金牌小龍 (已結業)

朋友推薦呢間店既野食唔貴又好食，而且有我最愛既小籠包，地點又方便，就決定試下去到晚上6點左右，裝飾都唔錯，地方夠寬敞，暫時客人唔多，好快就安排左我地入座（茶茗每人$7）前菜我地點左四喜巧䡍，係我個朋友推薦，話上次試過好好食，試左之後真係覺得好特別，其他同類餐廳比較少見～味度甜甜地，又有咬口，好味好味之後去到今日黎食既重點，金牌小籠包新鮮蒸出嚟熱辣辣，真係好好食，裡面有熱湯汁，食既時間要小心另一個好多汁既有牛肉餡餅，有豬肉同牛肉揀，同樣都係新鮮製造，正食完點心都未飽，最後叫左個擔擔撈麵，辣辣地好惹味

呢間餐廳由佢係新蒲崗，到去到The One，已經食過幾次，一直都覺得呢間D野食唔錯，同埋價錢唔貴!之前見佢開左係I Square已經好想再去食下，今晚終於約左友人同我再次去食下。餐廳比我想像中大，座位舒適唔會好局促。餐廳牆身已綠色植物來佈置，感覺很清新。由於太耐冇食，有好多野都想試，但係可能因為太夜(夜晚8點半左右先去到)，所以最想食既雞絲粉皮同埋酸辣湯都賣完了，唯有下次早D黎食!金牌小籠包($38)，呢度的小籠包雖然好平，但係絕對唔馬虎，皮算薄，多湯汁，食落很惹味!生煎包($36)，以前這裡的生煎包會用上小煎pan上菜的，雖然而加冇左，但味道仍然，底部有脆卜卜的脆皮，生煎包的鮮肉都有肉汁!香糟豬腳($36)，豬腳都滲得幾入味，爽口，唔會淨係得骨食!上海風味肉($52)，即係肴肉，每次食呢D舖頭都一定會食，就好似食緊凍肉啫哩咁，點埋醋食更加惹味!台式擔擔撈麵($38)，雖然唔係我想像中咁冇湯，但係花生醬唔會太多，食落唔會好漏!蟹黃瑤柱扒西蘭花($88)，感覺好似去左大型酒樓食緊圍餐咁，因為個味道是一樣的!蟹黃唔算好多，但係瑤柱都唔少!紅燒牛肉湯($42)，其實就係台灣紅燒牛肉麵的湯底，

今日同阿媽去左尖沙咀shopping，雖然堅係超多人，但好彩好快就買完野。呢個時候梗係要搵野食！阿媽麻麻地西餐，所以就搵中式野。望見呢間鋪有小籠包，又有台灣野食，應該岩阿媽食。雞絲粉皮，青瓜仲好新鮮，粉皮都好幼滑，而麻醬又唔會太多，味道又香又唔算濃。元盅雞湯，飲落清得黎好重雞味，亦都唔喊，飲唔出有味精。醉雞，全部都只係得肉無骨，酒味甚濃，冰涼得黎又帶有酒香。台灣甜不辣，其實係炸魚片，新鮮炸出黎面仲脆脆地，啲醬酸酸甜甜的。台式擔擔撈麵，麻醬好香， 無太多既湯，撈完後有啲似麻醬撈麵， 香而不溜，只係稍為辣左少少。蝦肉蒸餃，入面包左蝦同豬肉做餡，有肉味就唔會剩係得蝦味咁寡，而且會更有口感。爆汁牛肉餡餅，入面有飽滿既牛肉餡，同埋仲有好多肉汁喺到，所以食嗰時要小心～酥炸黃花魚，薄薄既一層脆皮食落有如炸魚皮一樣，魚肉一樣照舊鮮甜滑溜。皮唔算薄，但就可以夾上黎唔會串，可以飲返哂入面啲湯，蟹黃味唔太濃烈，味道恰到好處。

在isquare 看電影前，最適合在商場即場搵食。Isquare 三樓大部都是食肆，食小籠包子興致勃勃，就選了金牌小龍。看到餐牌，每樣食品不是太貴，和男朋友瘋狂地叫了。元盅雞湯及茶樹菇排骨湯，前者濃郁雞湯鮮味，後者清甜滋潤，飲完之後都無口渴，無味精抵讚。金牌小籠包及蟹黃小籠包，我自己還是覺得原味的金牌小籠包最好，蟹黃的咸蛋王味出眾，蓋過了蟹皇的鮮味，但整體還是多湯美味。我們叫了多款小食，水晶蛋，醉雞，韭菜鍋貼。水晶蛋蛋黃還流著，醉雞有著花雕酒及甜甜地，鍋貼雖然賣相有點煎燶了，但還是鎖著肉汁，配上辣椒醬就更佳。酥炸黃花魚，不會因為炸過後破壞了魚肉的嫩滑，點千島沙律醬會減輕油膩感。台式擔擔撈麵，這個好辣而且有點麻，連食得辣的男朋友也頂不住。最後要拍一拍全枱野食的情景，是次消費450元兩個人。

一直想試試這間位於iSQUARE的金牌小龍，因為價格相宜、環境舒適，今晚終於找到機會，和女朋友來一試水準。餐牌選擇極多，蒸點、冷盤、小食、麵食、小菜、飯類以及甜品一應俱全，價位十分親民。元盅茶樹排骨湯先來一碗茶樹菇排骨湯暖暖胃，一呷味道十分柔和，茶樹菇有助消脂清腸胃，而且香味濃郁，秋冬時分特別滋潤。金牌小籠包小籠包皮薄而夠韌度，肉餡味鮮而湯汁清香，小籠包薄薄的皮不但要經得起用筷子夾帶而不破裂漏汁，而且柔韌度足以支持餡料和湯汁下墜的重量，把包子拉長了搖搖晃晃似個燈籠，做到「坐著像口鐘，挾起似燈籠」的標準。醉雞一咬雞有雞味已經十分難得，而雞皮爽薄，肉質嫩滑，瀰漫着濃郁的酒香，口感冰涼。紅燒豬手紅燒醬汁特別醇厚和味，滲透骨肉，豬手皮軟肉嫩而不過爛，吃來才有齒頰留香之妙。秘制紅燒肉那肥瘦相間的腩肉鮮香腴美，一咬皮滑，脂爽，肉軟，濃油赤醬，鹹中帶甜，味道回甘，肥而不膩，上品。酥炸黃花魚將黃花魚炸至肉酥皮脆，入口香酥脆嫩，肉質細滑，滋味別具一格。粉蒸排骨香港不常見的粉蒸排骨，一嚐糯而清香，嫩而不爛，潤而不油，醬香馥郁。台式擔擔撈麵擔擔麵調味細膩豐富，帶有花生醬味道，微辣的風味，輕輕的刺激著舌頭，口