豚道樂 (大河道) (已結業)

今次係第三次來幫襯豚道樂！我和家人都好欣賞這裡的曲麵，好有咬口（個人喜好麵質較硬嘅麵😘）；豬腩肉肥廋適中，拉麵最基本嘅質素都有齊👏🏻讚❣️特上海老湯拉麵更係最值得推介👍🏻除了基本材料做得好，湯底亦很重要。Topping 有櫻花蝦乾，少許紅椒幼絲和䓤花，海老拉麵嘅湯底，非常濃郁，湯味誘人。今人食得非常滿足😊麵食完后連湯都想飲清光😋昅下隔離枱嘅食客，跟我一樣把湯飲清光😅不是我一個甘離譜吧😂不過提提大家，之前試過這𥚃嘅豬肩肉就覺得肉質太乾😑所以記得叫推介嘅豬腩肉👆🏻大家亦可追加各樣配料，以下分享下餐廳嘅餐牌⋯

要知一間拉麵既虛實，Cress認為試最基本、最原始個款，就已經可以見真章。而呢度既「基本」，就係原味豬骨拉麵。先講講裝潢丫，係幾有風味既，尤其係坐呢啲窗邊位。不過店面真係細左啲，人多擠逼。呢度既拉麵分有「特上」或普通。所謂特上就係多左塊紫菜同半熟蛋，貴＄13 。Cress就叫左個普通既 《原味豬骨拉麵》。最尾食完諗番，點解我冇叫特上都有蛋同紫菜既？（因為男友叫左特上，但我個碗同佢個碗又冇咩分別，最後一致裁定係落錯左～～～或者見我靚送俾我呢？哈哈，講笑）認真，幼麵有雲吞麵感覺，有少少梘水味咁，無論口感定味道都有幾分似。所以算係⋯有啲失敗？個人係偏好幼麵架，但呢個真係麻麻喎 ;(湯係濃，但少左份香，而且有要辣都唔太覺有辣... 所以有種平淡。如果湯底可以多番啲層次，會好好多！至於男友既 《特上黑蒜油拉麵》黑蒜油香就係人都知，所以都幾正架～ 但係我又覺得，呢碗唔太夠香，係第二度食過係香到反白眼～～反而啲紫菜索左湯同啲油就真係香口好多，人間極品啊！男友要既係曲麵，唔係幼麵，結果出黎既感覺十足味千拉麵個種....|||＊＊＊如果一蘭(日本)有8分, 咁呢個應該得6分，算係不過不失系列。唔好同我講