茶木‧台式休閒餐廳 (樂富廣場A區)

营业中

休息中

放工嚟食晚飯，要scan QR code 落單，一睇比實物餐牌貴咗，原來Apps自動要你加配甜品或沙律，算啦，反正都想試吓個奶茶奶凍。點左古早紅燒牛肉拌麵配鴨血拼素鴨、台式奶茶奶凍、抹香奶茶加奶蓋少甜、追加小食糖心蛋。古早紅燒牛肉拌麵，拼麵有少許麻辣味，都幾好味，有半隻糖心蛋。成碗得兩嚿紅燒牛肉、一件紅蘿蔔、一件白蘿蔔，呢個餐要$110，得兩嚿牛肉，未免孤寒咗啲。而且唔係切片，雖然牛肉都淋，但成舊咬啲牛肉攝晒牙罅，影響口感。配的鴨血、素鴨味道幾好。抹香奶茶加奶蓋少甜，仍然好甜，飲完好口渴。追加小食糖心蛋，呢個最唔抵食，味道Ok但$26 (仲要加一)得一隻糖心蛋🥲台式奶茶奶凍，賣相好吸引，味道都幾好。整體而言，味道都算OK，但埋單連加一總共$161，都幾貴，份量對不起這個價錢，男士吃未必夠飽。下次再來的話不會選擇晚餐，午餐好似平啲。

相信很多人對茶木已經很熟悉😊， 今次到樂富廣場的分店， 兩個人坐在卡位用餐， 幾舒適。 餐廳主打台式料理， 亦時常會有新菜式推出👏🏻。兩個人的晚餐🥢 ～ 古早紅燒牛肉拌麵$74、 烏賊汁奶油中卷手作麵$86、 青蘋果酪梨蜜糖磚塊$88、 脆脆黑糖瀑布珍珠奶茶$44。🔸古早紅燒牛肉拌麵🍜 ～ 紅燒牛肉鮮嫩軟腍😋， 湯汁味道極之濃郁， 蘿蔔吸入湯汁的味道， 非常好吃。拌麵質感煙韌帶點麻香味🤤， 配菜有麻辣鴨血、素鵝和燻蛋，好豐富👍🏻。 🔸烏賊汁奶油中卷手作麵🍝 ～ 黑蚊蚊的烏賊汁， 入口好creamy， 加上口感爽滑的墨魚和非常掛汁的手作麵， 每一啖都食得很滋味✌🏻， 但食完記得立即抹嘴🤣！ 🔸脆脆黑糖瀑布珍珠奶茶🧋 ～ 黑糖瀑布般的概念， 杯外掛上粒粒朱古力，滿滿的奶蓋， 珍珠粒粒細緻煙韌， 加上芋圓串作點綴🍡， 整體甜度適中， 美味可口😋。 🔸青蘋果酪梨蜜糖磚塊🍏🍞 ～ 每一層的吐司都烤至外脆內軟， 加上甜甜的蜜糖香味🍯， 另外還有牛油果🥑、藍莓🫐、士多啤梨🍓和香蕉🍌， 配上淺藍色的忌廉和粒粒脆卜卜的焦糖爆谷， 材料豐富，賣相又靚，絕對是茶木的人氣打卡甜品👍🏻。 對茶木一向有好印象，

茶木唔講大家都識啦🥰早幾日約咗家姐行街食飯👭經過就決定食咗當去咗台灣😹🍱環境:7/10環境清雅舒服,仲安排咗梳化卡位🛋啱晒吹水打卡📸食物: 7.5/10古早紅燒牛肉拌麵 $74首先一嚟到賣相好吸引😻平時都會擔心啲牛肉好硬不過呢度整得肉質啱啱好🐂個麵有啲麻辣味(微辣)好開胃😋烏賊汁奶油中卷手作麵 $86魷魚圈爽口彈牙🦑個汁好creamy👼🏻整體好配合食晒成個都唔會話好溜🍝青蘋果酪梨蜜糖磚塊 $88唔使介紹大家都知蜜糖磚塊係其中一樣主打🌟一如以往嘅好食🙈青蘋果🍏嘅cream淡淡清香仲配上好大塊嘅軟滑牛油果🥑值得一試🧁脆脆黑糖瀑布珍珠奶茶 $44圍邊嘅脆脆配上淡淡奶蓋 口感軟棉細滑🧋攪勻奶茶同珍珠味道適中唔會太甜太濃🙇🏼‍♀️加埋芋圓做裝飾影相一流🧚🏻‍♀️💰性價比:7/10(200/人) 價錢合理,食物質素keep,得閒想食下台灣嘢可以去食🙆🏼‍♀️