嘉麟樓

营业中

休息中

4個朋友聚餐，由於限聚令嘅關係，我哋要分2張枱同d餸都係位上或者每枱半份～
叉燒好好味，好淋，有燶邊，燒焦味好好
咕嚕肉個汁做得好，西班牙黑豚豬又係好淋好好食
脆鱔，呢個menu係冇嘅，舊餸嚟，要識食同預先訂定先有得食～勁正！個脆鱔俾蜜糖封住，好脆，個鱔又冇骨，啖啖肉！佢上面果d一條條嘢應該係薑嚟，因為成個餸我食到一個好balance嘅薑味～
龍蝦湯泡飯，呢個不得了！個龍蝦湯你會feel到係用咗好多龍蝦熬，好濃味！當中仲有一股蕃茄味，唔會大家互搶，好味！
紅蝦小籠包，估你唔到平時西餐先會食嘅紅蝦，做成小籠包係咁香，佢好似龍蝦味但更香！
個金魚餃呢。。係唔係好靚呢！
甜品涼粉，估唔到椰皇加菠蘿個味係咁清，仲有上枱果嘢騰雲駕霧真係俾佢嚇親～
其實仲有叫咗幾個點心嘅，都正常質素就冇post上嚟啦～
食完之後原本諗住轉場，但真係冇地方轉，所以就再叫咗杯冬日暖飲陳皮檸檬茶，佢陳皮味好香好甘又冇苦澀味，個紅茶底又ok，成個嘢飲好好飲！
最最後就係個餐前小食琥珀合桃，更好味！我好唔知醜咁不斷refill，仲要外賣2盒返屋企！
成個lunch由1pm玩到5:30pm，非常之盡興！

其實已經黎過無數次, 只係冇寫食評今日櫬冇約親戚就一於寫一寫喇每枱都有一盤honey roasted 合桃, 味道不過不失, 作餐前小食止口痕都唔錯隨意點咗五個點心同一個豉油皇炒闊麵叉燒酥:個皮唔係脆嘅, 係偏粉狀, 味道不過不失南瓜素餃: 南瓜茸只有少量, 味道唔出蝦嘅味道鮮甜爽口, 粉皮厚薄相宜, 無"粉感"清清淡淡蒸粉菓: 賣相唔太吸引, 但味道可是不錯的外面嘅"皮"似腸粉, 好滑, 同豉油食簡單有好味內裡嘅係豬肉, 豬肉裡面有紅蘿蔔絲,同...唔記得咗好味叉燒: 我好鍾意食叉燒㗎, 呢到嘅叉燒ok的, 唔係話好好味 唔韌, 肥瘦適中, 有花生係底素菜餃: 無特別, 同之前食嘅差不多煎腸粉: 煎到外面微脆, 好似日式年糕咁 我唔鍾意食年糕所以...我覺得唔好食豉油皇炒闊麵: 已經叫少油, 但仲係油都爆 非常之油, 食完個嘴唇"蠟蠟令" 偏鹹, 西米布甸: 要15分鐘局, 所以要預早order. 我家姐鍾意食, 但我覺得太流, 太重蛋味