尚青商號 (已搬遷) 新店位置

星期六晚諗食咩好有一排無食尚青商號又去幫襯下先食過幾次次次都會叫鴨血煲辣得黎勁惹味食第一啖就係喉嚨辣返轉頭配埋鴨血冬粉真係無得輸飯我地叫左鹽酥排骨飯皮好鬆脆可惜白飯煮得太淋好彩碗飯唔係太多汁(汁係好香既)仲叫左滷大腸茶香(?)就唔係好食到但係好入味! 飲品我地叫左胚芽奶茶同翡翠檸檬綠茶其實出街食台式嘢都可能偏向食油膩dd有時仲食埋辣tim要飲邪惡既奶茶類定清新既紅綠茶類都唔係咁易抉擇檸檬綠茶其實係平時飲開既檸茶既綠茶版都唔錯 夠fresh

🍽 台式鹽酥排骨飯💰$60🌟8.5/10➰以為會唔好食 得個樣靚但點知有驚喜！豬扒似即叫即炸 咬落去仲熱辣辣同好脆炸皮厚薄適中 仲有調味 幾好食除咗主食 Lunch set仲送嘢飲 今次揀咗無糖茶...至於同行朋友就嗌咗手工寛麵(圖3) 但係就一般般不過店內環境好加分 好休閒同埋乾淨😝————————————————🏋🏻‍♀️🗣夏天就嚟完啦 又係增肌嘅好時機啦～-抵食指數：🌕🌕🌕🌑🌑食物：🌕🌕🌕🌗🌑環境：🌕🌕🌕🌕🌑邪惡指數：🌕🌕🌕🌗🌑-📍灣仔蘭杜街4號文熙大廈地鋪-💰人均消費：$50-$100

好掛住台灣鹽酥雞/豬扒，所以黎左尚青食！呢間唔止係台式餐廳，仲有其他台灣野賣，迷你士多咁，例如辣椒醬、王子麵等等。樓下係外賣同野飲，樓上就係堂食區，坐位雖然唔算少，不過想lunch time食就要早好多出去排隊…同同事12點鬆啲去到，都等左半個鐘先入得，野食就等多15分鐘左右，所以要有充裕既時間先好食。🔅台式鹽酥排骨飯 ($60)豬扒睇落好似好厚粉，但食落一啲都唔覺，仲好酥脆，都保留到豬扒既肉質，不過炸粉好易同豬扒本體分離…溏心蛋好靚，時間掌握得啱啱好👍🏻。最鐘意係佢有埋鰹魚碎同埋肉燥黎撈飯，無得彈！🔅椒鹽排骨雞湯麵 ($60)麵唔會太腍，雞湯幾清，唔會似足平時台灣重口味咁鹹。不過豬扒無乜椒鹽味，普通鹽酥排骨咁。💬野食加埋文青風既環境都加分，午市套餐仲附有唔同既小菜或溏心蛋，唔洗加錢就有跟餐野飲，但要加一就唔多抵，因為基本上都無咩service，落單都係qr code自己落…寧願食物上加價都唔係用服務費收多我10%…同埋雖然限左食一個鐘，但排隊真係極耐…如果唔係好想食台灣野應該就唔會想排😂。

今日lunch一位同事請我食farewell lunch，經過呢間新開既餐廳，於是入去試下。呢間食台灣菜，好多人排隊，我地排左差唔多一個鐘先有位，限時食一個鐘。我地揀左紅燒半筋半肉手工寬麵同台式鹽酥排骨飯share食。台式鹽酥排骨飯有半隻溏心蛋，是日小菜係黑木耳同醃蘿蔔。白飯比較腍身，濕濕地，排骨炸得唔太脆，都係腍腍地，普通。紅燒半筋半肉手工寬麵跟油條、酸菜、黑木耳。麵比飯好食啲，但寬麵有啲會痴埋一舊，好彩牛肉軟腍，唔錯。兩個餐都係飲凍冬瓜茶，略甜。

尚青商號，灣仔區內頗有名氣的台灣菜，由傅珮嘉夫妻另起爐灶開設的台式餐廳，講到呢到，不禁想起好耐年前係西環食過三星牛肉麵，繼而銅記的三星台菜食堂，水準之作，下午去一轉。門面的黃色鐵閘十分搶眼，餐廳樓高兩層，下層主力外賣及茶飲，上層是食堂，層架上了售賣一些台灣雜貨，像個小士多，不修飾的水泥牆、鐵木枱椅、鳥籠燈、懷舊海報及精品，設計具文青風格，亦有著台灣特色，感覺舒適。約14:30去到，以為呢個時段會冇乜人，太天真!一樣都多人(果然深受歡迎)，不過我一人，都好快有位。這裡冇下午茶，呢個時段都係食午市套餐，出名是牛肉麵，不過今日想吃點米飯。台式鹽酥排骨飯，$58。台式鹽酥排骨飯，$58，鹽酥排骨薄身，口感外酥脆內鬆化，香口惹味唔油膩，溏心蛋軟滑，米飯份量適中，配料份量多伴飯食更滋味。小菜有醃蘿蔔及黑木耳，脆爽開胃。冬瓜茶，甜甜地，夠冰凍好消暑。食物味道不俗，坐得幾舒服，收加一。

💛尚青商號·呢間我想試好耐架啦 不過佢lunch time真係好多人 難得嗰日我個朋友仔可以早啲出去排隊 我地就決定食佢😈我哋12:30去到 但係最後都要等到1:30🤭🤭所以我地食得好趕 啲嘢食相都影得好匆忙 不過難得食到都一定要post😂😂·紅燒半筋半肉手工寬麵$74 l 台式鹽酥排骨飯$58佢個牛肉麵唔錯既 尤其係個牛筋好淋 個牛肉質地都OK 不過佢個湯底就無咩特別咁 而且我覺得佢呢款手工寬麵有啲太有咬口 我自己覺得可以淋翻少少🤣之後佢個排骨飯超級大碗 佢下面啲飯塞到滿曬 不過配埋佢個炸洋蔥好好味😋佢個排骨調味都唔錯既 而且又係大大塊咁 不過始終炸粉比較多 所以食落都有啲啲熱氣😏😏·基隆甜不辣$30呢個我自己幾鍾意 佢個甜不辣超級煙煙韌韌 用少少椒鹽調味已經好好味 不過佢個飯實在太大碗啦 所以我地最後都食唔曬🙊🙊😂·📍灣仔蘭杜街4號文熙大廈地鋪