晒椰香，無加好多水溝淡晒。朋友叫左芒果冰特飲

九龍城有小泰國之稱，最多泰國餐廳集中想揀一間食唔容易，於是周圍望望先行到有一間幾光鮮乾淨既餐廳，所以決定食呢間✳️原個菠蘿海鮮焗飯 $99好足料，甜甜酸酸好好味✳️泰皇咖喱炒大蝦 $178個咖喱炒得好好味，甜甜唔辣，撈飯一流佢將隻大蝦切一半，都幾大隻✳️泰式明爐烏頭魚 $162呢個超抵食，因為我星期一去食，可以享有$1優惠個魚都幾大隻，配合酸酸甜甜湯底，好惹味✳️特級椰青 $38 清甜，大粒，出現好難飲到原粒椰青✳️芒果冰特飲 $34 環境好舒服幾大，而且裝修新式，感覺很清潔！適合情侶、家人、一大班人食，因為佢有不同的小枱大枱星期一$1明爐烏頭星期二$1黃香茅炸豬扒星期三$1鳳爪沙律星期四$1飛天通菜星期五$1炸蝦餅星期六$1細支裝啤酒星期日$1黃咖喱雞

傳統泰式餐廳，泰式美食非常美味，今日就等我帶大家去食傳統又美味嘅泰菜啦。餐廳外觀非常乾淨，用白色為底色仲有非常之有泰國特色嘅公仔-大笨象，超級有霸氣。餐廳燈光調校得剛剛好，雖然以白燈為主，但係非常舒適，而我今日都叫咗非常多美食，就等我黎同大家一一介紹：雜錦串燒：豬、牛、雞作為配搭，製作非常美味嘅半打串燒。食落口炭香味十足，非常脆口同樣帶有肉嘅鮮味。肉質唔會過韌，反映餐廳所選擇嘅肉類都係比較新鮮，餐廳亦都會附上沙嗲醬俾我哋配點，沙嗲醬有椰汁香味，食落口淡淡甜美，但有少少香辣，好精彩！原個菠蘿海鮮焗飯：成個菠蘿上枱超級難以置信，食落去有淡淡的菠蘿絲，炒飯調味剛剛好，配上不同海鮮，例如：青口、魷魚等等，多種唔同嘅配料喺口中嘅化學作用出色得很，海鮮嘅鮮味、菠蘿嘅熱帶風味每樣都恰如其分，非常出色。餐廳每逢一至日都會有超級特別嘅一蚊優惠，因為我係星期一去食，所以我就採用一蚊嘅超低價食到泰式明爐烏頭魚。呢個就梗係震撼啦一條大嘅烏頭再加一個火爐，乳汁洗完先話唔會有過老嘅情況出現，內裏配置嘅湯汁增強左酸甜嘅味道，十分開胃，你其他配料芽菜酸菜等等正正增加左不少口感，一同食落去之後真係好有酸菜魚嘅風味。飲品