Andy's 烘焙坊

营业中

休息中

要親身排隊去買，隊龍都幾長，排咗半粒鐘左右，如果想要特定嘅味道嘅話就要再早啲排本著人排我又排嘅心態去排隊買咗原味嘅古早味蛋糕($50)，ps一人只限買一個，只限外賣熱辣辣出爐嗰皮都幾脆，食落去都okay唔會太熱啱啱好，蛋味好濃，質地都綿密，開盒嘅時候會有好大陣蛋香味，一人一塊都夠5-6個人食員工都好好，向員工要求咗角位嗰塊，員工都肯俾，走嗰陣時都會同你講返byebye都多謝惠顧。另外，亦都有派員工係出面安撫同解答出面客人嘅問題

尋晚去筲箕灣東大街食晚飯，見到咁多人喺呢間餅鋪出面排隊，話有新鮮蛋糕出爐，之後就排下啦～店面環境俾人好清新嘅感覺～第一底蛋糕未有我份，排到第二底蛋糕先買到，不過都係排左十分鐘姐，唔算排得耐～佢係整好一大塊蛋糕再分成一小塊咁賣，應該係古早味風格嘅蛋糕😂我買嘅時候，流心芝士同抹茶口味已經賣晒，咁就唯有是原味啦。我係買咗拎返屋企食，十零分鐘舊蛋糕一咬蛋味勁香濃、又軟熟，真係好好食！口感同香味一流👍🏻👍🏻十分值得推介！下次會想試埋另外其他口味

住港島區但未黎過呢頭甘岩今晚係東大街搵到間餐廳食飯食完之後目標明確黎呢度🙂9點前黎到 唔洗排隊 蛋糕緊係新鮮熱辣好味啦所以即刻打開撕左一舊黎食口感非常綿綿 什至有d濕軟加上蛋味非常之濃郁 我覺得有dd似食緊雞蛋布甸呢個口感同味道我個人就好鐘意雖然$50一個價格有d高間中食下絕對可以 會返兜下次黎會想試芝士味 但就要留意返出爐時間啦之前睇到食評講到服務問題幸運地由於我唔洗排隊 唔洗等所以店員都好爽手 服務算係正常啦

今日同班姊妹去上堂，於是放工後黎哩間開張不久就人流不絕的蛋糕店購買鮮製蛋糕，店內店員唔多，驟下只見一個年紀較大的女人負責做收銀和一個男人負責搬運、切蛋糕和包裝。我去到店內時只有原味和抹茶兩款口味以供即時售賣，收銀機旁還有大大粒的原味蛋糕比人客任試，我一口放了整粒入口，嘩，不得了，原來望落似海棉蛋糕，食落厚實的質感，好幼滑，好有鮮蛋味，正，忍唔住食完又想食。係等待購買期間，見到男負責人間中會行進裡面似廚房的地方搬運另一底蛋糕出來，見到還有點蒸氣散發在空氣中，知道一定是剛焗起，蛋糕有一個$50或半個$30購買，我只買了半份，叫男負責人將它切成三份，我由排隊及等候大概約十分鐘時間，坐左個幾鐘頭車拎到返上課地點，姊妹食完個個都贊口不絕，有姊妹仲話好似台灣的古早味蛋糕。

去東大街發現開左間新野，好多人排隊，主打一底底既蛋糕，有d 似台灣既枕頭蛋糕。不過見佢無特別既名，只係盒上寫住現焗蛋糕。✨蛋糕有原味，抹茶，芝士同流心芝士，可惜芝士味無晒，所以就買左原味。排到隊剛好沽清，好彩等5~10 分鐘就有喇。食客不乏老人家，睇黎應該都有番咁上下水準😙，蛋糕仲可以買半個半個拼埋一盒。✨原味蛋糕（$50): 勁大個勁厚身，切開有12件。蛋糕好香蛋味好有彈性，唔會太甜。質地好綿密，食完係勁飽肚果種唔會輕飄飄 👍🏻媽子都大讚。係個面皮乾左dd~~但值得再encore~雖然味道簡單，但就真係鍾意佢夠簡單🤣。隔左日食，質地依然keep 得到。✨不過包裝盒比較差，紙質太薄承受唔住蛋糕重量，行左一粒鐘番屋企，已經開始唔掂，要托住個底行，怕成個蛋糕飛落地。✨下次要買到流心芝士味🙋‍♀️🙋‍♀️🙋‍♀️東大街d 食店實在轉得太快，只賣一樣既唔容易生存，希望你地繼續keep 到水準我可以繼續幫襯👍🏻