Fill In (已結業)

趁農曆新年長假期前最後一日一於食餐好😋Fill in環境感覺偌大 整排落地玻璃可以飽覽維港景色 非常舒服👍 最近佢哋加咗一個新年套餐 供應至年初十 有興趣者不妨一試 但今次慕名而來 當然要試咗佢哋嘅a la carte先啦主菜係好多人推介嘅原隻波士頓龍蝦意大利飯 蝦肉鮮甜但偏老 可能overcook導致肉質唔夠鮮嫩 但個意大利飯實在出色 佢哋嘅醬汁非常入味 而且加咗洋蔥粒同蘑菇 可以增加口感另外叫咗一個牛油果沙律 佢哋加咗香橙油醋汁令到蔬菜同牛油果更清新易入口👍甜品方面我哋試咗烤香蕉配咖啡奶凍🍮同埋柚子蒟蒻配青檬🍨 烤香蕉嘅甜加上咖啡嘅香一軟一硬 一凍一熱 配合得好好 至於柚子蒟蒻就非常清甜 可以平衡返主菜嘅重量其實除咗食物質素之外 佢哋嘅服務更加係值得一讚 店員有禮亦非常配合 主動比道具我哋去影食物照 而且仲係免收加一服務費 絕對值得encore!🎉

❀ Fill In #紅磡 ❀❗️最具規模私人廚師實體店 一萬多呎飽覽維港景色❗️——————————————————紅磡最近開咗間超寬敞嘅西餐廳，佔地成一萬多呎，飽覽成個維港景色，環境一流😍原來佢哋係由香港最具規模嘅私人廚師平台 MobiChef開設，供客人預約廚師到家中烹調佳餚，依家終於有實體店💫以西餐為主，有各式各樣嘅扒類、意粉、燴飯，質素都唔錯，而且服務態度好好，仲不設加一服務費，係個同朋友嘆個casual lunch/平價慶祝之選🔥！.星期日去到就只有a la carte，但平日會有午市套餐，大約$100至$200左右。餐廳剛剛喺上年10月尾開張，聽講日後仲會引入 MobiChef 「流動廚師」嘅概念，定期邀請唔同嘅客席廚師駐場😲。.✷𝑀𝑒𝓃𝓊✷☞ 香煎海鱸魚配香檳忌廉汁$168 (3.9/5)皮煎得幾香脆，即使咁薄肉質都無過鞋✨。本身都加咗鹽、黑椒調味，就咁食都夠味，不過再配埋忌廉汁就當然更加惹味。係一條合格嘅煎鱸魚，以呢個價錢來講都算抵，不過就未算好有驚喜。.☞ 原隻波士頓龍蝦意大利飯 $268 (4.1/5)都係一款常見嘅菜式，不過做得出色🥰！原隻波士頓，雖然唔算好大隻，但

Fill in原身係一間親子餐廳，最近轉左以咖啡室既形式去經營。地方闊落，而且食物質素亦唔錯✨.先係原隻波士頓龍蝦意大利飯呢個飯要讚！佢原隻龍蝦之餘仲幫蟹鉗拆埋殼😍食落好方便又彈牙～而個飯嘅醬汁龍蝦味都幾重，香濃又唔會膩。.然後帶鮮蜆香辣蒜蓉意粉 蒜蓉味都夠重，而且意粉煮得乾身，其餘唔算好特別。不過佢嘅蜆肉都唔少～分量幾足下！.最後order左杯Christmas Edition 既焦糖朱古力☕️甜甜地，上面仲有棉花糖～都幾滿意🤍