尚青商號 (已搬遷) 新店位置

見好多人介紹呢間喺灣仔嘅台灣菜，上星期就同朋友嚟試下佢😋 聽聞佢哋成日都會有條人龍但我哋好好彩唔駛等就有位，用餐時間就60分鐘～紅燒半筋半肉牛肉麵 ($78) 牛肉入味得嚟牛筋軟滑，手工寬麵有咬口，湯底唔會好油膩～所有麵都會附上油條、酸菜同是日小菜。我幾鍾意個酸菜，放埋落麵一齊食又幾不錯👍🏻基隆甜不辣 ($54)甜不辣炸至香口，份量都幾多，不過要襯熱食如果唔係就會淋同有啲油～古早味手工芋圓甜湯 ($34)芋圓係有咬口煙韌嘅質地，食得出淡淡芋頭香，配上珍珠、紅豆同仙草，細細一碗但好足料😋

早起的鳥兒有蟲吃~ 今次一於趁聖誕假一早去闖闖，搏大家前一晚平安夜玩得夜冇咁早起身，策略大成功~ 小店嘅地下門面走懷舊風，小擺設等玩味十足，好盞鬼。堂食顧客會安排於二樓用膳，我地order左紅燒半筋半肉手工寬麵同台酒三杯雞肉飯share。紅燒半筋半肉手工寬麵嘅湯好清甜，半筋半肉呢個配搭好perfect，令你一次可以擁有骨膠原満滿同扎實牛肉兩款口感。手工寬麵好有咬口，另外仲配酸菜、油炸鬼、涼拌黑木耳，非常豐盛~台酒三杯雞肉飯用一個小鍋盛上並以小洋燭加熱，成個presentation好精緻，極適合冬天享用。三杯雞份量都唔少，但賣相有D似咕嚕肉(笑)，雞肉好淋帶微辣，醬汁比較重口味，拌飯唔錯。再嚟埋個古早味手工芋圓甜湯做飯後甜品，芋圓好Q，連紅豆同仙草整體感覺又唔太甜，超滿足冇得輸！Menu-