泰 (瓊華中心)

营业中

休息中

▫️脆炸芝心蝦丸 ($98)好大粒炸到金黃色，切落勁脆嚓嚓聲。入面厚厚既蝦肉包住半流心芝士，食落彈牙有點點嚼勁，點埋甜酸醬更好食。▫️蒜香牛油雞翼（6隻）($98)好香蒜蓉牛油味，雞翼亦煎得脆香，大大隻，雞肉亦幾嫩滑。▫️炭燒豬頸肉 ($108)豬頸肉燒得幾香，厚薄切得剛好，食落煙煙韌韌，配有泰式酸汁。▫️原個菠蘿炒飯 ($138)半個菠蘿盛載炒飯，飯炒得每粒金黃色，夠乾身，都幾香，面頭有啲肉鬆，入面有啲提子乾、雞肉粒、葱粒、車厘茄，切粒菠蘿粒好甜，份量又大份，味道正常發揮。餐廳地方都大，座位都多，平日都幾多人，建議訂定位。店員都好有禮貌，我地走個陣等𨋢，話說瓊華幾部𨋢，有時未必睇到邊部到，餐廳出面既店員好好幫我地睇到，叫我地等中間個架，咁岩上緊黎最快👍🏼

約咗朋友去旺角食飯，大家都想食泰菜所以揀咗位置好方便瓊華中心嘅🌟泰 Thaiology 🌟💚青芒果沙律💚個沙律一嚟到我哋兩個都「嘩」一聲咁大碟有好多泰國青芒果絲、青瓜絲，食落好Fresh。💚泰式小食拼盤💚呢個拼盤啱曬有選擇困難症嘅人，多款泰式小食連串燒様様有，全部都唔錯，個串燒汁仲好香濃。💚原個菠蘿炒飯💚原個菠蘿上，賣相唔錯，菠蘿肉都算幾多，個炒飯比較重黃薑味。💚飲品：💚- 菠蘿梳打- 椰汁珍多冰呢度啲食物份量好大份，我哋2 個女仔食到好飽好滿足😁 店員安排左卡位坐位比我地坐得舒服。

Thaiology位於瓊華中心16樓，－出地鐵就到，非常方便。一早已在Openrice訂左位，去到即入唔駛等。因為樓上餐廳關係，空間感十足，坐位與坐位間保持距離，坐椅用左皮cushion，坐得都幾舒服。我哋今日食左：🍢泰式沙嗲串燒（豬/牛/雞）串燒燒得表面香脆，但內裡包留肉汁。食落甜甜地，加埋有粒粒花生🥜的沙嗲醬，都幾滋味。🦐脆炸蝦餅蝦餅煮得很出色。裡面有粒粒彈牙蝦肉。炸粉不會太厚也不油膩。蝦味濃郁。我覺得都算有驚喜。🥬生菜包（豬肉）豬肉份量好多，肥瘦適中，味道不會太辣。配上新鮮脆口的生菜食，味道剛剛好。🍍原個菠蘿炒飯原隻上的金黃色菠蘿炒飯，非常吸睛。份量十足。炒飯粒粒分明。菠蘿好加分，新鮮大大粒，夠甜夠多汁。成個飯食唒都不會膩，好fresh。🍯熱蜂蜜香茅茶泰國菜始終有少少熱氣，呢個時候飲杯暖暖的蜜糖茶就最適合，滋潤下。香茅都好出。🥭芒果糯米飯食泰菜怎能沒有芒果糯米飯？糯米飯熱辣辣，芒果味突出，椰汁🥥不會太甜。食完只覺滿足，不會有罪惡感。整體感覺唔錯，D野幾好食又坐得舒服。

建議提前book位，即使working day 亦好多人食。🦐泰式生蝦刺身 💰128一盆大概共10隻，食法較外面嘅生蝦刺青更為特別。生蝦上面怖有一粒嘅細蒜蓉與小米椒，淋哋青檸汁令生蝦嘅鮮味更為突出，配搭醬汁，生蝦清甜至於亦帶有酸辣，推薦👍🍡泰式小食拼盤（魚餅、蝦餅、雞翼、春卷各2件、沙嗲串燒4串豬x2，雞x2 ）💰168一個拼盤，令點小食嘅時候唔會出現選擇困難，而且每款小食都做得幾出色。特色係沙爹串燒，肉質不會乾身，雞肉仲可以保持肉質好嫩，燒汁甜度適中。雞翼炸得好香脆夠入味。蝦餅真材實料含有粒粒鮮蝦。整體嚟講，全部小食都值得嘗試😋🍍原個菠蘿炒飯💰138材料豐富有肉鬆、提子乾、鮮菠蘿粒、果仁、蔥花等。炒飯係用印度咖喱嚟炒，帶啲啲香料嘅味道，份量完全足夠兩個人食用。🥭芒果糯米飯💰98口感十分軟糯有啲暖暖嘅溫度。芒果鮮甜原個鮮椰青💰128

呢間餐廳由資深泰廚主理，嚴選食材，以正宗泰式烹調技巧製作各樣經典菜式🇹🇭💗炭燒豬頸肉 ($108)豬頸肉爽脆嫩滑，肉汁豐富，油脂豐腴，帶陣陣炭燒香。蘸上特製檸檬葉醬汁中和油膩感🐷💗泰式小食拼盤($168)🐟泰式炸魚餅 (2件)：炸魚餅結實爽彈，充滿九層塔同檸檬葉香氣，味道香辣惹味🦐脆炸蝦餅 (2件)：蝦餅炸至金黃香脆，蝦膠每日新鮮製造，而且仲有粒粒蝦肉，所以口感特別爽口彈牙🐥香茅雞翼 (2件)：雞翼大隻厚肉，炸得皮脆肉嫩，充滿肉汁，香茅醃料香惹入味🫔素菜春卷 (2件)：春卷炸得鬆脆香口，內𥚃包住椰菜絲、紅蘿蔔絲等，味道較清爽🍢沙嗲串燒 (4串)：串燒以人手自家醃製，外層塗上甜絲絲蜜糖香烤。雞肉串選用美國無骨雞髀扒，完美保留嫩滑肉汁；牛肉串則選用紐西蘭草飼牛柳，肉質細緻鮮美。蘸上特製濃郁沙嗲汁， 花生香非常突出💗原個菠蘿炒飯 ($138)廚師將炒飯炒得粒粒分明，然後將原個菠蘿起肉，係炒飯加入菠蘿、蕃茄、提子乾、豆角粒、蛋花、肉鬆等，口感非常豐富，特別酸甜開胃🍍💗馬拉盞炒通菜 ($88)通菜脆嫩無渣，馬拉盞微辣鹹香，仲有粒粒蝦米，炒得夠鑊氣又惹味🥬💗芒果糯米飯 ($98)糯米飯暖笠笠，口感