鐵花村 (愛群商業中心)

营业中

休息中

呢晚友人帶咗我嚟北角呢間台灣小店 餐廳名係以台東嘅一個地方 鐵花村命名 主打食原味健康嘅台式料理🥰鐵花滷肉飯滷肉飯係食台式餐廳必點嘅菜式 滷肉肥瘦適中🐷 有肉嘅香味 但絕對唔會係成口肥膏 白飯溝咗紅藜麥 多多一份健康嘅感覺 最鍾意係佢仲有肉鬆喺面 有更多口感😛番茄紅燒牛肉麵牛肉麵用咗台灣直送嘅刀削麵🍜 麵質彈牙 湯底用上新鮮蔬菜熬成 冇加味精 飲落好鮮甜 牛肉都煮得好入味🐮 南瓜起司蛋餅係個比較特別 第一次食南瓜做餡嘅蛋餅🥞 外層都幾乾身 入面嘅南瓜味道偏甜 加上多到瀉出嚟嘅芝士 味道幾特別🎃台東鹹豬肉呢個係店舖新推出嘅菜式 呢個鹹豬肉用上五層肉去處理☺️ 外層嘅味道有少少似鹽酥雞嘅鹹味 呢個製作方法仲保留到好多豬肉嘅肉汁🐷 餐廳仲附上一個用上鮮蒜蓉同埋白醋製成嘅醬汁 點埋一齊食更加有風味同埋可以解膩 飲品芝士奶蓋烏龍 奶蓋幾細滑 配埋烏龍茶底香淳就唔會好膩啦🍵 鳳梨乳酸酸酸甜甜咁幾開胃🍍呢間餐廳嘅口味有台灣特色得嚟 食材都幾健康新鮮 估唔到北角有間高質嘅台灣小店😉

一向鍾意台灣又鍾意食台式菜嘅我，又發現咗一間喺北角嘅高質好味又抵食嘅台灣菜😆 大大帶咗我去咗依間以台東菜式為主題嘅小店。 小店裝飾充滿台灣感，天花都吊滿咗小天燈同白雲好有心機，而牆身都有當地鐵花村鐵路牌同景點塗鴉，仲貼滿明信片海報地圖咁相當有心思。店內嘅服務員都係台灣人，聽到佢哋都在講台語😆，送餐都很親切友善就閒談咗幾句，原來老闆係台東人，醬料跟做法都係台灣嘅口味😛係充滿溫度感嘅小店。 落單可以用劃紙仔方式嘅、我哋兩個人食到好飽飽都只係$262🥰5款菜款1杯嘢飲同1款甜品～ 🟡無骨鳳爪（幾特別佢嘅鳳爪係有煙燻過再滷的，又唔會太咸有少少辣幾惹味，而且好貼心咁有切開，唔會話太大隻會難咬，可以一口一啖作為前菜小食一流而且無骨真係好方便🥰）🟡台東鹹豬肉 （配左個蒜蓉醋汁） 一落枱就好香😍肉肉分佈幾好有肥有嫩同有啲軟骨位，雖然話係鹹豬肉但唔會死鹹燒到岩岩好唔會柴，食果陣配搭個汁恰恰好不會覺得好重油膩感。鍾意蒜嘅人士一定要豬肉點少少汁再連埋堆蒜一齊擺入口真係好正🤤🤤🟡鹽酥雞，做得夠酥脆而肉身唔會乾幾juicy，夠香口不太油膩做得不錯。🟡大板燒蛋餅 👍👍台日風混合😛口感一流，蛋皮包住紫椰菜

搵到間隱世地道台灣菜，大推～ 朋友約左食鐵花村， 睇地圖睇到一頭霧水， 其實係港運城後面就到， 佈置好有台東特色，掛左好多熱氣球，老闆好親切，一坐低會推薦我地有咩好食， 原來老闆係台東人， 黎香港開業左2年， 疫情都捱到證明有點實力😂♡鹽酥雞 $39超推薦， 好大粒雞肉，肉質好嫩好juicy, 炸皮唔會太厚， 椒鹽粉又剛剛好♡南瓜起司蛋餅 $36台灣菜蛋餅一定必點，南瓜蓉好甜，同芝士好夾～♡綜合煎 $45貪心小小揀左蚵仔蝦仁綜合煎，賣相以為好乾， 但入面加左木薯粉，所以個蛋煎的乾啲先夾得起。♡台東鹹豬肉 $40鹹豬肉好嫩滑，比豬頸肉瘦，配秘製蒜蓉醋汁， 好開胃， 好彩有個飯😂♡鐵花滷肉飯 $48滷肉肥瘦適中，飯加左藜麥米， 仲配左2條西蘭花。♡芝士奶蓋冬瓜 $28飲品寫明無添加果糖， 好健康，冬瓜茶夠甜，加奶蓋咸咸地，再中和左個甜度， 我覺得好好飲～♡焦糖奶蓋奶茶+焦糖布丁 $34因為老闆提我飲品可能會無外面咁甜， 揀左雙重焦糖，配料一款加$5。飲得出個奶蓋係有分別，顏色都偏啡色少少， 因為有焦糖， 所以係正常甜度～ 布丁都好好食～