諸勝堂

营业中

休息中

🦐 叉燒蝦仁雙併日本滑蛋飯 $60💯 評分：🌕🌕🌕🌕🌑 (4/5)💬 叉燒唔嚡口又夠入味，蝦仁都算爽脆彈牙，炒蛋亦超級嫩滑水分十足，白飯粒粒分明幾有層次感。🤩🐷 諸勝堂招牌印尼雙撈麵 $58💯 評分：🌕🌕🌕🌕🌗 (4.5/5)💬 炒滑蛋既鮮嫩又多汁，豬肉眼扒都夠入味唔算嚡口，撈麵微辣超開胃，加上蔥令到佢更加香口惹味！😋🐣 椒香瑞士汁芫茜拌麵加自家鹵水雞翼 $46💯 評分：🌕🌕🌕🌕🌕 (5/5)💬 瑞士汁散發住香濃嘅椒香味，配上芫茜可謂畫龍點晴。拌麵條條爽滑彈牙好掛汁，鹵水雞翼鮮嫩多汁又夠入味，即使係下午茶都非常飽肚。🤤

星期一年廿九唔駛返工，唔想自己煮出前一丁食甘頹，於是行去西灣河睇下有咩岩食。經過呢間餐廳既野食幾岩我胃口，於是入去解決我既午餐醫肚。我叫左叉燒蝦仁雙併日本滑蛋飯+奶油脆豬+熱檸絲襪奶茶，食到好飽。所有食物都係即叫即製，侍應服務態度亦都好好。叉燒蝦仁雙併日本滑蛋飯我叫左走蔥，白飯底，加左啲粟米粒，我幾欣賞，無炒飯甘肥之外，又食到粟米粒既清甜。滑蛋好嫩滑，鋪滿晒飯上面，叉燒唔會鞋口，蝦仁爽口，自家製甜豉油都唔錯，好味道。奶油大脆豬仔包散叫$18，真係好大個，而且煉奶俾得好多，豬仔包脆身得黎又唔𠝹口，好正。熱絲襪奶茶枱上有糖俾你自己拎黎落，飲落都幾香滑。