J.S. FOODIES (又一城)

营业中

休息中

人氣梳乎厘「Flipper’s」既姊妹店，一間店內又食到「J.S. Foodies」既招牌Pancakes，又食到「Flipper’s」招牌梳乎厘，如果未食過「Flipper’s」既你黎呢到一定冇蝕底。環境店舖位置有少少特別，佢係位於「i.t.」入面。門口有line-up位置比人排隊，已經係閒日比較早既時間18:30到達，估唔到人龍已經不少。內裡既裝修同「Flipper’s」相若，以簡約為主，上次到訪「Flipper’s」時係坐對住牆既類似bar高枱既位置，估唔到今次到佢既姊妹店「J.S. Foodies」都係坐呢類型既座位。坐低會見到枱面有啲牌比你影相打於用。餐牌「J.S. Foodies」所供應既Pancakes亦唔會只有甜食，有多款鹹食供應，例如香港店限定款式「印度咖哩烤雞班戟」。另外，唔止係Pancakes出名，漢堡包亦係佢既招牌之一，仲有香港限定既意粉，好似「明太子醬海膽意粉」等等。原隻龍蝦班戟 $298暫時香港限定！用上美國直送緬因州龍蝦，龍蝦份量不少且彈牙，底部有大量龍蝦汁，再額外配有龍蝦汁。Pancakes有三塊，口感鬆軟，估唔到同龍蝦夾得黎，又索到龍蝦汁，不錯既配搭！

J S FOODIE 由上年12月進駐又一城，人氣指數一直高企。主打美國burger 和日本pancakes，岩晒後生仔女口味啊。九龍塘站又一城出口出，上一層電梯至LG 層，直行到尾，遠眺有一群人(長期打蛇餅)的那邊便是JS FOODIE了。大約八時，兩位入得。內裡空間寬敞，高枱、長枱、sofa位都有。餐牌上的季節限定，原隻龍蝦班戟，非常觸目。鹹食班戟還真第一次，點了一個衝擊下味蕾。另外，日本人氣熱賣的法式焦糖班戟，當然也點了一個啊～flipper's 嘅frappe 系列，是我至愛，尤其cafe caramel 同埋green tea，推薦了家姐一同飲飲看。坐上高椅，面向鋪外。枱下有充電插頭，長期需要為手機充電的朋友們，相信也覺得十分體貼。過了十多分鐘，兩杯frappe 終於黎啦。Green Tea 和cafe caramel 香甜味十足。抺茶kitkat 添了立體感，抺茶清甜，沒有茶澀味； 甜度也是岩岩好，配合港人少糖的健康飲食風。而cafe caramel，cream 綿滑柔軟，焦糖味十足。之後法式焦糖班戟都到啦～三層高的班戟，精緻十分。鬆軟的班戟面，配上一層閃閃的焦糖。夾有香蕉

知道又一城開了新的斑戟店, 早前與愛食斑戟的好友去了J. S. Foodies食嘢. 這裡除了甜品外, 也有咸點和小食選擇. 友人點了原味班戟. 而我就見到有限定的原隻龍蝦班戟, 我第一時間就點了這個. 飲品點了Frappe. 味道有幾款選擇, 我選了Cookie. 入口有淡淡的Cookie味道, 最重要質感夠幼滑. 唔會感覺好多碎冰係口中, 加上忌廉, 兩重口感, 非常好飲. 原隻龍蝦班戟上枱. 賣相相當吸引和精緻. 龍蝦的份量真係幾多. 龍蝦肉質夠爽口和彈牙. 另外, 多附上一杯龍蝦汁, 可以混入班戟中. 班戟尚算鬆軟. 平日多食甜班戟, 今次初試咸的食法, 估唔到也好好食. 友人的原味班戟也好吸引. 兩款食法, 各有好食. 下次有機會要一試佢地的漢堡包和意粉.