阿元來了 (北街)

营业中

休息中

今天午餐，在堅尼地城區，因為胃口一般，所以只想找一些輕食，看到阿元來了， 頗為適合，因為想吃多少，實在是豐儉由人。雖然稍稍過了繁忙時間 ，原本也以為要等位，郤剛好有張細枱，可供三人坐下。我們點了阿元魯肉飯、台南擔仔粿條、蚵仔大腸麵線及鹽酥雞。阿元魯肉飯和鹽酥雞，都是我的至愛。尤其是鹽酥雞， 鹹得來不算太過，份量也足夠，胃口不好也吃了不少。 蚵仔大腸麵線也非常好吃，就是分量少了些，如果不是有其他食物，正常情況下，一個人吃兩三份，也絕對吃得下。至於台南擔仔粿條，就比較清淡，個人而言，我就不太喜歡了。

由阿元來了喺第三街開店到而家搬咗嚟堅尼地城，佢嘅魯肉飯依然係我心目中香港嘅No.1☺️阿元嘅魯肉飯肥多瘦少，充滿油香但肥而不膩，撈飯食好惹味，每次都食到lamlam脷😋台南擔仔粿條可以話係台式嘅河粉，湯底較清有淡淡蒜味，夾埋肉燥食就唔錯～甜不辣由台灣直送，雖然經油炸但食落唔油膩，口感煙韌，加啲椒鹽已經好好食。叫得招牌當然有保證，阿元嘅珍珠奶茶完全還原台灣嘅味道，冰塊甜度都有得揀，掛住台灣就要嚟飲番杯喇☺️

CP值：4.5/5 💛💛💛💛 價錢:- 刈包：$32- 阿元魯肉飯：$42- 九份芋圓：$32- 台灣香腸：$30- 台灣黑輪拼盤：$30- 蚵仔煎：$37- 炸起司地瓜球：$35- 台南擔仔粿條：$36- 奶蓋紅茶：$26 阿元來了不嬲都係我心目中勁正嘅台灣餐廳之一😍而且價錢非常實惠，味道又夠正宗👍🏻 刈包：依舊好食，每次都必點👍🏻滿滿花生粉+香菜，舊腩肉又夠稔（但好肥，好邪惡🤣） 阿元魯肉飯：魯肉好夠味，係帶肥肉個種🤤而且碗飯好多汁，所以食到底都唔會係白飯 九份芋圓：食得出芋圓有芋頭粒，但地瓜圓都係冇乜蕃薯味😮‍💨入面仲有仙草、珍珠同紅豆👏🏻但會有好多冰塊頂住，所以食個陣有啲麻煩，如果係碎冰就好啲😅😅 台灣香腸：正，仲配埋生蒜片，雖然個口食完臭2日🤣 台灣黑輪拼盤：個醬同蚵仔煎個個係一樣嘅，甜甜地仲有一舊類似「阿給」，豆腐包住豬肉，好味呀😆 蚵仔煎：冇乜蚵仔，而且木薯粉偏多，失望🥲但咁嘅價錢都預咗，畢竟香港買蠔仔都幾貴🙃 炸起司地瓜球：唔係我心目中係台灣夜市食到細細粒空心嘅地瓜球🙃比較大粒，都幾有蕃薯味，鐘意炸嘢嘅可以試😛 台南擔仔粿條：粿條其實即係河粉，所以要

今晚行經堅尼地城, 喺街逛左一陣之後開始搵嘢食, 我見呢間餐廳好多人企喺門口等, 一望原來係出名嘅台灣食店阿元來了唔知幾時喺呢度開咗分店🤔因為啱啱係高峰晚飯時間七點幾, 都喺門口等左一陣, 坐喺門口張凳仔一邊剔嘢食一邊等, 20分鐘左右終於入到去。男朋友叫咗阿元滷肉飯, 我叫咗個台南擔仔粿條 必食嘅小食台灣香腸幾香口惹味!另外叫咗個肉鬆起司蛋餅, 都好似係推介嘅必食之選, 可惜唔記得左影相個芝士蛋餅比較膩, 食一舊已經好有飽肚嘅感覺跟餐加嘢飲$10, 仲有得揀冰量甜度, 好貼心

太夜落街食飯，仲營業嘅餐廳唔太多，所以決定食哩間餐廳。整體嚟講，啲食物唔夠熱，味道偏淡。份量偏細，如果男仔食嘅話會覺唔夠飽，可能要嗌兩碗先夠肉鬆起司蛋餅蛋餅嘅味道係偏淡，只有肉鬆可以令起味道提升少少，起司都係偏淡味嘅整體口感係有啲乾，芝士有啲幾煙韌台南擔仔粿條粿條係指河粉，成碗粿條有芫茜，蝦，肉碎，如果唔食芫茜嘅人，記住走芫茜啦湯底方面，係幾香，同食得出佢有落少許五香粉阿元鹵肉飯鹵肉飯個汁有香濃鹵水味，佢同出面嘅鹵肉唔同，佢用鹵肉粒同鹵肉條，令口感豐富少少鹵雞蛋方面，覺得雞蛋鹵嘅時間唔夠耐，所以唔夠入味爆蛋雞肉飯爆蛋係指煎太陽蛋，雞肉係用雞肉絲，再加酸菜。雞肉絲偏幼身同有少少”鞋”口將蛋黃篤穿，然後撈埋一齊食個口感會更加好因為就咁單一食嘅話味道唔出炸甜不辣拼盤普通甜不辣，不過不失。味道偏淡，個口感似炸魚肉燒賣feel 地瓜球係以上咁多個菜式最好食嘅。佢有2款地瓜球，分別係黃蕃薯同紫蕃薯嘅地瓜球地瓜入面有地瓜蓉，食落口唔會太乾身，又會有軟棉棉嘅感覺珍珠奶茶普通奶茶味，珍珠係幾好咬口仙草奶茶普通奶茶味，仙草藥味唔係太重竽香奶茶正正常常，無咩特別

阿元來了🇹🇼搬遷後首次試食#可能係香港數一數二好食嘅台灣平民食店香港地要食到正宗台灣味唔容易 喱度店員仲要係台灣人ne~阿元魯肉飯 $39 佢唔係台灣多汁勁肥果種 係岩岩好夠汁撈飯 肉又好夠果種 好岩香港人口味之餘 份量剛剛好 (💡如果order平啲果個普通魯肉飯$29係迷你碗)台南擔仔粿條 $35粿條有啲似河粉嘅形狀 食起黎可以掛到肉燥嘅味 但略為油左dd 怕油嘅話建議唔好撈晒全個肉燥落碗面度店鋪裝潢好適合打卡 有懷舊台灣feel加夜市feel

今天約了朋友在堅尼地城食晏。原本想去的居酒屋原來只開晚市，那時便想起附近的「阿元來了」。店內很多台灣的小擺設，有一點點台灣的感覺。我和友人一坐下便有說台式國語的人為我們落單。我們點了: 阿元魯肉飯、台南擔仔粿條、鹽酥雞、無骨鳳爪。無骨鳳爪很入味; 粿條有一點點蒜蓉濃味，味道很濃。滷肉飯的滷肉肉滿滿的，一點也不欺場。 而我最喜歡的鹽酥雞也有夜市的味道。我和友人都各自加了十元喝了一杯百香果茶。平均每位80元。本來還想再吃他們的芋圓，但實在太飽，唯有下再去!